ബില്ലിക്ക് ഇത് ചരിത്രനേട്ടം; ഗ്രാമി അവാര്‍ഡ് സ്വന്തമാക്കുന്നത് 18-ാം വയസില്‍

ന്യൂയോര്‍ക്ക്: (www.kvartha.com 27.01.2020) 62-ാമത് ഗ്രാമി പുരസ്‌കാരങ്ങള്‍ പ്രഖ്യാപിച്ചു. അമേരിക്കന്‍ ബാസ്‌കറ്റ് ബോള്‍ ഇതിഹാസം കോബി ബ്രയാന്റിന്റെ നിര്യാണത്തെ തുടര്‍ന്ന് അദ്ദേഹത്തിന് ആദരാഞ്ജലിയര്‍പ്പിച്ച ശേഷമാണ് പുരസ്‌കാര ചടങ്ങുകള്‍ ആരംഭിച്ചത്.

കാലിഫോര്‍ണിയയിലെ കലബസാസ് മേഖലയില്‍ ഉണ്ടായ ഹെലികോപ്റ്റര്‍ അപകടത്തിലാണ് കോബി ബ്രയാന്റ് മരിച്ചത്. അദ്ദേഹത്തിന്റെ 13കാരി മകളടക്കം ഹെലികോപ്റ്ററില്‍ ഉണ്ടായിരുന്ന ഒമ്പതുപേരും മരണത്തിന് കീഴടങ്ങിയിരുന്നു.


അമേരിക്കയിലെ നാഷണല്‍ അക്കാദമി ഓഫ് റെക്കോഡിങ് ആര്‍ട്സ് ആന്‍ഡ് സയന്‍സ് നല്‍കി വരുന്ന അംഗീകാരമാണ് ഗ്രാമി പുരസ്‌കാരം. ഇത് ആദ്യം ഗ്രാമോഫോണ്‍ പുരസ്‌കാരം എന്ന പേരിലാണ് അറിയപ്പെട്ടിരുന്നത്. പ്രശസ്തരായ കലാകാരന്മാരുടെ സംഗീത പരിപാടികള്‍ ഉള്‍പ്പെടുത്തി എല്ലാ വര്‍ഷവും ഈ ചടങ്ങ് നടത്തിവരുന്നു. 1958 മുതലാണ് ഗ്രാമി പുരസ്‌കാരം നല്‍കി തുടങ്ങിയത്.


മികച്ച ട്രഡീഷണല്‍ ആര്‍ ആന്റ് ബി പെര്‍ഫോര്‍മന്‍സ്, മികച്ച സോളോ പെര്‍ഫോര്‍മന്‍സ്, മികച്ച അര്‍ബാന്‍ കണ്ടപററി പെര്‍ഫോമന്‍സ് എന്നീ വിഭാഗങ്ങളില്‍ അമേരിക്കന്‍ ഗായിക ലിസോ പുരസ്‌കാരങ്ങള്‍ സ്വന്തമാക്കി.

മികച്ച നവാഗത ഗായികയ്ക്കുള്ള പുരസ്‌കാരത്തിന് പുറമെ സോങ് ഓഫ് ദ ഇയര്‍, മികച്ച പോപ്പ് വോക്കല്‍ ആല്‍ബം, തുടങ്ങി അഞ്ച് പുരസ്‌ക്കാരങ്ങള്‍
 ബില്ലി എലിഷ് നേടി. 18-ാം വയസ്സിലാണ് ബില്ലിയുടെ ഗ്രാമി നേട്ടം.


പുരസ്‌കാര ജേതാക്കള്‍


സോങ് ഓഫ് ദ ഇയര്‍

ബാഡ് ഗയ്- ബില്ലി എലിഷ്

മികച്ച സോളോ

ട്രൂത്ത് ഹര്‍ട്ട്സ് - ലിസോ

മികച്ച കണ്‍ട്രി ഡ്യുവോ പെര്‍ഫോര്‍മന്‍സ്

സ്പീച്ച് ലെസ്- ഡാന്‍, ഷെ

മികച്ച ആല്‍ബം

സ്റ്റിക് ആന്റ് സ്റ്റോണ്‍സ്- ഡേവ് ചാപ്പല്‍

മികച്ച അര്‍ബാന്‍ കണ്ടപററി പെര്‍ഫോമന്‍സ്

ബികോസ് ഐ ലവ് യൂ- ലിസോ