ഹൃതിക് റോഷൻ സുഹൃത്തും മാര്‍ഗ്ഗദര്‍ശിയുമാണെന്ന് ആഞ്ജല ക്രിസ്‌ലിൻസ്കി, നടിയെ അറിയില്ലെന്നും കള്ളം പറയുകയാണെന്നും ഹൃതിക് റോഷന്റെ മറുപടി

മുംബൈ: (www.kvartha.com 04.04.2017) ഇന്ത്യൻ സിനിമാ നടിയായ ആഞ്ചലയുടെ വിവാദ പരാമർശമാണ് ബോളിവുഡിലെ ഇപ്പോഴത്തെ പ്രധാന ചർച്ച വിഷയം. ബോളിവുഡ് താരം ഹൃതിക് റോഷൻ തന്റെ വഴികാട്ടിയും ഉറ്റ സുഹൃത്തുമാണെന്നുള്ള നടിയുടെ പ്രസ്താവന ഞെട്ടലോടെയാണ് ബോളിവുഡ് കേട്ടത്. എന്നാൽ തനിക്ക് നടിയെ അറിയില്ലെന്നും അവരെന്തിനാ കള്ളം പറയുന്നതെന്നും ഹൃതിക് റോഷൻ മറുപടി കൊടുത്തു. ട്വിറ്ററിലൂടെയാണ് താരം പ്രതികരിച്ചത്.

'ഹൃതിക്കുമായി കണ്ട് മുട്ടിയപ്പോൾ ആദ്യം തന്നെ ആകർഷണം തോന്നിയിരുന്നെന്നും അദ്ദേഹം വളരെ പിന്തുണ നൽകിയതായും നടി വെളിപെടുത്തിയിരുന്നു. ഡി എൻ എ വാർത്തയിലാണ് നടിയുടെ അഭിമുഖ വാർത്ത പുറത്ത് വന്നിരിക്കുന്നത്. കൂട്ടത്തിൽ ഹൃതിക് റോഷന്റെ കൂടെ നിന്നെടുത്ത സെൽഫിയും ഉണ്ട്.


ഉടനെ തന്നെ ഹൃതിക് ഇതിന് മറുപടി നൽകുകയുണ്ടായി. ഹൃതിക്കിന്റെ മറുപടിക്ക് ഒരുപാട് കമെന്റുകൾ വന്നിട്ടുണ്ട്. സ്വയം ആളാകാനുള്ള നടിയുടെ അടവാണെന്നും ജസ്റ്റ് ഫാനായിരിക്കുമെന്നുമൊക്കെയാണ് പലരും അഭിപ്രായം രേഖപ്പെടുത്തിയിരിക്കുന്നത്. പകുതി ഇന്ത്യനും പകുതി സ്പാനിഷുമായ ആഞ്ചല ക്രിസ്‌ലിൻസ്കി രണ്ട് തെലുഗ് സിനിമയിലും ഒരു കന്നഡ സിനിമയിലും അഭിനയിച്ചുട്ടുണ്ട്.
Image Credit: Twitter

My dear lady, who are you and why are u lying. pic.twitter.com/xydPrKr8nH— Hrithik Roshan (@iHrithik) April 4, 2017