'ട്രാഫിക് നിയമം തെറ്റിച്ചതിന് നടന് അല്ലു അര്ജുന് പിഴ ചുമത്തി'
Apr 6, 2022, 17:36 IST
ADVERTISEMENT
ഹൈദരാബാദ്: (www.kvartha.com 06.04.2022) ട്രാഫിക് നിയമങ്ങള് ലംഘിച്ചതിന്റെ പേരില് തെലുങ്ക് നടന് അല്ലു അര്ജുന് നിയമക്കുരുക്കില് അകപ്പെട്ടതായി റിപോര്ട്. ട്രാഫിക് നിയമങ്ങള് ലംഘിച്ചതിന് നടന് ഹൈദരാബാദ് പൊലീസ് പിഴ ചുമത്തി.
ഹൈദരാബാദിലെ തിരക്കേറിയ റോഡില്വച്ചാണ് തന്റെ ലക്ഷ്വറി ലാന്ഡ് റോവര് ഓടിച്ചിരുന്ന അല്ലു അര്ജുനെ ട്രാഫിക് പൊലീസ് തടഞ്ഞുനിറുത്തിയത്. കാറിന്റെ വിന്ഡോ ഒട്ടിച്ചതിനാണ് പൊലീസ് പിഴ ചുമത്തിയത്. ട്രാഫിക് നിയമപ്രകാരം കാറില് ടിന്റ് ഗ്ലാസ് ഒട്ടിക്കുന്നത് അനുവദനീയമല്ല.
ഇതിന് പിഴയായി 700 രൂപ നടന് അടക്കേണ്ടി വന്നുവെന്നാണ് റിപോര്ട്. എന്നാല് ഇതിന്റെ സത്യാവസ്ഥയെക്കുറിച്ച് അല്ലു അര്ജുനില് നിന്ന് ഇതുവരെ ഔദ്യോഗിക സ്ഥിരീകരണമൊന്നും ഉണ്ടായിട്ടില്ല.
പുഷ്പ ദ റൈസ് എന്ന സിനിമയോടെ ടോളിവുഡിലെ സൂപര് സ്റ്റാറായിരിക്കുകയാണ് അല്ലു അര്ജുന്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
