വിജയ് ചിത്രം 'ജനനായകൻ' റിലീസ് ചെയ്യാനാകുമോ? നിർണ്ണായക വിധി ചൊവ്വാഴ്ച; കാത്തിരിപ്പോടെ ആരാധകർ

ചെന്നൈ: (KVARTHA) ദളപതി വിജയ്‍യുടെ കരിയറിലെ അവസാന ചിത്രമെന്ന വിശേഷണത്തോടെ എത്തുന്ന ബ്രഹ്മാണ്ഡ ചിത്രം ‘ജനനായകൻ’ തിയേറ്ററുകളിൽ റിലീസ് ചെയ്യാൻ സാധിക്കുമോ എന്ന കാര്യത്തിൽ നിർണ്ണായക വിധി ചൊവ്വാഴ്ച ഉണ്ടാകും. ചിത്രത്തിന്റെ സെൻസർ സർട്ടിഫിക്കറ്റ് സംബന്ധിച്ച കേസിൽ മദ്രാസ് ഹൈക്കോടതി ചീഫ് ജസ്റ്റിസ് അധ്യക്ഷനായ ഡിവിഷൻ ബെഞ്ചാണ് വിധി പറയുക.

ചിത്രത്തിന് പ്രദർശനാനുമതി നൽകിക്കൊണ്ടുള്ള സിംഗിൾ ബെഞ്ച് ഉത്തരവിനെതിരെ സെന്‍സര്‍ ബോര്‍ഡ് സമർപ്പിച്ച അപ്പീലിലാണ് ചൊവ്വാഴ്ച വിധി വരുന്നത്. റിലീസിന് ദിവസങ്ങൾ മാത്രം ബാക്കി നിൽക്കെ ചിത്രത്തിന് സെൻസർ സർട്ടിഫിക്കറ്റ് നിഷേധിക്കപ്പെട്ടത് വലിയ വിവാദമായിരുന്നു.

തുടർന്ന് നിർമ്മാതാക്കൾ കോടതിയെ സമീപിക്കുകയായിരുന്നു. സുപ്രീംകോടതിയുടെ നിര്‍ദേശ പ്രകാരമാണ് കേസ് മദ്രാസ് ഹൈക്കോടതി ഡിവിഷൻ ബെഞ്ച് ഇപ്പോൾ പരിഗണിക്കുന്നത്. 500 കോടിയോളം രൂപ മുതൽമുടക്കി നിർമിച്ച ചിത്രം റിലീസ് ചെയ്യാൻ കഴിയാത്തതിനാൽ വൻ സാമ്പത്തിക നഷ്ടമാണ് നേരിടുന്നതെന്ന് ഹർജിയിൽ നിർമ്മാതാക്കൾ ചൂണ്ടിക്കാട്ടി. അധികൃതർ നിർദ്ദേശിച്ച 27 മാറ്റങ്ങളും വരുത്തിയാണ് ചിത്രം രണ്ടാമതും പരിശോധനയ്ക്കായി നൽകിയതെന്നും അണിയറ പ്രവർത്തകർ വ്യക്തമാക്കുന്നു.

ജനനായകൻ: അണിയറ വിശേഷങ്ങൾ

എച്ച് വിനോദ് സംവിധാനം ചെയ്യുന്ന 'ജനനായകൻ' കെ വി എൻ പ്രൊഡക്ഷന്റെ പേരിൽ വെങ്കട്ട് കെ നാരായണയാണ് നിർമ്മിക്കുന്നത്. വിജയ്‍ക്ക് പുറമെ ബോബി ഡിയോൾ, പൂജാ ഹെഗ്‌ഡെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിത ബൈജു തുടങ്ങി വമ്പൻ താരനിര തന്നെ ചിത്രത്തില്‍ അണിനിരക്കുന്നുണ്ട്. അനിരുദ്ധ് രവിചന്ദർ ആണ് ചിത്രത്തിന്റെ സംഗീത സംവിധാനം.

സത്യൻ സൂര്യൻ ഛായാഗ്രഹണവും അനിൽ അരശ് ആക്ഷനും കൈകാര്യം ചെയ്യുന്നു. വി സെൽവ കുമാർ (ആർട്ട്), ശേഖർ, സുധൻ (കൊറിയോഗ്രാഫി), അറിവ് (ലിറിക്സ്), പല്ലവി സിംഗ് (കോസ്റ്റ്യൂം), ഗോപി പ്രസന്ന (പബ്ലിസിറ്റി ഡിസൈനർ), നാഗരാജ (മേക്കപ്പ്), വീര ശങ്കർ (പ്രൊഡക്ഷൻ കൺട്രോളർ) എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ. പി ആർ ഓ ആൻഡ് മാർക്കറ്റിംഗ് കൺസൾട്ടന്റ്: പ്രതീഷ് ശേഖർ.

വിജയ്‍യുടെ കരിയറിലെ അവസാന ചിത്രം 'ജനനായകൻ' റിലീസ് ചെയ്യുന്നത് കാണാൻ നിങ്ങൾ കാത്തിരിക്കുകയാണോ?

Article Summary: Madras High Court will deliver a verdict on Tuesday regarding the sensor certificate and release of Vijay's film Jananayakan.

 #Jananayakan #ThalapathyVijay #VijayFinalFilm #MadrasHigh Court #CensorBoard #TamilCinema #CinemaNews