'കപ്പ് കൊണ്ടുവരുമെന്ന് കരുതി, തന്നത് 2 കപ്പങ്ങ!'; ബിഗ് ബോസിൽ നിന്ന് പുറത്തായ രാകേഷിനെ ട്രോളി അമ്മയുടെ ‘പപ്പായ സ്വീകരണം’

കൊച്ചി: (KVARTHA) ഇത്തവണത്തെ ബിഗ് ബോസ് ഹൗസിലേക്ക് അഗ്നിപരീക്ഷയിലൂടെ കയറിയവരിൽ ഏറെ ശ്രദ്ധേയനായ മത്സരാർത്ഥിയായിരുന്നു രാകേഷ്. 40 പേരെ ഉൾക്കൊള്ളിച്ച് സാധാരണക്കാർക്കായി സംഘടിപ്പിച്ച ബിഗ് ബോസ് പ്രീ ഷോ ആയിരുന്നു അഗ്നിപരീക്ഷ. കഴിഞ്ഞ ദിവസം നടന്ന മാസ് എവിക്ഷനിലാണ് രാകേഷ് ബിഗ് ബോസ് ഹൗസിൽ നിന്ന് പുറത്താകുന്നത്. കണ്ടന്റുകൾ കൊണ്ടും തന്റേതായ ശൈലി കൊണ്ടും പ്രേക്ഷകശ്രദ്ധ നേടിയ രാകേഷിന്റെ മടക്കം ആരാധകർക്കും വിഷമമുണ്ടാക്കിയിരുന്നു. ഇപ്പോഴിതാ ബിഗ് ബോസിൽ നിന്ന് ഇറങ്ങി വീട്ടിലെത്തിയ രാകേഷിന്റെ പുതിയ വീഡിയോ സമൂഹമാധ്യമങ്ങളിൽ വലിയ രീതിയിൽ വൈറലായിരിക്കുകയാണ്.

'തോറ്റ് തുന്നം പാടി എത്തിയിരിക്കുകയാണ് മോൻ'

'തോറ്റ് തുന്നം പാടി എത്തിയിരിക്കുകയാണ് മോൻ' എന്ന സിനിമാ ഡയലോഗ് പറഞ്ഞാണ് രാകേഷിനെ അമ്മ വീട്ടിലേക്ക് സ്വീകരിക്കുന്നത്. അമ്മയുടെ കഴുത്തിൽ ഹാരം അണിയിക്കുകയും ബൊക്കെ നൽകുകയും ചെയ്ത രാകേഷ്, 'ബിഗ് ബോസിൽ നിന്ന് വന്നിട്ട് ഒന്നും കൊണ്ടുവന്നില്ലെന്ന് പറയണ്ട' എന്ന് തമാശയായി പറയുന്നുണ്ട്. ബിഗ് ബോസിൽ പോയി തോറ്റ് തുന്നം പാടി തിരിച്ചെത്തിയതിൽ അമ്മയ്ക്ക് എന്താണ് പറയാനുള്ളതെന്ന് രാകേഷ് ചോദിച്ചപ്പോൾ, ഒരുപാട് അഭിമാനം ഉണ്ടെന്നും അതിൽ കയറാൻ പറ്റുക എന്നത് തന്നെ വലിയ ഭാഗ്യമാണെന്നുമായിരുന്നു അമ്മയുടെ മറുപടി. മകന്റെ പ്രകടനത്തിൽ പൂർണ തൃപ്തിയുണ്ടെന്ന് വ്യക്തമാക്കുന്നതായിരുന്നു അമ്മയുടെ ഈ വാക്കുകൾ.

View this post on Instagram

A post shared by Rakesh Rakku (@rakku_joy)

കപ്പിനു പകരം കപ്പങ്ങ നൽകി അമ്മയുടെ വക ട്രോൾ

ബിഗ് ബോസ് വീട്ടിൽ നിന്ന് കപ്പുമായി മോൻ തിരിച്ചുവരുമെന്നായിരുന്നു തന്റെ വലിയ ആഗ്രഹം എന്ന് പറഞ്ഞ അമ്മ, 'കപ്പിനു പകരം കപ്പങ്ങ ഇരിക്കട്ടെ' എന്നു പറഞ്ഞ് രാകേഷിന്റെ കയ്യിൽ രണ്ട് പപ്പായ വെച്ചുകൊടുക്കുന്നതും വീഡിയോയിൽ കാണാം. ‘നാട്ടുകാർ ട്രോൾ ചെയ്യുന്നു. ഇപ്പോൾ സ്വന്തം വീട്ടിൽ നിന്നും ട്രോൾ ആണല്ലോ’, എന്നായിരുന്നു ഇതിന് രാകേഷിന്റെ ചിരിച്ചുകൊണ്ടുള്ള മറുപടി. സമൂഹമാധ്യമങ്ങളിൽ ഇതിനോടകം ലക്ഷക്കണക്കിന് ആളുകളാണ് ഈ രസകരമായ വീഡിയോ ഏറ്റെടുത്തിരിക്കുന്നത്.

അഗ്നിപരീക്ഷയിൽ നിന്ന് വീട്ടിലേക്കെത്തുമെന്ന് ആദ്യഘട്ടത്തിൽ പലരും പ്രവചിച്ചവരിൽ ഒരാൾ തന്നെയായിരുന്നു രാകേഷ്. തന്റെ സ്വതസിദ്ധമായ ഭാഷാശൈലിയും തമാശ പറച്ചിലും കൊണ്ട് വളരെ വേഗത്തിൽ അഗ്നിപരീക്ഷയിൽ തന്റേതായ ഇടമുണ്ടാക്കാൻ രാകേഷിന് കഴിഞ്ഞിരുന്നു. ബിഗ് ബോസിനുള്ളിൽ സജീവമായിരുന്നെങ്കിലും അപ്രതീക്ഷിത എവിക്ഷനിലൂടെയാണ് താരത്തിന് പുറത്തേക്ക് വരേണ്ടി വന്നത്.

കൂടുതൽ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്. 

Article Summary: Bigg Boss evicted contestant Rakesh's viral homecoming video where his mother humorously welcomes him with papayas instead of a trophy.

#BiggBossMalayalam #Rakesh #ViralVideo #EntertainmentNews #MalayalamNews #BiggBoss #TrendingMalayalam #Kvartha #AnjanaNews