അഭ്യൂഹങ്ങള്ക്ക് വിരാമം; ജോജു ജോര്ജിന്റെ 'സ്റ്റാര്' 29ന് തീയേറ്റര് റിലീസ്; പുതിയ പോസ്റ്റെര് പുറത്തുവിട്ട് അണിയറ പ്രവര്ത്തകര്
Oct 5, 2021, 20:10 IST
ADVERTISEMENT
കൊച്ചി: (www.kvartha.com 05.10.2021) ജോജു ജോര്ജിന്റെ 'സ്റ്റാര്' ഒ ടി ടി റിലീസിന് ഒരുങ്ങുന്നു എന്ന അഭ്യൂഹങ്ങള്ക്ക് വിരാമം. ഒരിടവേളക്ക് ശേഷം സംസ്ഥാനത്ത് തിയേറ്ററുകള് തുറക്കുമ്പോള് ചിത്രം തീയേറ്റര് റിലീസായി തന്നെ 29 ന് ചിത്രം എത്തും. ചിത്രത്തിന്റെ അണിയറ പ്രവര്ത്തകരുടെ പുതിയ പോസ്റ്റെര് ഇറക്കിയിരിക്കുകയാണ്.
ഡോമിന് ഡി സില്വ സംവിധാനം ചെയ്യുന്ന പുതിയ ചിത്രമാണ് 'സ്റ്റാര്'. ജോജു ജോര്ജ്, പൃഥ്വിരാജ്, ഷീലു എബ്രഹാം എന്നിവരാണ് ചിത്രത്തിലെ പ്രധാന കഥാപാത്രങ്ങള്. സാനിയ ബാബു, ശ്രീലക്ഷ്മി, തന്മയ് മിഥുന്, ജാഫര് ഇടുക്കി, സബിത, ഷൈനി രാജന്, രാജേഷ്ജി തുടങ്ങിയവരും മറ്റു പ്രധാന വേഷങ്ങളിലെത്തുന്നു.
അബാം മൂവീസിന്റെ ബാനറില് എബ്രഹാം മാത്യുവാണ് ചിത്രം നിര്മിക്കുന്നത്. ഹരിനാരായണന്റെ വരികള്ക്ക് എം ജയചന്ദ്രനും രഞ്ജിന് രാജും ചേര്ന്നാണ് സംഗീതമൊരുക്കുന്നത്. തരുണ് ഭാസ്കരന് ഛായാഗ്രഹണം നിര്വഹിക്കുന്നു. ബാദുഷയാണ് പ്രൊജക്ട് ഡിസൈനര്. നവാഗതനായ സുവിന് എസ് സോമശേഖരന്റേതാണ് രചന. ക്ലീന് 'യു' സെര്ടിഫികറ്റാണ് സെന്സര് ബോര്ഡ് സിനിമയ്ക്ക് നല്കിയിരിക്കുന്നത്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
