നിരോധിക്കണം, നാദിര്ശായുടെ സിനിമകള് ക്രൈസ്തവരെ അവഹേളിക്കുന്നതാണെന്ന് തുഷാര് വെള്ളാപ്പള്ളി
Aug 8, 2021, 17:32 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ആലപ്പുഴ: (www.kvartha.com 08.08.2021) നടനും സംവിധായകനുമായ നാദിര്ശാക്കെതിരെ തുഷാര് വെള്ളാപ്പള്ളി രംഗത്ത്. ഈശോ, കേശു ഈ വീടിന്റെ ഐശ്വര്യം, എന്നീ പേരുകള് ഉള്ള സിനിമ ക്രൈസ്തവരെ അവഹേളിക്കുന്നതാണെന്ന് ആരോപണം. ഇവ നിരോധിക്കാന് സര്കാര് തയ്യാറാകണമെന്ന് ബി ഡി ജെ എസ് അദ്ധ്യക്ഷന് തുഷാര് വെള്ളാപ്പള്ളി പ്രസ്താവനയില് ആവശ്യപ്പെട്ടു.
യേശുദേവനെ അവഹേളിക്കുന്ന ഇത്തരം പ്രവണതകള് ചെറുത്തു തോല്പ്പിക്കേണ്ടത് സമൂഹത്തിന്റെ ആവശ്യകതയാണെന്നും ക്രൈസ്തവരെ അവഹേളിക്കാനുള്ള ശ്രമങ്ങളുടെ തുടര്ച്ചയാണ് നാമകരണമെന്ന് സംശയിക്കുന്നതായും തുഷാര് വെള്ളാപ്പള്ളി വാര്ത്താക്കുറിപ്പില് പറഞ്ഞു.
സമാധാനത്തിന്റെ വക്താവായി ലോകം മുഴുവന് അംഗീകരിക്കപ്പെട്ട യേശുദേവനെ അവഹേളിക്കുന്ന രീതിയില് നടന്ന ഈ കുടില നീക്കം അത്യന്തം അപലനീയമാണ്. വിദ്യാഭ്യാസരംഗത്തും സാമൂഹ്യരംഗത്തും ക്രൈസ്തവ സഭ നല്കിയ മഹത്തായ സംഭാവനകള് വിസ്മരിക്കാന് കഴിയാത്തതാണ് ക്രൈസ്തവ മൂല്യങ്ങളെ വിസ്മരിക്കാന് ആര്ക്കും കഴിയില്ല.
ഇത്തരം നീക്കം സമൂഹത്തില് ഭിന്നതയും വിഭജനവും ഉണ്ടാക്കാനേ ഉപകരിക്കൂ. ആവിഷ്കാര സ്വാതന്ത്ര്യം എന്ന പേരില് മതാന്ധതയും മതവൈരം സൃഷ്ടിച്ചു മതവിശ്വാസത്തെയും വിശ്വാസികളുടെയും മതവികാരം വ്രണപ്പെടുത്തുന്ന ഇത്തരം നീക്കങ്ങള് ചെറുത്തുതോല്പ്പിക്കാന് ബി ഡി ജെ എസ് മുന്പന്തിയില് ഉണ്ടാകുമെന്നും തുഷാര് പറഞ്ഞു.
വിശ്വാസികളെ അവഹേളിക്കുന്ന ചലച്ചിത്രങ്ങള്ക്ക് എതിരെയും ലൗ ജിഹാദ് പോലെയുള്ള സാമൂഹിക വിപത്തിനെതിരെയും നിയമനിര്മാണം ആവശ്യപ്പെട്ടുകൊണ്ട് കേന്ദ്ര ആഭ്യന്തരമന്ത്രി അമിത് ഷായ്ക്ക് നിവേദനം നല്കുമെന്നും തുഷാര് പറഞ്ഞു.
ആചാരങ്ങളും അനുഷ്ഠാനങ്ങളും വിശ്വാസപ്രമാണങ്ങളും സംരക്ഷിക്കുവാനുള്ള ശക്തമായ പ്രവര്ത്തനങ്ങള് ബി ഡി ജെ എസ് സംഘടിപ്പിക്കുമെന്നും തുഷാര് വ്യക്തമാക്കി.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
