Misconduct | മലയാള സിനിമയിലെ ദുരനുഭവം: പ്രൊഡക്ഷൻ മാനേജരുടെ കരണത്തടിച്ചു; നടി  കസ്തൂരിയുടെ വെളിപ്പെടുത്തൽ

ചെന്നൈ: (KVARTHA) മലയാള സിനിമയിൽ തനിക്ക് ദുരനുഭവം ഉണ്ടായതായി നടി കസ്തൂരി വെളിപ്പെടുത്തി. ഒരു സംവിധായകനും പ്രൊഡക്ഷൻ മാനേജറും തന്നോട് മോശമായി പെരുമാറി. അവരുടെ ആവശ്യത്തിന് വഴങ്ങില്ലെന്ന് കണ്ടപ്പോഴാണ് മോശമായി പെരുമാറിയതെന്നും പകരം പ്രൊഡക്ഷൻ മാനേജറുടെ കരണത്തടിച്ചെന്നും കസ്തൂരി പറഞ്ഞു.

രണ്ടു ദിവസം ഷൂട്ടിങ് സെറ്റിൽ തുടർന്നെങ്കിലും തുടർന്ന് സെറ്റിൽ നിന്നും ഇറങ്ങി പോയതായും അവർ പറഞ്ഞു. എന്നാൽ, ആരെയാണ് താൻ അടിച്ചതെന്നോ അവരുടെ പേര് വെളിപ്പെടുത്താനോ കസ്തൂരി തയ്യാറായില്ല.

മോശം മനുഷ്യർ എല്ലായിടത്തുമുണ്ടെന്നും എന്നാൽ എല്ലാവരും അങ്ങനെയല്ലെന്നും കസ്തൂരി അഭിപ്രായപ്പെട്ടു. ഹേമ കമ്മിറ്റി റിപ്പോർട്ടിനെ ഗൗരവമായി കാണണമെന്നും മോഹൻലാൽ, സുരേഷ് ഗോപി തുടങ്ങിയ പ്രമുഖർ ചോദ്യങ്ങൾക്ക് മറുപടി നൽകണമെന്നും അവർ ആവശ്യപ്പെട്ടു.

സുരേഷ് ഗോപി ചോദ്യങ്ങളോട് ദേഷ്യപ്പെടുന്നതിനു പകരം ഉത്തരം നൽകണമെന്നും മുകേഷ് എംഎൽഎക്കെതിരായ ആരോപണങ്ങൾ ഗൗരവമായി കാണണമെന്നും കസ്തൂരി അഭിപ്രായപ്പെട്ടു.

#Kasturi, #MalayalamCinema, #Harassment, #ProductionManager, #FilmIndustry, #Misconduct