തികച്ചും വ്യത്യസ്തമായ വേഷപ്പകര്‍ചയില്‍ ഇന്ദ്രന്‍സ്, 'സ്റ്റേഷന്‍ 5' പ്രദര്‍ശനത്തിനെത്തുന്നു
Oct 10, 2021, 09:37 IST
കൊച്ചി: (www.kvartha.com 10.10.2021) ഇന്ദ്രന്‍സ് പുതിയ വേഷപ്പകര്‍ചയില്‍ എത്തുന്ന ' സ്റ്റേഷന്‍ 5' പ്രദര്‍ശനത്തിന് തയ്യാറായി. കഴിഞ്ഞ ദിവസം രണ്‍ജി പണിക്കര്‍, ജോയ് മാത്യു, റഫീക് അഹമ്മദ് എന്നിവര്‍ ചേര്‍ന്ന് പുറത്തിറക്കിയ ചിത്രത്തിന്റെ ടൈറ്റില്‍ പോസ്റ്റെര്‍ തന്നെ ഏറെ ശ്രദ്ധയാകര്‍ഷിച്ചിരുന്നു. വിവാദപരമായ പ്രമേയമാണ് ഉള്ളടക്കമെന്ന് സൂചന നല്‍കുന്നു ടൈറ്റില്‍ പോസ്റ്റെര്‍. മാപ് ഫിലിം ഫാക്ടറിയുടെ ബാനറില്‍ ബി എ മായ ആണ് 'സ്റ്റേഷന്‍ 5' നിര്‍മിക്കുന്നത്.
ഇപ്പോഴിതാ 'ചേവമ്പായി' എന്ന കരുത്തുറ്റ കഥാപാത്രമായ ഇന്ദ്രന്‍സിന്റെ ഗെറ്റപ് സ്റ്റില്‍ പുറത്തു വിട്ടിരിക്കയാണ് അണിയറ പ്രവര്‍ത്തകര്‍. നിമിഷനേരം കൊണ്ട് തരംഗമായിരിക്കുകയാണ് താരത്തിന്റെ പുതിയ വേഷരീതി.
പ്രശാന്ത് കാനത്തൂര്‍ സംവിധാനം ചെയ്യുന്ന ' സ്റ്റേഷന്‍ 5 'ല്‍ പ്രധാന കഥാപാത്രത്തെ അവതരിപ്പിക്കുന്നത് പ്രയാണാണ്. റഫീഖ് അഹമ്മദ്, ഹരിലാല്‍ രാജഗോപാല്‍, പ്രകാശ് മാരാര്‍ എന്നിവരുടെ വരികള്‍ക്ക് സംഗീതം പകര്‍ന്നിരിക്കുന്നതും സംവിധായകന്‍ പ്രശാന്ത് കാനത്തൂരാണ്. പ്രിയംവദ കൃഷ്ണനാണ് നായിക. ഡയാന ഹമീദും ശക്തമായ കഥാപാത്രമായി എത്തുന്നു.
സന്തോഷ് കീഴാറ്റൂര്‍, ശിവജി ഗുരുവായൂര്‍, രാജേഷ് ശര്‍മ്മ, സുനില്‍ സുഖദ, വിനോദ് കോവൂര്‍, ഐ എം വിജയന്‍, ദിനേഷ് പണിക്കര്‍, അനൂപ് ചന്ദ്രന്‍, ശിവന്‍ കൃഷ്ണന്‍കുട്ടി നായര്‍, ജെയിംസ് ഏലിയ, മാസ്റ്റെര്‍ ഡാവിന്‍ചി, പളനിസാമി, ഷാരിന്‍, ജ്യോതി ചന്ദ്രന്‍, ദേവി കൃഷ്ണ, പ്രിയ ഹരീഷ്, ഗിരീഷ് കാറമേല്‍ എന്നിങ്ങനെ പ്രമുഖ അഭിനേതാക്കളുടെ നീണ്ടനിര തന്നെ ചിത്രത്തിലുണ്ട്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
