നമ്മളെ കാണുമ്പോള് അവരല്ല, അവരെ കാണുമ്പോള് നമ്മളാണ് സര് എണീറ്റ് നില്ക്കേണ്ടത്; വണിലെ മാസ് ഡയലോഗ് വീഡിയോ പുറത്തുവിട്ട് അണിയറ പ്രവർത്തകർ
Mar 29, 2021, 10:32 IST
ADVERTISEMENT
കൊച്ചി: (www.kvartha.com 29.03.2021) കേരള മുഖ്യമന്ത്രിയായി മമ്മൂട്ടി എത്തിയ വണ് എന്ന ചിത്രം വെള്ളിയാഴ്ചയാണ് തിയറ്ററുകളിലെത്തിയത്. ഇതിനോടകം തന്നെ ചിത്രം പ്രേക്ഷകശ്രദ്ധ നേടി കഴിഞ്ഞു.കടക്കല് ചന്ദ്രന് എന്ന കഥാപാത്രമായി മമ്മൂട്ടിയാണ് ചിത്രത്തിൽ എത്തിയിരിക്കുന്നത്. സിനിമയുടെ റിലീസിന് ശേഷം റൈറ്റ് ടു റീകാൾ എന്ന ഹാഷ്ടാഗ് സോഷ്യൽ മീഡിയയിൽ ട്രെൻഡിങ് ആയിരുന്നു. ഇപ്പോഴിതാ ചിത്രത്തിൽ മമ്മൂട്ടി പറയുന്ന ഒരു മാസ് ഡയലോഗിന്റെ വീഡിയോ അണിയറ പ്രവര്ത്തകര് സോഷ്യൽ മീഡിയയിൽ പങ്കുവച്ചിരിക്കുകയാണ്.
‘നമ്മള് താമസിക്കുന്ന വീട്, സഞ്ചരിക്കുന്ന വാഹനം, ഇട്ടിരിക്കുന്ന വസ്ത്രങ്ങള്. ഇതെല്ലാം തരുന്നത് അവരാണ്. അവരാണ് യഥാര്ഥത്തില് നമ്മളെ ഭരിക്കേണ്ടത്. നമ്മളെ കാണുമ്പോള് അവരല്ല, അവരെ കാണുമ്പോള് നമ്മളാണ് സര് എണീറ്റ് നില്ക്കേണ്ടത്.’ എന്നാണ് വീഡിയോയില് മമ്മൂട്ടിയുടെ കഥാപാത്രമായ കടയ്ക്കൽ ചന്ദ്രൻ പറയുന്നത്.
സന്തോഷ് വിശ്വനാഥാണ് വണ് സംവിധാനം ചെയ്തിരിക്കുന്നത്. ബോബി-സഞ്ജയ് കൂട്ടുകെട്ടാണ് തിരക്കഥ. ഇച്ചായിസ് പ്രൊഡക്ഷന്സിന്റെ ബാനറില് ശ്രീലക്ഷ്മിയാണ് നിര്മാണം. മമ്മൂട്ടിക്കൊപ്പം ജോജു ജോര്ജ്, നിമിഷാ സജയന്, സംവിധായകന് രഞ്ജിത്ത്, സലിം കുമാര്, ബാലചന്ദ്രമേനോന്, ശങ്കര് രാമകൃഷ്ണന്, മാമുക്കോയ, ശ്യാമപ്രസാദ്, രമ്യ, അലന്സിയര് ലെ ലോപ്പസ്, സുരേഷ് കൃഷ്ണ, മാത്യു തോമസ്, ജയകൃഷ്ണന്, മേഘനാഥന്, സുദേവ് നായര്, മുകുന്ദന്, സുധീര് കരമന, ബാലാജി, ജയന് ചേര്ത്തല, ഗായത്രി അരുണ്, രശ്മി ബോബന്, വി കെ ബൈജു, നന്ദു,വെട്ടുകിളി പ്രകാശ്, ഡോക്ടര് റോണി , സാബ് ജോണ് ,ഡോക്ടര് പ്രമീള ദേവി, അര്ച്ചന മനോജ്, കൃഷ്ണ തുടങ്ങിയ താരനിര ഈ സിനിമയിലുണ്ട്. റഫീഖ് അഹ് മദിന്റെ വരികള്ക്ക് ഈണം നല്കുന്നത് ഗോപി സുന്ദറാണ്.
Keywords: News, Kerala, State, Entertainment, Cinema, Actor, Film, Mammootty, Video, Social Media, Facebook, YouTube, Theater, Released, Release, One, Movie, Mammootty has released the scene for his movie One.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
