ജോൺസൺ മാഷും മലയാള മണ്ണിന് സമ്മാനിച്ച ഒരു പിടി ഗാനങ്ങളും; മലായാളത്തിന്റെ പ്രിയപ്പെട്ട ദേവാംഗണം ഓർമയായിട്ട് 10 വർഷങ്ങൾ

തുടർന്നാണ് ഭരതന്റെ പാർവതി എന്ന ചിത്രത്തിന് ഈണം നല്കിയത്. പിന്നീട് കൈതപ്രം, സത്യൻ അന്തിക്കാട്, പത്മരാജൻ എന്നിവരോടൊപ്പമുള്ള ജോൺസന്റെ പ്രവർത്തനം വളരെ ശ്രദ്ധിക്കപ്പെട്ടു. പത്മരാജൻ ചിത്രങ്ങളായ കൂടെവിടെ (1983), നമുക്കു പാർക്കാൻ മുന്തിരിത്തോപ്പുകൾ (1986), നൊമ്പരത്തിപ്പൂവ് (1987), അപരൻ (1988), ഞാൻ ഗന്ധർവൻ (1991) എന്നിവയിലെ ഈണങ്ങളിലൂടെ ഇദ്ദേഹം ഈ മേഖലയിൽ പ്രാമുഖ്യം നേടി.

1994ൽ പൊന്തൻമാടയിലൂടെ മികച്ച പശ്ചാത്തല സംഗീതത്തിനുള്ള ദേശീയ പുരസ്കാരം കരസ്ഥമാക്കിയപ്പോൾ ആ അവാർഡ് നേടുന്ന ആദ്യ മലയാളിയുമായി ജോൺസൺ മാഷ്. പറന്ന് പറന്ന് പറന്ന്, എൻറെ ഉപാസന, നമുക്ക് പാർക്കാൻ മുന്തിരി തോപ്പുകൾ, കരിയില കാറ്റുപോലെ, അപരൻ, പൊന്മുട്ടയിടുന്ന താറാവ്, മാളൂട്ടി, കളിക്കളം, സസ്നേഹം, സദയം, പക്ഷേ, പിൻഗാമി, കിരീടം, ചെങ്കോൽ, ഞാൻ ഗന്ധർവ്വൻ തുടങ്ങി നിരവധി സിനിമകളിലെ ഗാനങ്ങൾ അദ്ദേഹത്തിൻറെ ഈണങ്ങളാൽ ഇന്നും പ്രശസ്തമാണ്.

മണിച്ചിത്രത്താഴ് സിനിമയ്ക്കുൾപെടെ നൽകിയ പശ്ചാത്തല സംഗീതവും ഇന്നും മലയാളികൾക്ക് മറക്കാനാവില്ല. കണ്ണീർപ്പൂവിൻറെ കവിളിൽത്തലോടി, ദേവാംഗണങ്ങൾ കൈയൊഴിഞ്ഞ താരം, ദേവീ, കുന്നിമണിചെപ്പു തുറന്ന്, പാലപ്പൂവേ, ആടിവാ കാറ്റേ, രാജഹംസമേ, മോഹം കൊണ്ടു ഞാൻ, മനസിൻ മടിയിലെ, ഗോപികേ നിൻ വിരൽ, മധുരം ജീവാമൃത ബിന്ദു, അനുരാഗിണി തുടങ്ങി നിരവധി ഗാനങ്ങളാണ് അദ്ദേഹത്തിൻറെ മാസ്മരിക ഈണങ്ങളിലൂടെ ഇന്നും മലയാളി മനസിൽ ജീവിക്കുന്നത്.

അഞ്ചുതവണ മികച്ച സംഗീത സംവിധായകനുള്ള സംസ്ഥാന അവാർഡും അദ്ദേഹം നേടിയിട്ടുണ്ട്. മലയാള സിനിമാ സംഗീത സംവിധായകരിൽ ദേശീയ പുരസ്കാരം ലഭിച്ച ആദ്യത്തെ വ്യക്തിയാണ് ജോൺസൺ. 1994, 1995 എന്നീ വർഷങ്ങളിൽ തുടർച്ചയായി ദേശീയ പുരസ്കാരം ലഭിച്ചു. 1994-ൽ പൊന്തൻമാട എന്ന ചിത്രത്തിന്റെ സംഗീത സംവിധാനത്തിന് പുരസ്കാരം ലഭിച്ചപ്പോൾ, 1995-ൽ സുകൃതം എന്ന ചിത്രത്തിന്റെ പശ്ചാത്തല സംഗീതത്തിന് പുരസ്കാരം നേടിയത്.

സിനിമയിലൂടെ സാധ്യമായ ജനപ്രിയ സംഗീതത്തിന്റെ സുവർണ കാലഘട്ടത്തിൽ അതിൽ സാധ്യമായ എല്ലാ മേഖലകളിലും തന്റേതായ വ്യക്തിമുദ്ര പതിപ്പിക്കാൻ അദ്ദേഹത്തിന് കഴിഞ്ഞു. അതുകൊണ്ടു തന്നെയാണ് മലയാളിയുടെ ഗൃഹാതുരത്വത്തിൽ ജോൺസൺ മാസ്റ്ററുടെ പാട്ടുകൾ ഇന്നും സവിശേഷമായ സ്ഥാനം നേടുന്നത്.

Keywords:  News, Kochi, Entertainment, Cinema, Film, Song, Death, Anniversary, Kerala, State, Johnson master, 10th death anniversary of legend Johnson master.