ജന്മദിനാശംസകൾക്കൊപ്പം പുതിയ കഥാപാത്രം; 'ചത്ത പച്ച'യിലെ അർജുൻ അശോകന്റെ ലുക്ക് വൈറൽ

(KVARTHA) നടൻ അർജുൻ അശോകന്റെ പിറന്നാള്‍ ദിനത്തില്‍ ആരാധകര്‍ക്ക് സർപ്രൈസായി പുതിയ ചിത്രം 'ചത്ത പച്ച' യിലെ ക്യാരക്റ്റര്‍ ലുക്ക് പുറത്തുവിട്ടു. റെസ്ലിങ് പശ്ചാത്തലത്തിലുള്ള ഒരു പാൻ ഇന്ത്യൻ ആക്ഷൻ കോമഡി എന്റർടെയ്നറാണ് ഈ ബിഗ് ബജറ്റ് ചിത്രം.

റീൽ വേൾഡ് എന്റർടെയ്ൻമെന്റ് ആണ് 'ചത്ത പച്ച' നിർമിക്കുന്നത്. ട്രാൻസ് വേൾഡ് ഗ്രൂപ്പ്, ലെൻസ്മാൻ ഗ്രൂപ്പ് എന്നീ പ്രമുഖ കമ്പനികൾ സംയുക്തമായാണ് ഈ നിർമാണ സംരംഭത്തിന് തുടക്കമിട്ടിരിക്കുന്നത്. 

ട്രാൻസ് വേൾഡ് ഗ്രൂപ്പിന്റെ രമേശ്, റിതേഷ് രാമകൃഷ്ണൻ, ലെൻസ്മാൻ ഗ്രൂപ്പിന്റെ ഷിഹാൻ ഷൗക്കത്ത് എന്നിവർക്കൊപ്പം മമ്മൂട്ടി കമ്പനിയിലെ പ്രമുഖരായ എസ്. ജോർജ്, സുനിൽ സിംഗ് എന്നിവരും നിർമാണത്തിൽ പങ്കാളികളാകുന്നുണ്ട്.

ലോകമെമ്പാടുമുള്ള റിങ് റെസ്ലിങ് ആരാധകരിൽ നിന്നും പ്രചോദനമുൾക്കൊണ്ടാണ് ചിത്രമൊരുങ്ങുന്നത്. ജീത്തു ജോസഫിന്റെ സംവിധാന സഹായിയായിരുന്ന അദ്വൈത് നായർ ആണ് ഈ ചിത്രം സംവിധാനം ചെയ്യുന്നത്. സൂപ്പർതാരം മോഹൻലാലിന്റെ അനന്തരവൻ കൂടിയായ അദ്വൈതിന്റെ ആദ്യ സംവിധാന സംരംഭമാണിത്.

അർജുൻ അശോകന് പുറമെ റോഷൻ മാത്യു, ഇഷാൻ ഷൗക്കത്ത്, വിശാഖ് നായർ എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. ആനന്ദ് സി. ചന്ദ്രനാണ് ഛായാഗ്രഹണം. പ്രവീൺ പ്രഭാകർ എഡിറ്റിങ്ങും, മുജീബ് മജീദ് ബിജിഎമ്മും കൈകാര്യം ചെയ്യുന്നു. സനൂപ് തൈക്കൂടമാണ് തിരക്കഥ.

മറ്റ് അണിയറ പ്രവർത്തകർ:

എക്സിക്യൂട്ടീവ് പ്രൊഡ്യൂസേഴ്സ്: ജോർജ് എസ്., ലൈൻ പ്രൊഡ്യൂസർ: സുനിൽ സിംഗ്, വസ്ത്രാലങ്കാരം: മെൽവി, മേക്കപ്പ്: റോണക്സ് സേവ്യർ, ആർട്ട്: സുനിൽ ദാസ്, സ്റ്റണ്ട്: കലൈ കിങ്സ്റ്റൺ, വാർത്താ പ്രചരണം: വൈശാഖ് വടക്കേവീട്, ജിനു അനിൽകുമാർ, ഡിജിറ്റൽ പ്രൊമോഷൻ: ഒബ്സ്ക്യൂറ എന്റർടെയ്ൻമെന്റ്.

ഈ ചിത്രത്തെക്കുറിച്ചുള്ള നിങ്ങളുടെ പ്രതീക്ഷകൾ പങ്കുവെയ്ക്കൂ. 

Article Summary: Arjun Ashokan's look from 'Chatha Pacha' released.

#ArjunAshokan #ChathaPacha #NewMovie #Mollywood #FilmNews #HappyBirthday