Justice Hema panel public | ഹേമ കമറ്റി റിപോര്‍ടില്‍ ദേശീയ വനിതാ കമിഷന്‍ അന്വേഷണം നടത്തും

പുതിയ നിയമം ആവശ്യമില്ലെന്ന് പറഞ്ഞ ദേശീയ വനിതാ കമിഷന്‍ അധ്യക്ഷ രേഖാ ശര്‍മ ഇപ്പോഴത്തെ ആഭ്യന്തരസമിതി ശക്തമാണെന്നും ചൂണ്ടിക്കാട്ടി. ഇരയുടെ പേര് വെളിപ്പെടുത്താതെ നിയമപരമായി റിപോര്‍ട് പരസ്യപ്പെടുത്തണമെന്നും പരാതിക്കാര്‍ക്ക് റിപോര്‍ട് നല്‍കണമെന്നും അവര്‍ ആവശ്യപ്പെട്ടു.

ഹേമാ കമിഷന്‍ റിപോര്‍ട് പരസ്യപ്പെടുത്തരുതെന്ന് ഡബ്ലിയു സി സി ആവശ്യപ്പെട്ടതായുള്ള മന്ത്രി പി രാജീവിന്റെ വെളിപ്പെടുത്തലുകള്‍ ഏറെ ചര്‍ചകള്‍ക്ക് വഴിവച്ചിരുന്നു. ഇന്‍ഡ്യന്‍ എക്സ്പ്രസ് സംവാദത്തിലാണ് ഡബ്ല്യുസിസിയെ പ്രതിക്കൂട്ടിലാക്കി ഹേമ കമിഷന്‍ റിപോര്‍ട് പുറത്തുവിടേണ്ടതില്ലെന്ന് സംഘടന ആവശ്യപ്പെട്ടതായി മന്ത്രി വെളിപ്പെടുത്തിയത്. ഇതിന് പിന്നാലെ ഡബ്ലിയു സി സിയും ഫേസ് ബുക് പോസ്റ്റിലൂടെ വിശദീകരണവുമായി രംഗത്തെത്തിയിരുന്നു.

റിപോര്‍ട് പുറത്തുവിടേണ്ടെന്ന് തങ്ങള്‍ ആവശ്യപ്പെട്ടെന്ന മന്ത്രിയുടെ വെളിപ്പെടുത്തലില്‍ ഡബ്ല്യുസിസി മറുപടി നല്‍കിയിട്ടില്ല. അതേസമയം, ജനുവരി 21-ന് മന്ത്രി രാജീവുമായി നടത്തിയ കൂടിക്കാഴ്ചയില്‍ അദ്ദേഹത്തിന് സമര്‍പിച്ച കത്ത് ഡബ്ല്യുസിസി പുറത്തുവിട്ടിട്ടുണ്ട്.

ഒന്നര കോടി രൂപയിലേറെ നികുതിപ്പണം ചെലവിട്ട് രണ്ടുവര്‍ഷമെടുത്ത് പഠിച്ച ഹേമ കമറ്റി റിപോര്‍ടില്‍ സര്‍കാര്‍ ഇതുവരെ ഒരു നടപടിയും എടുക്കാത്തത് തങ്ങള്‍ക്ക് ആശങ്കയുണ്ടാക്കുന്നുവെന്ന് മന്ത്രി രാജീവിന് നല്‍കിയ കത്തില്‍ ഡബ്ല്യുസിസി പറയുന്നുണ്ട്. സ്ത്രീക്ക് നീതി ഉറപ്പുവരുത്തുന്ന സംവിധാനത്തിന് മാത്രമേ സ്ത്രീപക്ഷ കേരളം വാര്‍ത്തെടുക്കാനാവൂവെന്നും കത്തില്‍ പറയുന്നു.

Keywords: NCW urges Kerala govt to make findings of Justice Hema panel public, News,New Delhi, Probe, Trending, Cinema, Actress, National.