Comeback | ശിവകാര്‍ത്തികേയന്‍ ചിത്രത്തിൽ 14 വര്‍ഷത്തിന് ശേഷം ബിജു മേനോൻ തമിഴകത്തേക്ക് തിരിച്ചെത്തുന്നു

ചെന്നൈ: (KVARTHA) 14 വർഷത്തെ ഇടവേളയ്ക്ക് ശേഷം മലയാളികളുടെ പ്രിയതാരം ബിജു മേനോൻ തമിഴ് സിനിമയിലേക്ക് തിരിച്ചെത്തുന്നു. തെന്നിന്ത്യൻ സിനിമ പ്രേമികളെ ആവേശത്തിലാഴ്ത്തുന്ന ഈ വാർത്ത സ്ഥിരീകരിച്ചിരിക്കുകയാണ്.

ശിവകാര്‍ത്തികേയനെ നായകനാക്കി എ.ആർ. മുരുഗദോസ് സംവിധാനം ചെയ്യുന്ന ഏറ്റവും പുതിയ ചിത്രത്തിലൂടെയാണ് ബിജു മേനോൻ തമിഴ് സിനിമയിൽ തിളങ്ങാൻ പോകുന്നത്. ശ്രീലക്ഷ്മി മൂവീസ് നിർമ്മിക്കുന്ന ഈ ചിത്രം തമിഴ് സിനിമ ലോകത്തെ ഞെട്ടിച്ചുകൊണ്ടാണ് വരുന്നത്.

ചിത്രസംഘം ഔദ്യോഗികമായി പുറത്തുവിട്ട വീഡിയോയിൽ ബിജു മേനോനെ സ്വാഗതം ചെയ്യുകയും, ദൈവത്തിന്റെ സ്വന്തം നാട്ടിൽ നിന്നും ഒരു ഗംഭീര അഭിനേതാവ് തങ്ങളുടെ ചിത്രത്തിൽ അണിയറയിൽ ചേർന്നതിൽ സന്തോഷമുണ്ടെന്നും വീഡിയോക്കൊപ്പം നിർമ്മാതാക്കൾ കുറിച്ചു.

ചിത്രത്തിൽ ബിജു മേനോൻ അവതരിപ്പിക്കുന്നത് ഒരു പോലീസ് ഉദ്യോഗസ്ഥന്റെ വേഷമാണെന്നാണ് വീഡിയോ നല്‍കുന്ന സൂചന. മലയാള സിനിമയിൽ തന്റെ അഭിനയ മികവ് തെളിയിച്ച ബിജു മേനോൻ തമിഴ് സിനിമയിലും തന്റെ മികവ് കാണിക്കുമെന്നാണ് പ്രതീക്ഷിക്കുന്നത്.

കന്നട സിനിമയിലെ മുഖം മുത്തുവായ രുഗ്മിണി വസന്ത് ആണ് ചിത്രത്തിലെ നായിക. അനിരുദ്ധ് രവിചന്ദർ ചിത്രത്തിലെ സംഗീത സംവിധാനം നിർവഹിക്കുന്നു. ശിവകാര്‍ത്തികേയന്റെ കരിയറിലെ ഏറ്റവും ഉയർന്ന ബജറ്റിലാണ് ഈ ചിത്രമൊരുങ്ങുന്നത്.

#BijuMenon #Shivakarthikeyan #ARMurugadoss #TamilCinema #MalayalamCinema #SouthIndianCinema #Bollywood #Kollywood #Mollywood #NewMovie #Comeback