ഗായിക ലതാ മങ്കേഷ്‌കറിനും ബാപ്പി ലാഹിരിക്കും ഗ്രാമി അവാര്‍ഡ് വേദിയില്‍ ആദരാഞ്ജലികള്‍ അര്‍പിക്കാത്തതിനെതിരെ ആരാധകര്‍; എന്തൊരു നാണക്കേടെന്നും വിമര്‍ശനം
Apr 4, 2022, 13:31 IST
ADVERTISEMENT
മുംബൈ: (www.kvartha.com 04.04.2022) അന്തരിച്ച ഗായിക ലതാ മങ്കേഷ്‌കറിനും ബാപ്പി ലാഹിരിക്കും 2022 ഗ്രാമി അവാര്‍ഡ് വേദിയില്‍ ആദരാഞ്ജലികള്‍ അര്‍പിക്കാത്തതിനെതിരെ ആരാധകര്‍. 'എന്തൊരു നാണക്കേട്' എന്ന് വിലയിരുത്തല്‍. ഞായറാഴ്ച രാത്രിയാണ് അവാര്‍ഡ് ഷോ നടന്നത്.
സിന്തിയ എറിവോ, ലെസ്ലി ഒഡോം ജൂനിയര്‍, ബെന്‍ പ്ലാറ്റ്, റേചല്‍ സെഗ്ലര്‍ എന്നിവര്‍ നേതൃത്വം നല്‍കിയ 2022 ഗ്രാമി ഇന്‍ മെമോറിയം, അന്തരിച്ച ബ്രോഡ്വേ സംഗീത സംവിധായകന്‍ സ്റ്റീഫന്‍ സോന്‍ഡ് ഹൈം, ടെയ്ലര്‍ ഹോകിന്‍സ്, ടോം പാര്‍കര്‍ എന്നിവര്‍ക്ക് ആദരാഞ്ജലികള്‍ അര്‍പിച്ചിരുന്നു. എന്നാല്‍ ഈ വര്‍ഷം ആദ്യം വിടപറഞ്ഞ സംഗീതജ്ഞരായ ലതാ മങ്കേഷ്‌കറിനെയും ബാപ്പി ലാഹിരിയെയും പരാമര്‍ശിച്ചിട്ടില്ല.
അതുകൊണ്ടുതന്നെ ലതാ മങ്കേഷ്‌കറിന്റെ ആരാധകര്‍ ഗ്രാമി പുരസ്‌കാര വേദിയിലെ തങ്ങളുടെ നിരാശ പ്രകടിപ്പിച്ച് സോഷ്യല്‍ മീഡിയയിലൂടെ രംഗത്തെത്തിയിരിക്കുകയാണ്. ലതയെ പരാമര്‍ശിക്കുന്നതില്‍ പരാജയപ്പെട്ടതിന് ഗ്രാമി അവാര്‍ഡുകള്‍ സംഘടിപ്പിക്കുന്ന ദി റെകോര്‍ഡിംഗ് അകാദമിയെ വിളിച്ച് ലതാ മങ്കേഷ്‌കറിനെയും ബാപ്പി ലാഹിരിയെയും പരാമര്‍ശിക്കാത്തത് തെറ്റായ നടപടിയാണെന്നറിയിച്ചു.
'#GRAMMYs #LataMangeshkar Grammys, കഴിഞ്ഞ വര്‍ഷം അന്തരിച്ച എല്ലാ സംഗീതജ്ഞരെയും ഓര്‍മിച്ചു. #LataMangeshkar-നെ ഓര്‍മിപ്പിക്കാത്തത് വലിയ നഷ്ടമായി,' എന്ന് മറ്റൊരാള്‍ അഭിപ്രായപ്പെടുന്നു, '#Grammys #LataMangeshkar-നെ മറക്കുന്നത് @RecordingAcad യുടെ വലിയ പരാജയമാണ്, വൈവിധ്യത്തെക്കുറിച്ച് വളരെയധികം ചര്‍ചകള്‍ നടന്നിരുന്ന വേദിയിലാണ് ഇത്തരമൊരു സംഭവം നടന്നതെന്നാണ് വിമര്‍ശനം.
മറ്റൊരാള്‍ ഇങ്ങനെ കുറിച്ചു. #Oscars2022 പോലെ #GRAMMY-കളുടെ ഇന്‍-മെമോറിയം സെഗ്മെന്റില്‍ ഇതിഹാസമായ #ലതാമങ്കേഷ്‌കര്‍ ഉള്‍പെടുന്നില്ല, തുടര്‍ന്ന് ഈ അവാര്‍ഡ് ദാന ചടങ്ങുകള്‍ വൈവിധ്യത്തെ ഉള്‍കൊള്ളുന്നതിനെ കുറിച്ച് സംസാരിക്കും. LOL!'
