ദിലീപിന് പിന്തുണയേറുന്നു: നടന്‍ സിദ്ദിഖിന് പിന്നാലെ അനുകൂലിച്ച് ശ്രീശാന്തും രംഗത്ത്; ഫാന്‍സ് അസോസിയേഷന്‍ ദിലീപിനുവേണ്ടി സോഷ്യല്‍ മീഡിയയില്‍ പ്രചരണം തുടങ്ങി

കൊച്ചി: (www.kvartha.com 13.07.2017) നടിയെ ആക്രമിച്ച കേസില്‍ ദിലീപ് അറസ്റ്റിലായാലെന്താ... ദിലീപ് നിരപരാധിയാണെന്ന് തന്നെയാണ് ഇപ്പോള്‍ ഒരുവിഭാഗം ആരാധകരുടെയും സഹപ്രവര്‍ത്തകരുടേയും വിശ്വാസം. അതുകൊണ്ടുതന്നെ അവര്‍ സോഷ്യല്‍ മീഡിയയില്‍ ദിലീപിനുവേണ്ടി പ്രചാരണവും ആരംഭിച്ചു. നേരത്തെ ദിലീപിനെ പിന്തുണച്ച് ചലച്ചിത്ര മേഖലയില്‍ നിന്നും സിദ്ദിഖ് എത്തിയിരുന്നു. അതിനുപിന്നാലെ ക്രിക്കറ്റ് താരം ശ്രീശാന്തും ദിലീപിനെ പിന്തുണച്ച് രംഗത്തെത്തിയിരിക്കയാണ്.

ദിലീപിനെ ക്രൂശിക്കരുതെന്നാണ് ശ്രീശാന്തിന്റെ അപേക്ഷ. കുറ്റം തെളിയിക്കുന്നതുവരെ ദിലീപിനെ തള്ളിപ്പറയില്ല. കോടതിവിധി വരുന്നതുവരെ കാത്തിരിക്കണം. അനുഭവ ജീവിതത്തിന്റെ പശ്ചാത്തലത്തിലാണ് തന്റെ നിലപാടെന്നുമാണ് ശ്രീശാന്തിന്റെ അഭിപ്രായം. കേസില്‍ അദ്ദേഹം ആരോപണ വിധേയന്‍ മാത്രമാണെന്നും ശ്രീ അഭിപ്രായപ്പെട്ടു.


അതിനിടെ ദിലീപിനെ ഫാന്‍സ് അസോസിയേഷനും കൈവിട്ടുവെന്ന മാധ്യമവാര്‍ത്തയ്‌ക്കെതിരെ ആഞ്ഞടിച്ച് ഫാന്‍സ് അസോസിയേഷന്‍ സംസ്ഥാന പ്രസിഡന്റ് റിയാസ് ഖാന്‍ രംഗത്തെത്തിയിരിക്കയാണ്. ആള്‍ കേരള ദിലീപ് ഫാന്‍സ് ആന്‍ഡ് വെല്‍ഫെയര്‍ അസോസിയേഷനും ദിലീപേട്ടനെ കൈയൊഴിഞ്ഞു എന്ന വാര്‍ത്ത തെറ്റെന്ന് റിയാസ് ഖാന്‍ പറഞ്ഞു.

ഇത്തരം വാര്‍ത്തകള്‍ പ്രചരിപ്പിച്ച് ജനങ്ങളെ തെറ്റിദ്ധരിപ്പിക്കുകയാണ്. ദിലീപ് ഫാന്‍സ് അസോസിയേഷന്‍ നൂറുശതമാനം ദിലീപേട്ടനൊപ്പമായിരിക്കുമെന്നും റിയാസ് ഖാന്‍ അറിയിച്ചു.
ദിലീപ് ഫാന്‍സ് അസോസിയേഷന്‍ തല്‍ക്കാലം ദിലീപിനെ പിന്തുണയ്‌ക്കേണ്ടതില്ലെന്ന് തീരുമാനിച്ചുവെന്നാണ് നേരത്തെ വാര്‍ത്ത പ്രചരിച്ചത്. സംസ്ഥാന ഭാരവാഹികള്‍ ചര്‍ച്ച ചെയ്തശേഷം മാത്രം ഇക്കാര്യത്തില്‍ മാധ്യമങ്ങളോട് പ്രതികരിക്കാവൂ എന്ന് ദിലീപ് ഫാന്‍സ് അസോസിയേഷന്‍ ഭാരവാഹികള്‍ തീരുമാനിച്ചിരുന്നു.

അറസ്റ്റിനുശേഷം ബോക്‌സര്‍ ഷാഫി എന്ന ആരാധകന്റെ പോസ്റ്റ് ഇങ്ങനെയാണ്;

കെ എസ് ആര്‍ ടി സി ബസ് കുഴിയിലേക്ക് മറിഞ്ഞ് 4 പേര്‍ക്ക് പരിക്ക്