സാമന്ത റൂത് പ്രഭുവുമായി വേര്പിരിഞ്ഞ് ആഴ്ചകള്ക്ക് ശേഷം സമൂഹ മാധ്യമത്തില് തിരിച്ചെത്തി നാഗ ചൈതന്യ; ആദ്യ പോസ്റ്റ് പ്രണയലേഖനത്തെക്കുറിച്ച്
Nov 21, 2021, 19:34 IST
ADVERTISEMENT
ചെന്നൈ: (www.kvartha.com 21.11.2021) താര ദമ്പതികളായിരുന്ന സാമന്ത റൂത് പ്രഭുവിന്റെയും നാഗ ചൈതന്യയുടെയും വിവാഹമോചന വാര്ത്ത ഞെട്ടലോടെയാണ് ആരാധക സമൂഹം ശ്രവിച്ചത്. വിവാഹം ചെയ്ത് നാല് വര്ഷം തികയാന് ഏതാനും നാളുകള് മാത്രം നില്ക്കെയാണ് വിവാഹമോചന വാര്ത്ത പുറത്തെത്തുന്നത്. അതിനും വളരെ മുന്പ് തന്നെ ഇവരുടെ ജീവിതത്തില് താളപ്പിഴകളുണ്ടെന്ന് വാര്ത്തകള് പ്രചരിച്ചിരുന്നു.
ഒക്ടോബര് 2ന് സാമന്തയും നാഗ ചൈതന്യയും നാലുവര്ഷത്തോളം നീണ്ട ദാമ്പത്യബന്ധം വേര്പിരിയുമെന്ന് സംക്തമായി പ്രഖ്യാപിച്ചിരുന്നു. വേര്പിരിഞ്ഞ് ആഴ്ചകള്ക്ക് ശേഷം, നടന് നാഗ ചൈതന്യ സോഷ്യല് മീഡിയയില് തിരിച്ചെത്തി. 'ഒരു പ്രണയലേഖനത്തെക്കുറിച്ചാണ്' നാഗ ചൈതന്യയുടെ തിരിച്ചെത്തിയപ്പോഴുള്ള ആദ്യ പോസ്റ്റ്. അവരുടെ വേര്പിരിയലിനുശേഷം നടന്റെ ആദ്യത്തെ ഇന്സ്റ്റാഗ്രാം പോസ്റ്റാണിത്.
ശനിയാഴ്ച, ഹോളിവുഡ് നടന് മാത്യു മകോനാഗെയുടെ ഓര്മക്കുറിപ്പായ ഗ്രീന്ലൈറ്റ്സിന്റെ ചിത്രം പോസ്റ്റ് ചെയ്യാനാണ് അദ്ദേഹം വീണ്ടും ഈ ഇന്സ്റ്റഗ്രാമിലെത്തിയത്.
ചിത്രം പങ്കിട്ടുകൊണ്ട് അദ്ദേഹം എഴുതി, 'ജീവിതത്തിനൊരു പ്രണയലേഖനം .. നിങ്ങളുടെ യാത്ര പങ്കിട്ടതിന് നന്ദി @officiallymcconaughey .. ഈ വായന എന്റെ ജീവിതത്തിനൊരു പച്ച വെളിച്ചമാണ് .. ബഹുമാനം സര്' - താരം കുറിച്ചു.
വാര്ത്ത പ്രഖ്യാപിച്ച് സംയുക്ത പ്രസ്താവന പോസ്റ്റ് ചെയ്തതുമുതല് നാഗ ചൈതന്യ ഇന്സ്റ്റഗ്രാമില് സജീവമാകാതിരിക്കാന് ശ്രദ്ധിച്ചിരുന്നു. എന്നാല് കുറച്ച് ദിവസങ്ങള്ക്കു ശേഷം, സാമന്തയില് നിന്ന് വേര്പിരിഞ്ഞതായി പ്രഖ്യാപിച്ചതിന് ശേഷം നാഗ ചൈതന്യ ആദ്യമായി പൊതുവേദിയില് പ്രത്യക്ഷപ്പെട്ടിരുന്നു
നാഗ ചൈതന്യയും സാമന്തയും അടുത്തിടെ വേര്പിരിയുന്നു എന്ന് പ്രഖ്യാപിക്കുന്നതിനു മുന്പേ തെലുങ്ക് മാധ്യമങ്ങള് കുറച്ചുകാലമായി അതിനെക്കുറിച്ച് സംസാരിക്കുകയായിരുന്നു. തുടക്കത്തില്, ഇരു താരങ്ങളുടെയും ആരാധകര് ഈ കിംവദന്തികള് തെറ്റാണെന്നും ഇരുവരും ഒരുമിച്ച് നില്ക്കുമെന്നും പ്രതീക്ഷിക്കുകയും ചെയ്തു.
എന്നിരുന്നാലും, അവരെ നിരാശരാക്കി, ചൈതന്യയും സാമന്തയും ഇന്സ്റ്റാഗ്രാമില് ഒരു കുറിപ്പ് പങ്കിട്ടുകൊണ്ട് വേര്പിരിയലിനെക്കുറിച്ച് എല്ലാവരെയും അറിയിച്ചു. വിവാഹിതരാകുന്നതിന് മുമ്പുള്ളതുപോലെ സുഹൃത്തുക്കളായി തുടരുമെന്ന് പോസ്റ്റുകളില് ഇരുവരും വ്യക്തമാക്കി. ഈ പ്രയാസകരമായ കാലത്തെ നേരിടാനുള്ള ഇടം നല്കണമെന്ന് അവര് അവരുടെ ആരാധകരോടും അഭ്യുദയകാംക്ഷികളോടും മാധ്യമങ്ങളോടും അഭ്യര്ഥിച്ചിരുന്നു.
Keywords: News, National, India, Chennai, Entertainment, Cinema, Cine Actor, Social Media, Instagram, Naga Chaitanya shares his first Insta post after split with Samantha and it is about love
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
