മുന്‍ ലോകസുന്ദരി ഐശ്വര്യ റായ് മൊട്ടയടിച്ച ചിത്രത്തിന്റെ യാഥാര്‍ത്ഥ്യം ഇതാണ്

മുംബൈ: (www.kvartha.com 29.08.2017) മുന്‍ ലോകസുന്ദരിയും ബോളിവുഡ് നടിയുമായ ഐശ്വര്യ റായ് മൊട്ടയടിച്ചുവെന്നരീതിയില്‍ പ്രചരിക്കുന്ന ചിത്രം വ്യാജമാണെന്ന് വ്യക്തമായി. തിരുപ്പതിയില്‍ ദര്‍ശനത്തിനെത്തിയപ്പോള്‍ ഐശ്വര്യ റായ് അവിടെ വെച്ച് മൊട്ടയടിച്ചു എന്നും എന്നാലും അവര്‍ സുന്ദരിയാണെന്നുമുള്ള രീതിയിലുള്ള ചിത്രമാണ് സോഷ്യല്‍ മീഡിയയില്‍ പ്രചരിക്കുന്നത്.




ഒരു പ്രമുഖ ക്ഷേത്രത്തില്‍ ദര്‍ശനത്തിനെത്തിയപ്പോള്‍ പകര്‍ത്തിയ ഐശ്വര്യ റായിയുടെ ചിത്രമാണ് എഡിറ്റ് ചെയ്ത് മൊട്ടയടിച്ചതായി പ്രചരിപ്പിച്ചത്. യഥാര്‍ത്ഥ ചിത്രമാണെന്ന് കരുതി പലരും ഇത് ഷെയര്‍ ചെയ്യുന്നുണ്ട്. മൊട്ടയടിച്ച ചിത്രം ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കയാണ്. ഇതിനുമുമ്പും ഐശ്വര്യ റായിയുടെ വ്യാജ ചിത്രങ്ങള്‍ പ്രചരിച്ചിരുന്നു. ഐശ്വര്യയുടെ കുഞ്ഞിന്റെ ചിത്രം എന്നു പറഞ്ഞും ഒരു കുട്ടിയുടെ ചിത്രം ഇതേരീതിയില്‍ പ്രചരിപ്പിച്ചിരുന്നു.


ഗതാഗതം തടസപ്പെടുത്തി സമരം; ബി ജെ പി സംസ്ഥാന ജനറല്‍ സെക്രട്ടറി ശോഭാസുരേന്ദ്രന്‍ ഉള്‍പ്പെടെ മുന്നൂറ് പേര്‍ക്കെതിരെ കേസ്