ഒരു ട്വിറ്റെര്‍ ഉപയോക്താവ് അന്തരിച്ച ഗായികയെ ഗ്രാമി വേദിയിലെ എല്ലാവരേക്കാളും 'വലിയ താരം' എന്ന് വിശേഷിപ്പിച്ചു. അവര്‍ ഇങ്ങനെ കുറിച്ചു, 'ആദ്യം ഓസ്‌കാര്‍, ഇപ്പോള്‍ ഇന്‍ മെമോറിയം ഓഫ് ദി #ഗ്രാംമികളില്‍ #ലതാമങ്കേഷ്‌കറിനെ കുറിച്ച് പരാമര്‍ശമില്ല. ഈ എക്സിക്യൂടിവുകള്‍ എത്രമാത്രം അറിവില്ലാത്തവരാണ്? ഇന്ന് രാത്രി ആ ഗ്രാമി വേദിയിലെ എല്ലാവരേക്കാളും വലിയ താരമായിരുന്നു ലതാജി.'
ലതയ്ക്ക് ആദരാഞ്ജലികള്‍ അര്‍പിക്കുന്നത് ഒഴിവാക്കിയതോടെ ആജീവനാന്തം ഗ്രാമി പുരസ്‌കാരം നല്‍കുന്നതും ഒഴിവാക്കുമെന്ന് ഒരാള്‍ പറഞ്ഞു, മറ്റൊരാള്‍ ഇങ്ങനെ കുറിച്ചു, ' #ലതാമങ്കേഷ്‌കറിനെ മറക്കുന്നത് തീര്‍ത്തും അപമാനകരമാണ്, ഇതുവരെ ഏറ്റവും കൂടുതല്‍ ഗാനങ്ങള്‍ ആലപിച്ചതിന് ഗിന്നസ് ബുകില്‍ ഇടംപിടിച്ചിട്ടുണ്ട്. #ദുഃഖമുണ്ട്. #ആര്‍ഐപി.' മറ്റൊരാള്‍ ട്വീറ്റ് ചെയ്തു, 'ഇന്‍ഡ്യന്‍ ചരിത്രത്തിലെ ഏറ്റവും മികച്ച ഗായികയ്ക്ക് #GRAMMYs ആദരാഞ്ജലി അര്‍പിച്ചില്ല: #ലതാമങ്കേഷ്‌കര്‍ അല്ലെങ്കില്‍ #ബാപ്പിലഹിരി.'
കോവിഡ് -19, ന്യുമോണിയ എന്നിവ ബാധിച്ച് ആശുപത്രിയില്‍ പ്രവേശിപ്പിച്ച ലതാ മങ്കേഷ്‌കര്‍ ഈ വര്‍ഷം ഫെബ്രുവരി ആറിന് തന്റെ 92-ാം വയസിലാണ് അന്തരിച്ചത്. 1929 സെപ്റ്റംബര്‍ 28-ന് ജനിച്ച ലത 1942-ല്‍ തന്റെ പതിമൂന്നാം വയസിലാണ് പിന്നണി രംഗത്ത് ചുവടുറപ്പിച്ചത്.
ഏഴ് പതിറ്റാണ്ടിലേറെ നീണ്ട കരിയറില്‍ ആയിരത്തിലധികം ഹിന്ദി സിനിമകള്‍ക്കായി അവര്‍ പാടി. 36-ലധികം പ്രാദേശിക ഇന്‍ഡ്യന്‍, വിദേശ ഭാഷകളിലെ ഗാനങ്ങളും പാടി. 2001-ല്‍ ഇന്‍ഡ്യയുടെ പരമോന്നത സിവിലിയന്‍ ബഹുമതിയായ ഭാരതരത്ന നല്‍കിയ ആദരിച്ചു. കൂടാതെ മറ്റ് നിരവധി ബഹുമതികള്‍ക്കൊപ്പം മൂന്ന് ദേശീയ ചലച്ചിത്ര അവാര്‍ഡുകളും ലതാജി നേടിയിട്ടുണ്ട്.
ഈ വര്‍ഷം ഫെബ്രുവരി 15 നാണ് 69-ാം വയസ്സില്‍ ഗായകനും സംഗീതസംവിധായകനുമായ ബാപ്പി ലാഹിരി അന്തരിച്ചത്. നെഞ്ചില്‍ അണുബാധയുണ്ടായതിനെ തുടര്‍ന്ന് ചികിത്സയിലിരിക്കെയായിരുന്നു അന്ത്യം. ഡിസ്‌കോ ഡാന്‍സര്‍, ഹിമ്മത് വാല, ഷറാബി, ഡാന്‍സ് ഡാന്‍സ്, സത്യമേവ് ജയതേ, കമാന്‍ഡോ, ആജ് കെ ഷഹെന്‍ഷാ തുടങ്ങിയ സിനിമകള്‍ക്ക് ഗാനങ്ങള്‍ രചിച്ച ബാപ്പി, 2020-ല്‍ പുറത്തിറങ്ങിയ ബാഗി 3 എന്ന ചിത്രത്തിലെ ഭങ്കാസ് എന്ന ഗാനമാണ് അവസാനമായി ചിട്ടപ്പെടുത്തിയത്.
Keywords: Grammy Awards 2022 fails to pay tribute to Lata Mangeshkar; fans slam 'clueless' Recording Academy: ‘What a shame’, Mumbai, News, Cinema, Singer, Dead, Award, Criticism, National.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
