‘ചിന്ന ചിന്ന ആസൈ’ പൂക്കുന്നു; മണിരത്നം ഫസ്റ്റ് ലുക്ക് പോസ്റ്റർ റിലീസ് ചെയ്തു

(KVARTHA) മലയാള സിനിമയിൽ ഒരുമിക്കാൻ മധുബാലയും ഇന്ദ്രൻസും; ‘ചിന്ന ചിന്ന ആസൈ’യുടെ ഫസ്റ്റ് ലുക്ക് പോസ്റ്റർ മണിരത്നം പുറത്തിറക്കി.
ഇന്ത്യൻ സിനിമയുടെ ചരിത്രത്തിൽ തരംഗം സൃഷ്ടിച്ച മണിരത്നം ചിത്രം 'റോജ'യുടെ 33-ാം വാർഷികത്തിൽ, ആ ചിത്രത്തിലെ എക്കാലത്തെയും ഹിറ്റ് ഗാനമായ ‘ചിന്ന ചിന്ന ആസൈ’ എന്ന പേരിൽ ഒരുങ്ങുന്ന മലയാള സിനിമയുടെ ഫസ്റ്റ് ലുക്ക് പോസ്റ്റർ പ്രശസ്ത സംവിധായകൻ മണിരത്നം റിലീസ് ചെയ്തു. മധുബാലയും ഇന്ദ്രൻസും പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രം പൂർണ്ണമായും വാരണാസിയിലാണ് ചിത്രീകരിച്ചിരിക്കുന്നത്.

ബാബുജി പ്രൊഡക്ഷൻസിൻ്റെ ബാനറിൽ അഭിജിത് ബാബുജി നിർമ്മിക്കുന്ന ഈ ചിത്രം വർഷാ വാസുദേവ് ആണ് രചനയും സംവിധാനവും നിർവഹിക്കുന്നത്. ഏറെ ശ്രദ്ധ നേടിയ ഹ്രസ്വചിത്രമായ 'എൻ്റെ നാരായണിക്ക്' ശേഷം വർഷ സംവിധാനം ചെയ്യുന്ന ചിത്രമാണിത്.

വർഷങ്ങൾക്ക് ശേഷം ശക്തമായ ഒരു കഥാപാത്രവുമായി മധുബാല മലയാള സിനിമയിലേക്ക് തിരിച്ചെത്തുന്നു എന്നത് ഈ ചിത്രത്തിൻ്റെ പ്രധാന ആകർഷണമാണ്. ചിത്രത്തിന് സംഗീതം നൽകിയിരിക്കുന്നത് ഗോവിന്ദ് വസന്തയാണ്. ഫസ്റ്റ് ലുക്ക് പോസ്റ്റർ റിലീസ് ചെയ്ത മണിരത്നം സിനിമയ്ക്ക് എല്ലാ ആശംസകളും നേരുകയും ചിത്രം വൻവിജയം നേടട്ടെ എന്ന് പ്രത്യാശിക്കുകയും ചെയ്തു.

‘ചിന്ന ചിന്ന ആസൈ’യുടെ മറ്റ് അണിയറ പ്രവർത്തകർ ഇവരാണ്: ഛായാഗ്രഹണം: ഫയിസ് സിദ്ധിക്ക്, എഡിറ്റർ: റെക്ക്സൺ ജോസഫ്, പ്രൊഡക്ഷൻ കൺട്രോളർ: പ്രശാന്ത് നാരായൺ, ലൈൻ പ്രൊഡ്യൂസർ: ബിജു പി കോശി, ആർട്ട് ഡയറക്ടർ: സാബു മോഹൻ, വസ്ത്രാലങ്കാരം: സമീറാ സനീഷ്, മേക്കപ്പ്: രഞ്ജിത്ത് അമ്പാടി, സൗണ്ട് ഡിസൈനർ: രംഗനാഥ് രവി, കൊറിയോഗ്രാഫർ: ബ്രിന്ദാ, ചീഫ് അസ്സോസിയേറ്റ് ഡയറക്ടർ: നവനീത് കൃഷ്ണ, സ്റ്റിൽസ്: നവീൻ മുരളി, ഡി ഐ: ചലച്ചിത്രം ഫിലിം സ്റ്റുഡിയോ, വി എഫ് എക്സ്: പിക്റ്റോറിയൽ എഫ് എക്സ്, കളറിസ്റ്റ്: ഷണ്മുഖ പാണ്ട്യൻ, ടൈറ്റിൽ ഡിസൈൻ: ജെറി, പബ്ലിസിറ്റി ഡിസൈൻസ്: ഇല്ലുമിനാർറ്റിസ്റ്റ്, പി ആർ ഓ & മാർക്കറ്റിംഗ് കൺസൾട്ടൻ്റ്: പ്രതീഷ് ശേഖർ.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: Mani Ratnam released the first look poster of the Malayalam film 'Chinna Chinna Aasai,' starring Madhoo and Indrans, on the 33rd anniversary of his film 'Roja.'

#ChinnaChinnaAasai #MalayalamCinema #Madhoo #Indrans #ManiRatnam #FirstLook