SWISS-TOWER 24/07/2023

മകന് കൂട്ടായി തൊട്ടരികില്‍ വളര്‍ത്തുനായ ഷെര്‍ലോക് ഇരിക്കുന്നതിന്റെ ക്യൂട് ചിത്രം പങ്കുവച്ച് ഗായിക ശ്രേയ ഘോഷാല്‍

 


മുംബൈ: (www.kvartha.com 06.07.2021) മകന്‍ ദേവ്യാന്റെ അരികില്‍ വളര്‍ത്തുനായ ഷെര്‍ലോക് ഇരിക്കുന്നതിന്റെ ക്യൂട് ചിത്രം പങ്കുവച്ച് ഗായിക ശ്രേയ ഘോഷാല്‍. ദേവ്യാന്റെ ഉത്തമനായ ജ്യേഷ്ഠനാവുകയാണ് ഷെര്‍ലോക് എന്നാണ് ചിത്രം പങ്കുവച്ച് ശ്രേയ കുറിച്ചത്. ശ്രേയയുടെ സമൂഹമാധ്യമ പോസ്റ്റ് ചുരുങ്ങിയ സമയത്തിനകം തന്നെ വൈറലായി. സിനിമാസംഗീതരംഗത്തെ നിരവധി പ്രമുഖരാണ് പ്രതികരണങ്ങളുമായെത്തിയത്.
Aster mims 04/11/2022

മകന് കൂട്ടായി തൊട്ടരികില്‍ വളര്‍ത്തുനായ ഷെര്‍ലോക് ഇരിക്കുന്നതിന്റെ ക്യൂട് ചിത്രം പങ്കുവച്ച് ഗായിക ശ്രേയ ഘോഷാല്‍

ഷെര്‍ലോകിന് ദേവ്യാന്റെ ചേട്ടനായി സ്ഥാനക്കയറ്റം കിട്ടിയെന്നാണ് ശ്രേയ ഘോഷാലിന്റെ അടുത്ത സുഹൃത്തും ഗായികയുമായ നീതി മോഹന്‍ കുറിച്ചത്.

ശ്രേയയുടെ നായ ഷെര്‍ലോക് സമൂഹമാധ്യമലോകത്തിന് ഏറെ സുപരിചിതനാണ്. നായയുടെ ചിത്രങ്ങളും വിഡിയോകളും ഗായിക ഇടയ്ക്കിടെ പങ്കുവയ്ക്കാറുമുണ്ട്. ഗര്‍ഭകാലത്ത് ശ്രേയ ഷെര്‍ലോകിനെ കുറിച്ചെഴുതിയ സമൂഹമാധ്യമ പോസ്റ്റ് വൈറലായിരുന്നു. വീട്ടില്‍ കുഞ്ഞ് പിറക്കാന്‍ പോകുന്ന കാര്യം നായ മനസിലാക്കിയിട്ടുണ്ടെന്നും അവനും ആകാംക്ഷയോടെ കാത്തിരിക്കുകയാണെന്നുമായിരുന്നു ശ്രേയയുടെ കുറിപ്പ്.

ഇപ്പോള്‍ കുഞ്ഞിന്റെ അരികിലിരിക്കുന്ന ഷെര്‍ലോകിന്റെ ചിത്രവും വൈറലായിക്കഴിഞ്ഞു. മെയ് 22നാണ് ശ്രേയ ഘോഷാലിനും ഭര്‍ത്താവ് ശൈലാദിത്യ മുഖോപാധ്യായ്ക്കും ആണ്‍കുഞ്ഞ് പിറന്നത്. ആദ്യ കണ്‍മണിയെ വരവേറ്റതിന്റെ സന്തോഷം ഇരുവരും സമൂഹമാധ്യമങ്ങളിലൂടെയാണ് ആരാധകരെ അറിയിച്ചത്. ഏതാനും ആഴ്ചകള്‍ക്കു മുന്‍പ് മകനെ ചേര്‍ത്തുപിടിച്ചുള്ള മനോഹര ചിത്രവും ഗായിക പങ്കുവച്ചിരുന്നു.

Keywords:  Shreya Ghoshal shares the cute picture of her son along with pet, Mumbai, News, Singer, Child, Dog, Social Media, Cinema, National.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia