സെന്തില് കൃഷ്ണയെ നായകനാക്കി കണ്ണന് താമരക്കുളം സംവിധാനം ചെയ്യുന്ന 'ഉടുമ്പി'ലെ പുതിയ ഗാനം പുറത്തിറങ്ങി
Jul 9, 2021, 19:36 IST
ADVERTISEMENT
കൊച്ചി: (www.kvartha.com 09.07.2021) സെന്തില് കൃഷ്ണയെ നായകനാക്കി കണ്ണന് താമരക്കുളം സംവിധാനം ചെയ്യുന്ന പുതിയ ചിത്രം 'ഉടുമ്പി'ലെ പുതിയ ഗാനം ഇറങ്ങി. ആടുപുലിയാട്ടം, അച്ചായന്സ്, പട്ടാഭിരാമന് എന്നീ ചിത്രങ്ങളിലൂടെ ശ്രദ്ധേയനായ കണ്ണന് താമരക്കുളം ഒരു ഡാര്ക് ത്രില്ലറായി ഒരുക്കുന്ന ചിത്രത്തില് സെന്തിലിനൊപ്പം അലന്സിയര്, ഹരീഷ് പേരടി, ധര്മജന് ബോള്ഗാട്ടി, സാജല് സുദര്ശന്, മന്രാജ്, മുഹമ്മദ് ഫൈസല്, വി കെ ബൈജു, ജിബിന് സാഹിബ്, എല്ദോ ടി ടി, പുതുമുഖങ്ങളായ ആഞ്ചലീന, യാമി, ശ്രേയ അയ്യര് തുടങ്ങിയവരും അഭിനയിക്കുന്നു.
മോളിവുഡില് ആദ്യമായി ഒരു ചിത്രം റിലീസിന് മുന്പ് തന്നെ മറ്റ് ഇന്ഡ്യന് ഭാഷയിലേക്ക് മൊഴിമാറ്റാവകാശം കരസ്ഥമാക്കിയ ചിത്രമാണ് ഉടുമ്പ്. ചിത്രത്തിന്റെ ഹിന്ദി റീമേക്ക് അവകാശം മാരുതി ട്രേഡിങ്ങ് കമ്പനിയും സണ് ഷൈന് മ്യൂസിക്കും ചേര്ന്ന് സ്വന്തമാക്കി. ഈ വര്ഷം അവസാനത്തോടെ ബോളിവുഡില് ചിത്രീകരണം ആരംഭിക്കാനാണ് തീരുമാനമെന്ന് അണിയറ പ്രവര്ത്തകര് പറയുന്നു.
ത്രില്ലര് പശ്ചാത്തിലൊരുക്കുന്ന ചിത്രത്തിന്റെ തിരക്കഥ ഒരുക്കുന്നത് നവാഗതരായ അനീഷ് സഹദേവനും ശ്രീജിത്ത് ശശിധരനും ചേര്ന്നാണ്. രവിചന്ദ്രനാണ് ഛായാഗ്രഹണം നിര്വഹിക്കുന്നത്. 24 മോഷന് ഫിലിംസും കെ ടി മൂവി ഹൗസും ചേര്ന്നാണ് ചിത്രത്തിന്റെ നിര്മാണം. പ്രൊഡക്ഷന് കണ്ട്രോളര് ബാദുഷ ചിത്രത്തിന്റെ ലൈന് പ്രൊഡ്യൂസറാവുന്നു.
സാനന്ദ് ജോര്ജ് ഗ്രേസ് ആണ് സംഗീതം. നിരവധി ചിത്രങ്ങളിലൂടെ ശ്രദ്ദേയനായ വി ടി ശ്രീജിത്ത് എഡിറ്റിങ് നിര്വഹിക്കുന്നു. ഏറെ വൈലന്സിന് പ്രാധാന്യമുള്ള ചിത്രത്തില് ബ്രൂസ്ലീ രാജേഷ് ആക്ഷന് കൈകാര്യം ചെയ്യുന്നു. ഷിജു മുപ്പത്തേടം, ശ്രീജിത്ത് ശിവനന്ദന് എന്നിവര് ചേര്ന്ന് കൊറിയോഗ്രഫി നിര്വഹിക്കുന്നു.
കലാ സംവിധാനം- സഹസ് ബാല, അസോസിയേറ്റ് ഡയറക്ടര്- സുരേഷ് ഇളമ്പല്, പ്രൊഡക്ഷന് കണ്ട്രോളര്- അഭിലാഷ് അര്ജുന്, ഗാനരചന- രാജീവ് ആലുങ്കല്, ഹരി നാരായണന്, മേകപ്പ്- പ്രദീപ് രംഗന്, കോസ്റ്റ്യൂം- സുല്ത്താന റസാഖ്, പി ആര് ഒ- പി ശിവപ്രസാദ്, സുനിത സുനില്, സ്റ്റില്സ്- ശ്രീജിത്ത് ചെട്ടിപ്പടി എന്നിവരാണ് മറ്റ് അണിയറ പ്രവര്ത്തകര്. ചിത്രം ഒടിടി റിലീസായിരിക്കുമെന്ന് അണിയറ പ്രവര്ത്തകര് പറഞ്ഞു.
Keywords: New song of 'Udumbu' directed by Kannan Thamarakulam with Senthil Krishna in the lead has been released, Kochi, News, Director, Actor, Cinema, Bollywood, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
