നടിയെ ആക്രമിച്ച കേസിലെ പ്രതിപ്പട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് നടന് ദിലീപ് സുപ്രീം കോടതിയില് നല്കിയ ഹര്ജി പിന്വലിച്ചു
Dec 17, 2021, 15:05 IST
ADVERTISEMENT
ന്യൂഡെല്ഹി: (www.kvartha.com 17.12.2021) നടിയെ ആക്രമിച്ച കേസിലെ പ്രതിപ്പട്ടികയില് നിന്ന് ഒഴിവാക്കണമെന്ന് ആവശ്യപ്പെട്ട് നടന് ദിലീപ് സുപ്രീം കോടതിയില് നല്കിയ ഹര്ജി പിന്വലിച്ചു. ഹര്ജി പിന്വലിക്കാന് അനുവദിക്കണമെന്ന ദിലീപിന്റെ ആവശ്യം കോടതി അംഗീകരിച്ചു. വിടുതല് ഹര്ജി തള്ളിക്കൊണ്ട് വിചാരണ കോടതി നടത്തിയ ചില പരാമര്ശങ്ങള്ക്കെതിരെ ആവശ്യമെങ്കില് പിന്നീട് കോടതിയെ സമീപിക്കാനും ദിലീപിന് സുപ്രീം കോടതി അനുമതി നല്കി.
2020 ജനുവരിയിലായിരുന്നു ദിലീപ് വിടുതല് ഹര്ജി തള്ളിയതിനെതിരെ സുപ്രീംകോടതിയില് ഹര്ജി നല്കിയത്. ഈ ഹര്ജിയുമായി മുന്നോട്ട് പോകുന്നില്ലെന്ന് ദിലീപിന് വേണ്ടി ഹാജരായ അഭിഭാഷകന് ഫിലിപ് ടി വര്ഗീസ് കോടതിയെ അറിയിച്ചു. വിചാരണക്കോടതിയില് ഇതിനോടകം 202 സാക്ഷികളുടെ വിസ്താരം പൂര്ത്തിയായതായും അദ്ദേഹം കോടതിയെ അറിയിച്ചു. തുടര്ന്നാണ് ജസ്റ്റിസുമാരായ എ എം ഖാന്വില്കര്, സി ടി രവികുമാര് എന്നിവര് അടങ്ങിയ ബെഞ്ച് ഹര്ജി പിന്വലിക്കാന് അനുമതി നല്കിയത്.
സംസ്ഥാന സര്കാരിന് വേണ്ടി ഹാജരായ സീനിയര് അഭിഭാഷകന് രഞ്ജിത് കുമാര് ദിലീപിന്റെ ഹര്ജി നിലവില് അപ്രസക്തമാണെന്ന് കോടതിയില് വാദിച്ചു. വിചാരണക്കോടതി ഉത്തരവിലെ പരാമര്ശങ്ങള്ക്കെതിരെ പിന്നീട് കോടതിയെ സമീപിക്കാന് ദിലീപിന് അനുമതി നല്കുന്നതിനെയും രഞ്ജിത്ത് കുമാര് എതിര്ത്തു. എന്നാല് ഈ എതിര്പ് സുപ്രീം കോടതി അംഗീകരിച്ചില്ല.
Keywords: Actor Dileep withdraws plea from SC in actress attack case, New Delhi, News, Cinema, Cine Actor, Actress, Attack, Supreme Court of India, Dileep, National.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
