ഭാഗ്യലക്ഷ്മിയേയും കൂട്ടരേയും അഭിനന്ദിക്കുന്നുവെന്ന് ആരോഗ്യമന്ത്രി കെ കെ ശൈലജ ടീച്ചര്‍

തിരുവനന്തപുരം: (www.kvartha.com 27.09.2020) യൂട്യൂബ് ചാനലിലൂടെ അശ്ലീല പരാമാര്‍ശം നടത്തിയ വിജയ് പി നായര്‍ക്കെതിരെ പ്രതികരിച്ച ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷ്മിയേയും കൂട്ടരേയും അഭിനന്ദിക്കുന്നുവെന്ന് ആരോഗ്യമന്ത്രി കെ കെ ശൈലജ ടീച്ചര്‍. വിജയ് പി നായരുടേത് അങ്ങേയറ്റം ഹീനമായ പ്രവര്‍ത്തിയെന്ന് പറഞ്ഞ ആരോഗ്യമന്ത്രി പ്രതിഷേധ മാര്‍ഗത്തേക്കുറിച്ച് പിന്നീട് ചിന്തിക്കാമെന്നും പ്രതികരിച്ചു.

യൂട്യൂബില്‍ അശ്ലീല വിഡിയോകളിട്ട വിജയ് പി നായര്‍ക്കെതിരെ പൊലീസ് കേസെടുത്തെങ്കിലും ചുമത്തിയിരിക്കുന്നത് ജാമ്യം ലഭിക്കാവുന്ന നിസാരകുറ്റങ്ങള്‍ മാത്രമാണ്. എന്നാല്‍ ഇയാളെ കൈകാര്യം ചെയ്തതിന് ഭാഗ്യലക്ഷ്മി ഉള്‍പ്പെടെ മൂന്നു പേര്‍ക്കെതിരെ ജാമ്യം കിട്ടാത്ത കുറ്റങ്ങള്‍ ചുമത്തി. പ്രതികരിച്ചതിന്റെ പേരില്‍ ജയിലില്‍ പോകാനും തയാറെന്ന് ഭാഗ്യലക്ഷ്മി സംഭവത്തോട് പ്രതികരിച്ചിരുന്നു. ഭാഗ്യലക്ഷ്മിയുടെ പരാതിയില്‍ സംവിധായകന്‍ ശാന്തിവിള ദിനേശനെതിരെയും കേസെടുത്തു.