Kaduva's Song Out | 'പാലാ പള്ളി തിരുപ്പള്ളി'; കടുവ ചിത്രത്തിലെ ഹിറ്റ് ഗാനത്തിന്റെ വീഡിയോ പുറത്തുവിട്ട് അണിയറപ്രവര്ത്തകര്
Jul 30, 2022, 18:19 IST
ADVERTISEMENT
കൊച്ചി: (www.kvartha.com) പൃഥ്വിരാജിനെ നായകനാക്കി ഷാജി കൈലാസ് സംവിധാനം ചെയ്ത ചിത്രമാണ് 'കടുവ'. മികച്ച പ്രതികരണവുമായി തിയേറ്ററുകളില് മുന്നേറുന്ന ചിത്രം ബോക്സ് ഓഫീസില് 'കടുവ'യുടെ കളക്ഷന് 40 കോടി കടന്നെന്നാണ് റിപോര്ട്. ഇപ്പോഴിതാ ചിത്രത്തിലെ ഹിറ്റ് ഗാനത്തിന്റെ വീഡിയോ പുറത്തുവിട്ടിരിക്കുകയാണ് അണിയറപ്രവര്ത്തകര്.
'പാലാ പള്ളി തിരുപ്പള്ളി' എന്ന ഗാനത്തിന്റെ വീഡിയോയാണ് പുറത്തുവിട്ടിരിക്കുന്നത്. അഭിനന്ദന് രാമാനുജം ആണ് ഛായാഗ്രാഹണം നിര്വഹിച്ച ചിത്രത്തിന്റെ സംഗീത സംവിധാനം ജേക്ക്സ് ബിജോയ്ആണ്.
ചിത്രത്തില് 'കടുവക്കുന്നേല് കുറുവച്ചന്' എന്ന കഥാപാത്രമായിട്ടാണ് പൃഥ്വിരാജ് അഭിനയിക്കുന്നത്. 'ആദം ജോണി'ന്റെ സംവിധായകനും 'ലന്ഡന് ബ്രിഡ്ജ്', 'മാസ്റ്റേഴ്സ്' എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് 'കടുവ'യുടെയും രചന നിര്വഹിച്ചിരിക്കുന്നത്. പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് നിര്മാണം.
സായ് കുമാര്, സിദ്ദിഖ്, ജനാര്ദനന്, വിജയരാഘവന്, അജു വര്ഗീസ്, ഹരിശ്രീ അശോകന്, രാഹുല് മാധവ്, കൊച്ചുപ്രേമന്, സംയുക്ത മേനോന്, സീമ, പ്രിയങ്ക തുടങ്ങിയവര് മറ്റ് വേഷങ്ങളില് എത്തുന്നു. വിവേക് ഒബ്റോയ് ചിത്രത്തില് വിലനായി ഡിഐജിയായിട്ട് അഭിനയിക്കുന്നു.
ചിത്രത്തിന് തിയേറ്ററുകളില് ലഭിക്കുന്ന പ്രതികരണങ്ങള്ക്ക് പ്രേക്ഷകരോട് നന്ദി പറഞ്ഞ് പൃഥ്വിരാജും ഷാജി കൈലാസും രംഗത്ത് എത്തിയിരുന്നു.
Keywords: News,Kerala,State,Kochi,Entertainment,Cinema,Song,Video,Social-Media,Prithvi Raj, Theater,Top-Headlines,Actor, Prithviraj starrer new film Kaduva's video song out
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
