ഷാജി പപ്പനും കൂട്ടരും വീണ്ടും വരുന്നു; ‘ആട് ഒരു ഭീകര ജീവിയാണ്’ എന്ന ചിത്രത്തിൻറെ രണ്ടാം ഭാഗം സംവിധായകനും നായകനും ഔദ്യോഗികമായി പ്രഖ്യാപിച്ചു

2015 ഫെബ്രുവരി ആറിനായിരുന്നു ‘ആട് ഒരു ഭീകര ജീവിയാണ്’ തിയേറ്ററുകളിലെത്തിയത്. മിഥുൻ മാനുവൽ തോമസ് തന്നെ രചനയും സംവിധാനവും നിർവ്വഹിച്ച ഈ ചിത്രം ഫ്രൈഡേ ഫിലിംസിന്റെ ബാനറിൽ സാന്ദ്ര തോമസും വിജയ് ബാബുവും ചേർന്നാണ് നിർമ്മിച്ചത്. വിഷ്ണു നാരായൺ ക്യാമറയും ഷാൻ റഹ്‌മാൻ സംഗീതവും നിർവ്വഹിച്ച ചിത്രത്തിൽ ജയസൂര്യ, സണ്ണി വെയ്ൻ,വിനായകൻ, രഞ്ജി പണിക്കർ, വിജയ് ബാബു, വിനീത്, ഭഗത്. അജു വർഗീസ് തുടങ്ങി വൻ താര നിര തന്നെ അണിനിന്നിരുന്നു.


തിയേറ്ററിൽ പരാജയപ്പെട്ട ഈ സിനിമ പക്ഷെ ടോറന്റിൽ വൻ ഹിറ്റായിരുന്നു, മാത്രവുമല്ല ഫെയ്‌സ്ബുക്കിലും ട്രോളുകളിലും മറ്റും ഏറ്റവും കൂടുതൽ ആളുകൾ സംസാരിച്ചിരുന്നത് ഷാജി പപ്പനേയും കൂട്ടുകാരെയും കുറിച്ചായിരുന്നു. ആരാധകരുടെ നിരന്തരമായ ആവശ്യം കണക്കിലെടുത്താണ് സിനിമയുടെ രണ്ടാം ഭാഗം ഒരുക്കാൻ സംവിധായകൻ നിർബന്ധിതനായത്. ഈ വർഷം ക്രിസ്മസിനായിരിക്കും ചിത്രം തിയേറ്ററുകളിലെത്തുക.

Summary: 'Aad oru Bheekarjeeviyaanu' sequel will be released this Xmas. The sequel of Aadu Oru Bheegara Jeevi Aanu will hit the big screens on 2017 Christmas. The news was officially announced by the movie's director Midhun Manuel through his Facebook page