കൊച്ചി: (KVARTHA) മലയാള സിനിമയിലെ താരങ്ങളുടെ സംഘടനകളായ അമ്മയും നിർമാതാക്കളുടെ സംഘടനയും തമ്മിലുള്ള തർക്കം കൂടുതൽ രൂക്ഷമായി. 'നാഥനില്ലാ കളരി' എന്ന് വിശേഷിപ്പിച്ചതിൽ പ്രതിഷേധം അറിയിച്ച് നിർമ്മാതാക്കളുടെ സംഘടനയ്ക്ക് അമ്മ കത്തയച്ചു. 

തെറ്റുകൾ തിരുത്തി തിരിച്ചുവരവിൻ്റെ പാതയിലാണ് അമ്മ സംഘടനയെന്നും അമ്മ സംഘടനയെ നാഥനില്ലാ കളരിയെന്ന് വിശേഷിപ്പിച്ചത് തെറ്റായിപ്പോയെന്നും ഇതിൽ ഖേദം പ്രകടിപ്പിക്കണമെന്നും ആവശ്യപ്പെട്ടുകൊണ്ടാണ് അമ്മ നിർമാതാക്കളുടെ സംഘടനക്ക് കത്തയച്ചിരിക്കുന്നത്.

അമ്മ സംഘടന തങ്ങളുടെ പ്രശ്‌നങ്ങളോട് ഗൗരവമായി പ്രതികരിക്കുന്നില്ലെന്നാണ് നിർമാതാക്കളുടെ പ്രധാന ആരോപണം. താരങ്ങളുടെ അമിതമായ പ്രതിഫലം, സിനിമ നിർമ്മാണ ചിലവ് വർദ്ധനവ് തുടങ്ങിയ പ്രശ്‌നങ്ങൾക്ക് പരിഹാരം കാണുന്നതിൽ അമ്മ പരാജയപ്പെട്ടുവെന്നാണ് ഇവരുടെ വാദം.

ഈ സാഹചര്യത്തിൽ, ജൂൺ ഒന്നു മുതൽ സിനിമാ സമരം നടത്താൻ സംഘടനകൾ തീരുമാനിച്ചിരിക്കുകയാണ്. ജിഎസ്‌ടിക്കൊപ്പമുള്ള വിനോദ നികുതി സംസ്ഥാന സർക്കാർ പിൻവലിക്കണം, താരങ്ങൾ വലിയ പ്രതിഫലം കുറയ്ക്കണമെന്നതുൾപ്പെടെയുള്ള ആവശ്യങ്ങൾ ഉന്നയിച്ചാണ് സമരം.

ഈ വാർത്ത പങ്കിടുകയും അഭിപ്രായങ്ങൾ രേഖപ്പെടുത്തുകയും ചെയ്യുക 

The feud between the actress association and the producers’ association has intensified. The actress association sent a protest letter over being called 'nathanilla kalari.'

 #AmmakDispute #ProducersAssociation #CinemaStrike #MalayalamCinema #GST #EntertainmentTax