ഓണം തൂക്കി നിവിൻ പോളി; 'ബത്‍ലഹേം കുടുംബ യൂണിറ്റ്' 100 കോടി ക്ലബ്ബിലേക്ക്, തിയേറ്ററുകളിൽ കുടുംബ പ്രേക്ഷകരുടെ ഒഴുക്ക്

കണ്ണൂർ: (KVARTHA) 'സർവം മായ' എന്ന സിനിമയ്ക്ക് ശേഷം വീണ്ടും ബംപർ ഹിറ്റടിച്ച് നടൻ നിവിൻ പോളി. ഓണക്കാലത്ത് തിയേറ്ററുകളിലെത്തിയ നിവിൻ ചിത്രം 'ബത്‍ലഹേം കുടുംബ യൂണിറ്റ്' ബോക്സ് ഓഫീസിൽ വൻ വിജയത്തിലേക്ക് കുതിക്കുകയാണ്. കുടുംബ പ്രേക്ഷകർ തിയേറ്ററുകളിലേക്ക് വലിയ തോതിൽ ഒഴുകിയെത്തിയതോടെ ചിത്രം 100 കോടി ക്ലബ്ബിലേക്കുള്ള പ്രയാണത്തിലാണ്.

മമിത ബൈജുവിന്റെ ഗംഭീര പ്രകടനം

നിവിൻ പോളിയോടൊപ്പം മമിത ബൈജുവും ഒന്നിക്കുന്നു എന്നതാണ് ബത്‍ലഹേം കുടുംബ യൂണിറ്റിനെ തുടക്കം മുതൽ ശ്രദ്ധേയമാക്കിയത്. സൂപ്പർ ശരണ്യയിലെ 'സോനാരെ' എന്ന വേഷത്തിൽ നിന്നും പ്രേമലുവിലും, അവിടെ നിന്നും തെന്നിന്ത്യൻ സൂപ്പർതാരങ്ങളോടൊപ്പം അഭിനയിച്ച് വലിയ പ്രശംസകൾ ഏറ്റുവാങ്ങി നിൽക്കുമ്പോഴാണ് മമിതയെ തേടി ഈ ചിത്രമെത്തുന്നത്. പ്രേമലുവിന് ശേഷം ​ഗിരീഷ് എ.ഡി. ചിത്രത്തിൽ മമിത വീണ്ടും വരുന്നതും ചിത്രത്തിന്റെ പ്രധാന ഹൈലൈറ്റുകളിലൊന്നായിരുന്നു. പ്രേക്ഷകരുടെ ഈ പ്രതീക്ഷകൾ മമിത തെറ്റിച്ചില്ല.

നാട്ടിൻപുറത്തെ ഒരു സാധാരണ പെൺകുട്ടിയുടെ ഭയപ്പാടുകളും അരക്ഷിതാവസ്ഥയും ചേർന്ന 'ആഷ്ലി' എന്ന കഥാപാത്രം മമിതയുടെ കൈകളിൽ ഭദ്രമായിരുന്നു. തനിക്ക് വിശ്വാസവും സുരക്ഷിതത്വവും തോന്നുന്ന ഇടങ്ങളിൽ സ്വാതന്ത്ര്യമെടുത്ത് പെരുമാറുന്ന പെൺകുട്ടിയായും, അല്ലാത്തയിടങ്ങളിൽ ഒതുങ്ങിയ ജീവിതം നയിക്കുന്നവളായും മമിത ​ഗംഭീര പ്രകടനമാണ് കാഴ്ചവെച്ചത്. ഇതോടെ അയൽവക്കത്തെ കുട്ടിയായി മലയാളി പ്രേക്ഷകരുടെ മനസ്സിൽ ഇടമുറപ്പിക്കുകയാണ് താരം.

ചിത്രത്തിന്റെ അണിയറപ്രവർത്തകർ: സംവിധാനം- ഗിരീഷ് എ.ഡി. തിരക്കഥ- ഗിരീഷ് എ.ഡി., കിരൺ ജോസി, നിർമാണം- ഭാവന സ്റ്റുഡിയോസ്, (ദിലീഷ് പോത്തൻ, ഫഹദ് ഫാസിൽ, ശ്യാം പുഷ്കരൻ). പ്രധാന താരങ്ങൾ- നിവിൻ പോളി, മമിത ബൈജു, സംഗീതം- വിഷ്ണു വിജയ്, ക്യാമറ- അജ്മൽ സാബു.

കുടുംബ പ്രേക്ഷകരെ ആകർഷിച്ച് ഗിരീഷ് എ.ഡി. മാജിക്

​ഗിരീഷ് എ.ഡിയുടെ സിനിമാശൈലി മലയാളി പ്രേക്ഷകർ പൂർണമായും ഏറ്റെടുത്തിരിക്കുന്നു എന്നതിന്റെ മികച്ച ഉദാഹരണം കൂടിയാണ് ബത്‍ലഹേം കുടുംബ യൂണിറ്റ്. കഥയുടെ ഒഴുക്കിനനുസരിച്ച് ഹാസ്യം കൈകാര്യം ചെയ്തുകൊണ്ടാണ് സിനിമ ഒരുക്കിയിരിക്കുന്നത്. നിവിനോടൊപ്പം സംഗീത് പ്രതാപ്, സുരേഷ് കൃഷ്ണ, വിനയ് ഫോർട്ട്, റോഷൻ ഷാനവാസ്, ശ്യാം മോഹൻ, ഷമീർ ഖാൻ തുടങ്ങി ചിത്രത്തിൽ ചെറുതായി വന്നുപോയവർ വരെ പ്രേക്ഷകരെ മനംനിറച്ച് ചിരിപ്പിച്ചു.

നമ്മുടെ ചുറ്റുപാടും കാണുന്ന മനുഷ്യരും അവരുൾപ്പെടുന്ന വിവിധ സംഭവങ്ങളും രസകരമായി കോർത്തിണക്കിയപ്പോൾ ഓരോ വ്യക്തിക്കും അത് നേരിട്ടനുഭവിക്കാൻ സാധിച്ചു. എല്ലാ തലമുറയെയും ഒരുപോലെ ആകർഷിക്കുന്ന സിനിമയെന്ന നിലയിലാണ് കുടുംബ പ്രേക്ഷകർ തിയേറ്ററിലേക്ക് ഒഴുകിയെത്തുന്നത്. ഓണത്തിന് ബിഗ് ബജറ്റ് ചിത്രങ്ങൾ പലതും തിയേറ്ററിലെത്തിയിട്ടുണ്ടെങ്കിലും കുടുംബ പ്രേക്ഷകരെ കൂടുതലായി ആകർഷിക്കുന്നത് ഈ നിവിൻ പോളി ചിത്രമാണ്. വിഷ്ണു വിജയ് ഒരുക്കിയ പാട്ടുകളും പശ്ചാത്തല സംഗീതവും അജ്മൽ സാബു ഒരുക്കിയ ദൃശ്യങ്ങളും ചിത്രത്തെ മികച്ചതാക്കിയിട്ടുണ്ട്.

സിനിമ ലോകത്തെ വാർത്തകളും വിശേഷങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായം ഞങ്ങളുടെ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക് പേജും ഫോളോ ചെയ്യുക. 

Article Summary: Nivin Pauly's 'Bethlehem Kudumba Unit' nears 100-crore club.

#NivinPauly #MamithaBaiju #GirishAD #BethlehemKudumbaUnit #MalayalamCinema #OnamRelease #MalayalamNews #AnjanaNews