Nalla Samayam | ഒമര് ലുലുവിന്റെ 'നല്ല സമയം' തിയേറ്ററില്നിന്ന് പിന്വലിച്ചു; ബാക്കി കാര്യങ്ങള് കോടതി വിധി അനുസരിച്ച് തീരുമാനിക്കുമെന്ന് സംവിധായകന്
Jan 2, 2023, 13:08 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കോഴിക്കോട്: (www.kvartha.com) ഒമര് ലുലു സംവിധാനം ചെയ്ത നല്ല സമയം എന്ന സിനിമ തിയേറ്ററില്നിന്ന് പിന്വലിച്ചു. സംവിധായകന് തന്നെയാണ് വിവരം സ്ഥിരീകരിച്ചത്. ബാക്കി കാര്യങ്ങള് കോടതി വിധി അനുസരിച്ച് തീരുമാനിക്കുമെന്നും അദ്ദേഹം ഫേസ്ബുകിലൂടെ അറിയിച്ചു.
സിനിമയുടെ ട്രെയിലറില് ലഹരി വസ്തുക്കളുടെ ഉപയോഗം പ്രോത്സാഹിപ്പിക്കുന്നെന്ന് കാണിച്ച് എക്സൈസ് വകുപ്പ് കേസെടുത്തിരുന്നു. സംവിധായകന്, നിര്മാതാവ് എന്നിവര്ക്കെതിരെയാണ് എക്സൈസ് കേസെടുത്തത്. അബ്കാരി, എന്ഡിപിഎസ് നിയമങ്ങള് പ്രകാരം എക്സൈസ് കോഴിക്കോട് റേഞ്ചാണ് കേസ് എടുത്തത്.
വെള്ളിയാഴ്ചയാണ് ഒമര് ലുലു സംവിധാനം ചെയ്ത 'നല്ല സമയം' തിയേറ്ററുകളിലെത്തിയത്. കഴിഞ്ഞദിവസം പുറത്തിറങ്ങിയ ടീസറില് കഥാപാത്രങ്ങള് മാരക ലഹരിവസ്തുവായ എംഡിഎംഎ ഉപയോഗിക്കുന്ന രംഗമാണ് മുഴുനീളം. ഇതിന്റെ ഉപയോഗം പ്രോത്സാഹിപ്പിക്കുന്ന തരത്തിലുള്ള സംഭാഷണങ്ങളും ഒപ്പം ചേര്ത്തിരുന്നു. ഇതാണ് പരാതിയിലേക്കും ഒമര് ലുലുവിനും നിര്മാതാവിനുമെതിരെയുള്ള നടപടിയിലേക്കും നയിച്ചത്. സിനിമയുടെ റിലീസിന് ശേഷം അതിലെ ഒരു നായിക മയക്കുമരുന്ന് ഉപയോഗത്തെ അനുകൂലിക്കുന്ന പരാമര്ശങ്ങള് നടത്തിയതും വിവാദമായിരുന്നു.
ഹാപ്പി വെഡ്ഡിങ്, ചങ്ക്സ്, ഒരു അഡാറ് ലൗ, ധമാക്ക എന്നീ സിനിമകള്ക്കുശേഷം ഒമര് സംവിധാനം ചെയ്യുന്ന ചിത്രമാണ് 'നല്ല സമയം'. നവാഗതനായ കലന്തൂര് ആണ് ചിത്രത്തിന്റെ നിര്മാണം. ഇര്ശാദാണ് ചിത്രത്തില് നായകന്. നീന മധു, ഗായത്രി ശങ്കര്, നോറ ജോണ്സണ്, നന്ദന സഹദേവന്, സുവൈബത്തുല് ആസ്ലമിയ്യ എന്നീ പുതുമുഖങ്ങളാണ് നായികമാര്. ശാലു റഹീം, ശിവജി ഗുരുവായൂര്, ജയരാജ് വാരിയര് തുടങ്ങിയവരും ചിത്രത്തിലുണ്ട്. ചിത്രത്തിന് എ സര്ടിഫികറ്റ് ആണ് സെന്സര് ബോര്ഡ് നല്കിയത്.
Keywords: News,Kerala,State,Kozhikode,Top-Headlines,Trending,Facebook,Facebook Post,Social-Media,Entertainment,Cinema,Director, Omar Lulu's movie 'Nalla Samayam' withdrawn from theater
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
