പതിനാല് വർഷത്തെ ഇടവേളയ്ക്ക് ശേഷം ഗൗതമി മലയാളത്തിൽ തിരിച്ചെത്തുന്നു

തിരുവനന്തപുരം: (www.kvartha.com 09.05.2017) ഹിസ് ഹൈനസ് അബ്ദുള്ള, സാക്ഷ്യം തുടങ്ങിയ ചിത്രങ്ങളിലൂടെ മലയാളി പ്രേക്ഷകരുടെ പ്രിയനടിയായി മാറിയ ഗൗതമി തിരിച്ചെത്തുന്നു. പതിനാല് വർഷത്തെ ഇടവേളയ്ക്ക് ശേഷമാണ് ഗൗതമി മലയാളത്തിലേക്ക് തിരിച്ചുവരുന്നത്. കുക്കു സുരേന്ദ്രൻറെ ഇ എന്ന ചിത്രത്തിലൂടെയാണ് ഗൗതമിയുടെ മടങ്ങിവരവ്.

അൽഷിമേഴ്സ് രോഗിയായ സംഗീത അധ്യാപികയുടെ വേഷമാണ് സൂപ്പർനാച്ചുറൽ ത്രില്ലറിൽ ഗൗതമിക്ക്. വളരെ വ്യത്യസ്തമായ വേഷമാണ് ഇതിലേത്. സംവിധായകൻ കഥ പറഞ്ഞപ്പോൾ നോ പറയാൻ പറ്റിയില്ല. അത്രയ്ക്കും ഇഷ്ടമായ വേഷമാണിത്. സംഗീത് ശിവൻ - കുക്കു ജോഡിക്കൊപ്പം അഭിനയിക്കുന്നതിൻറെ ത്രില്ലുമുണ്ട്- ഗൗതമി പറഞ്ഞു.


മാലതി മേനോൻ എന്നാണ് കഥാപാത്രത്തിൻറെ പേര്. ചലഞ്ചിങ്ങായ കഥാപാത്രം. എല്ലാ ഉത്സാഹവും പുറത്തെടുത്താണ് അഭിനയിക്കുന്നത്. കുട്ടിക്ക് ആറ് വയസ്സുള്ളപ്പോൾ ഭർത്താവ് മരിക്കുന്നു. പിന്നാലെ അൽഷിമേഴ്സ് രോഗമെത്തുന്നു. ഇതെല്ലാം അഭിനയിച്ച് ഫലിപ്പിക്കുക വെല്ലുവിളിയാണ്. ഈ വെല്ലുവിളിയാണ് എന്നെ ഇയിൽ എത്തിച്ചത് - ഗൗതമി പറഞ്ഞു.



മാലതിയുടെ മകളായി വേഷമിടുന്നത് തെലുങ്ക് നടി നിത്യ നരേഷാണ്. ഹരിപ്പാടാണ് പ്രധാന ലൊക്കേഷൻ. തിരുവനന്തപുരം , ചെന്നൈ എന്നിവിടങ്ങളിലും ഷൂട്ടിംഗ് നടത്തും.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

SUMMARY: Actress Gautami, who enthralled Malayali audience through her power-packed performances in movies such as His Highness Abdullah and Sakshyam, is making her Mollywood comeback after 14 years through filmmaker Kukku Surendran's upcoming movie, titled E.

Keywords: Actress, Gautami, Malayali , His Highness Abdullah, Sakshyam, Mollywood, Kukku Surendran.