ഐഡിയ സ്റ്റാർ സിംഗർ ഫെയിം ഗായിക അഞ്ജു ജോസഫ് തന്റെ വിവാഹമോചനത്തെക്കുറിച്ചും രണ്ടാം വിവാഹത്തെക്കുറിച്ചും മനസ്സുതുറക്കുന്നു; എല്ലാത്തിനും ഒരു സെക്കൻഡ് ചാൻസ് ഉണ്ടെന്ന് താരം 

കൊച്ചി: (KVARTHA) ഏഷ്യാനെറ്റിലെ ഐഡിയ സ്റ്റാർ സിംഗർ റിയാലിറ്റി ഷോയിലൂടെ ശ്രദ്ധേയയായ ഗായികയാണ് അഞ്ജു ജോസഫ്. സംഗീതരംഗത്ത് സജീവമായ താരം തന്റെ വിശേഷങ്ങൾ ആരാധകരുമായി പങ്കുവെക്കാറുണ്ട്. മുൻപ് തന്റെ വിവാഹമോചനവുമായി ബന്ധപ്പെട്ട് താരം പറഞ്ഞ കാര്യങ്ങൾ വലിയ ചർച്ചയായിരുന്നു. ഇപ്പോഴിതാ തന്റെ വിവാഹമോചനത്തെക്കുറിച്ചും രണ്ടാം വിവാഹത്തെക്കുറിച്ചും വീണ്ടും മനസ്സ് തുറന്നിരിക്കുകയാണ് അഞ്ജു ജോസഫ്.

'ഡിവോഴ്സ് ഒരു കുറ്റമല്ല'

വിവാഹമോചനം ചെയ്തുവെന്ന് കരുതി ഒരാളെ സമൂഹത്തിൽ നിന്നും മാറ്റിനിർത്തേണ്ട കാര്യമോ കളിയാക്കേണ്ട കാര്യമോ ഇല്ലെന്ന് അഞ്ജു പറയുന്നു. എല്ലാ കാര്യങ്ങളിലും മാറ്റങ്ങൾ വരുന്നുണ്ടെന്നും താരം ചൂണ്ടിക്കാട്ടി. 

‘ഈ പ്രോസസ്സിൽ പോയി കഴിയുമ്പോൾ സെൽഫ് റെസ്പെക്റ്റ്, കോൺഫിഡൻസ്, വിശ്വാസം തുടങ്ങിയ കാര്യങ്ങൾ ഇല്ലാതാകും. അന്ന് ഞാൻ എല്ലാം തുറന്ന് സംസാരിച്ചപ്പോൾ ഒരുപാട് പേർ സന്ദേശങ്ങൾ അയച്ചിരുന്നു. അവരോട് പറയാനുള്ളത്, എല്ലാത്തിനും ഒരു സെക്കൻഡ് ചാൻസ് ഉണ്ട് എന്നാണ്,’ അഞ്ജു പറഞ്ഞു.

'എന്നെ ഹാപ്പിയാക്കിയത് ഞാൻ തന്നെ'

വിവാഹമോചനത്തിന് ശേഷം താൻ ഒറ്റയ്ക്കായിരുന്നപ്പോഴും ഹാപ്പിയായിരുന്നുവെന്ന് താരം വ്യക്തമാക്കി. ‘എന്നെ ഹാപ്പിയാക്കി വെച്ചിരുന്നത് ഞാൻ തന്നെയായിരുന്നു. അതുകൊണ്ടാണ് എനിക്ക് ആദിത്യയെ ജീവിതത്തിലേക്ക് എടുക്കാൻ പറ്റിയത്.

2018 മുതൽ 2022 വരെ ഞാൻ കാത്തിരുന്നു. ഒരു ബന്ധം തകർന്നതിന് ശേഷം നേരെ അടുത്തതിലേക്ക് എടുത്തുചാടിയാൽ നമ്മൾ അതേ പാറ്റേണിൽ തന്നെയായിരിക്കും വീണ്ടും വീണ്ടും പെട്ടുപോകുന്നത്. അതുകൊണ്ട് റീബോണ്ടിലേക്ക് പോകാതിരിക്കാൻ ഞാൻ പ്രത്യേകം ശ്രദ്ധിച്ചിരുന്നു,’ അഞ്ജു ജോസഫ് കൂട്ടിച്ചേർത്തു. ധന്യ വർമ്മയുമായുള്ള അഭിമുഖത്തിനിടെയായിരുന്നു താരത്തിന്റെ പ്രതികരണം.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Singer Anju Joseph, in a recent interview, openly discussed her experience with divorce, emphasizing that it is not a crime and explaining the importance of taking time for self-healing and self-respect before entering into a second marriage.

#AnjuJoseph #MalayalamSinger #IdeaStarSinger #PersonalLife #CelebrityNews #MalayalamNews #SecondChance #Inspiration #AmmuNews