Priyanka Chopra | പരമ്പരാഗത ഫ്‌ലോറല്‍ എംബ്രോയ്ഡറിക്ക് പുതിയ രൂപം നല്‍കി പ്രിയങ്ക ചോപ്ര; കറുപ്പ്- സുവര്‍ണ നിറങ്ങളിലുള്ള പാന്റ്‌സ്യൂടില്‍ തിളങ്ങി താരം, ചിത്രങ്ങള്‍ വൈറല്‍

ഫ്‌ലോറല്‍ പാന്റ്‌സ്യൂടില്‍ ആണ് ഇത്തവണ താരം തിളങ്ങുന്നത്. കറുപ്പ്- സുവര്‍ണ നിറങ്ങളിലാണ് പാന്റ്‌സ്യൂട് ഡിസൈന്‍ ചെയ്തിരിക്കുന്നത്. ഫുള്‍ സ്ലീവുള്ള ബ്ലെസറിനൊപ്പം ബൂട്കട് പാന്റ്‌സാണ് വരുന്നത്. ചിത്രങ്ങള്‍ പ്രിയങ്ക തന്നെയാണ് തന്റെ ഇന്‍സ്റ്റഗ്രാമിലൂടെ പങ്കുവച്ചത്. മനോഹരമായ ഹാന്റ് ബാഗും താരത്തിന്റെ കയ്യിലുണ്ടായിരുന്നു. ഔട്ഹൗസിന്റെ 23,950 രൂപയുള്ള ബാഗാണിത്.
        
തന്റേതായ കൈയൊപ്പുമായി എത്തുന്ന പ്രിയങ്കയുടെ ഫാഷന്‍ ആരാകര്‍ക്കും ഏറെയിഷ്ടമാണ്. പ്രിയങ്ക ധരിക്കുന്ന വസ്ത്രങ്ങള്‍ എപ്പോഴും വാര്‍ത്തകളില്‍ ഇടം നേടാറുമുണ്ട്.

അതേസമയം, പ്രിയങ്കയെ നായികയാക്കി ജെയിംസ് സ്ട്രൗസ് സംവിധാനം ചെയ്യുന്ന 'ലവ് എഗെയ്ന്‍' എന്ന ഹോളിവുഡ് ചിത്രത്തിലെ ഒരു സ്റ്റില്‍ അടുത്തിടെ താരം പങ്കുവച്ചിരുന്നു. ജെയിംസ് സി സ്ട്രൗസ് തന്നെയാണ് ചിത്രത്തിന്റെ തിരക്കഥ എഴുതുന്നതും. ഒരു റൊമാന്റിക് ചിത്രമാണ് 'ലവ് എഗെയ്ന്‍'. 2023 മെയ് 12ന് ചിത്രം റിലീസ് ചെയ്യുമെന്നാണ് അറിയിച്ചിരിക്കുന്നത്.