'ഒരു നടനെന്ന രീതിയില്‍ ഫഹദിനും ദുല്‍ഖറിനും മുന്‍പുള്ള തലമുറയിലാണ് തന്നെ ലിസ്റ്റ് ചെയ്തിരിക്കുന്നതെന്ന്'; നടൻ പൃഥ്വിരാജ്

കൊച്ചി: (www.kvartha.com 26.06.2021) ഫിലിം മേകേഴ്‌സ് വലിയ സിനിമകളുടെ ഭാഗമാകാന്‍ വേണ്ടിയാണ് കൂടുതലായും തന്നെ സമീപിക്കുന്നതെന്നും എന്നാൽ തനിക്ക് യാഥാര്‍ഥ്യങ്ങളുമായി ചേര്‍ന്ന് നില്‍ക്കുന്ന കൊച്ചു സിനിമകളുടെ ഭാഗമാകാന്‍ ആണ് താല്‍പര്യമെന്ന് പ്രേക്ഷകരുടെ പ്രിയ നടന്‍ പൃഥ്വിരാജ് പറയുന്നു.

സംവിധായകന്‍ ദിലീഷ് പോത്തനും തിരക്കഥാകൃത്ത് ശ്യാം പുഷ്‌കരനും ഒരിക്കല്‍ വലിയ സിനിമ ചെയ്യണമെന്ന് പറഞ്ഞ് വീട്ടില്‍ വന്നിരുന്നുവെന്നും, എന്തുകൊണ്ടാണ് ജോജി പോലത്തെ സിനിമകള്‍ തന്നെവച്ച്‌ എടുക്കാത്തതെന്ന് അവരോട് ചോദിച്ചിരുന്നുവെന്നും പൃഥ്വിരാജ് വെളിപ്പെടുത്തി.

ഒരു നടനെന്ന രീതിയില്‍ ഫഹദിനും ദുല്‍ഖറിനും മുന്‍പുള്ള തലമുറയിലാണ് തന്നെ ലിസ്റ്റ് ചെയ്തിരിക്കുന്നതെന്നും പൃഥ്വിരാജ് അഭിപ്രായപെടുന്നു. വര്‍ഗം' ഒരു ന്യൂജെന്‍ സിനിമയാണെങ്കിലും, അത് ആ പട്ടികയില്‍ ഇടം നേടിയില്ലെന്നും മലയാളത്തിലെ പോപുലറായ ന്യൂജെന്‍ ഫിലിം മേകറുടെ കൂടെയൊന്നും താന്‍ പ്രവര്‍ത്തിച്ചിട്ടില്ലെന്നും നടന്‍ കൂട്ടിച്ചേര്‍ക്കുകയുണ്ടായി.