CBI 5 | ഇന്വെസ്റ്റിഗേഷന് ത്രിലര് ചിത്രം സിബിഐ 5 ഒടിടിയിലേക്ക്; റിലീസ് തീയതി പ്രഖ്യാപിച്ചു
Jun 2, 2022, 11:30 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കൊച്ചി: (www.kvartha.com) ഇന്വെസ്റ്റിഗേഷന് ത്രിലര് ചിത്രം 'സിബിഐ 5 ദ ബ്രെയ്ന്' ഒടിടിയിലേക്ക്. ജൂണ് 12 ആണ് ചിത്രത്തിന്റെ ഒടിടി റിലീസ് തീയതി. നെറ്റ്ഫ്ലിക്സ് ആണ് ചിത്രത്തിന്റെ സ്ട്രീമിംഗ് പാര്ട്നര്.
മമ്മൂട്ടിയെ നായകനാക്കി കെ മധു സംവിധാനം ചെയ്ത മലയാള സിനിമ ഈ വര്ഷം കാത്തിരുന്ന പ്രധാന റിലീസുകളില് ഒന്നായിരുന്നു. സിബിഐ അഞ്ചില് സംഘത്തിലെ ചാക്കോയായി മുകേഷ് വീണ്ടുമെത്തുന്നുണ്ട്.
രഞ്ജി പണിക്കര്, അനൂപ് മേനോന്, സായികുമാര്, സൗബിന് ശാഹിര്, ദിലീഷ് പോത്തന്, പ്രശാന്ത് അലക്സാന്ഡര്, രമേശ് പിഷാരടി, ജയകൃഷ്ണന്, സുദേവ് നായര്, അസീസ് നെടുമങ്ങാട്, സന്തോഷ് കീഴാറ്റൂര്, ഇടവേള ബാബു, കോട്ടയം രമേശ്, മുകേഷ്, സുരേഷ് കുമാര്, തന്തൂര് കൃഷ്ണന്, ആശാ ശരത്ത്, അന്നാ രേഷ്മ രാജന്, അന്സിബ ഹസന്, മാളവിക മേനോന്, മാളവിക നായര്, സ്വാസിക എന്നിവരാണ് ചിത്രത്തിലെ മറ്റു പ്രധാന അഭിനേതാക്കള്.
സിബിഐ ഫ്രാഞ്ചൈസിയിലെ അഞ്ചാം ചിത്രമാണ് സിബിഐ 5 ദ് ബ്രെയിന്. ചിത്രം ബോക്സ് ഓഫീസില് ഭേദപ്പെട്ട പ്രകടനം നടത്തിയിരുന്നു. ആദ്യ ഒന്പത് ദിനങ്ങളില് നിന്ന് 17 കോടിയാണ് ചിത്രം വിദേശ മാര്കറ്റുകളില് നിന്ന് മാത്രം നേടിയത്. ഒരു മലയാള ചിത്രത്തെ സംബന്ധിച്ച് മികച്ച കളക്ഷനാണ് ഇത്.
എന്നാല്, വന് പ്രീ- റിലീസ് ബുകിംഗ് നേടിയിരുന്നെങ്കിലും റിലീസിനുശേഷം സമ്മിശ്രാഭിപ്രായങ്ങളാണ് ചിത്രത്തെക്കുറിച്ച് സമൂഹ മാധ്യമങ്ങളില് പ്രചരിച്ചത്. തുടര്ന്ന് ചിത്രത്തെ കുറിച്ച് ബോധപൂര്വം നെഗറ്റീവ് പ്രചരണം നടന്നുവെന്നായിരുന്നു സംവിധായകന് കെ മധുവിന്റെ പ്രതികരണം. ചിത്രം വിജയം നേടിയെന്നും അദ്ദേഹം പ്രതികരിച്ചിരുന്നു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
