അമ്മയിൽ പോര് മുറുകുന്നു; വായ തുറന്നാൽ വർഗീയത വിളമ്പുന്ന ലക്ഷ്മി പ്രിയയുടെ ശവം കാണാൻ താല്പര്യമില്ലെന്ന് ഉഷ ഹസീന

കൊച്ചി: (KVARTHA) താരസംഘടനയായ അമ്മയിൽ അംഗങ്ങളുടെ തുടർച്ചയായ രാജിക്ക് പിന്നാലെ താരങ്ങൾ തമ്മിലുള്ള പരസ്യമായ വാക്പോരും രൂക്ഷമാകുന്നു. അമ്മയുടെ പ്രാഥമിക അംഗത്വത്തിൽ നിന്ന് രാജിവെച്ച നടി ലക്ഷ്മി പ്രിയയുടെ ഫേസ്ബുക്ക് പോസ്റ്റിന് കടുത്ത ഭാഷയിൽ മറുപടി നൽകിയിരിക്കുകയാണ് നടി ഉഷ ഹസീന. വായ തുറന്നാൽ വർഗീയത വിളമ്പുന്ന ലക്ഷ്മി പ്രിയയുടെ ശവം കാണണമെന്ന് തനിക്ക് യാതൊരു താല്പര്യവുമില്ലെന്ന് ഉഷ ഹസീന തൻ്റെ ഫേസ്ബുക്ക് കുറിപ്പിൽ വ്യക്തമാക്കി.

വർഗീയ വിഷം തുപ്പുന്നവരെ സംഘടനയ്ക്കും വേണ്ട

കഴിഞ്ഞ ദിവസം രാത്രി ലക്ഷ്മി പ്രിയ തനിക്കും പൊന്നമ്മ ബാബുവിനും ഒരു മെസേജ് അയച്ചിരുന്നതായും അതേ കാര്യങ്ങൾ ഫേസ്ബുക്കിൽ പോസ്റ്റ് ചെയ്തതായും ഉഷ ഹസീന പറയുന്നു. ചാനലുകൾ തോറും കയറിയിറങ്ങി വായിൽ വരുന്നത് കോതയ്ക്ക് പാട്ട് എന്നതുപോലെ വർഗീയ വിഷം തുപ്പുമ്പോൾ ഇക്കാര്യങ്ങൾ ആലോചിക്കണമായിരുന്നു. ഇത്തരക്കാരെ പ്രോത്സാഹിപ്പിക്കാനോ അംഗീകരിക്കാനോ തങ്ങൾക്ക് മനസ്സില്ല. അമ്മ സംഘടനയിൽ വർഗീയത കൊണ്ടുവരാമെന്നുള്ള ലക്ഷ്മി പ്രിയയുടെ വലിയ മോഹം പൊളിച്ചടുക്കിയതിൻ്റെ രോദനമായിട്ടേ ഈ പ്രതികരണങ്ങളെ കാണുന്നുള്ളൂ എന്നും ഉഷ ഫേസ്ബുക്ക് കുറിപ്പിൽ വിമർശിച്ചു.

കഴിഞ്ഞ 10 മാസമായി നടി അൻസിബ അനുഭവിച്ച വിഷമങ്ങൾക്കും അവഗണനകൾക്കും അപമാനങ്ങൾക്കും കഴിഞ്ഞ ദിവസം ജനറൽ ബോഡിയിൽ വെച്ച് കൃത്യമായ മറുപടി നൽകിയിട്ടുണ്ട്. അൻസിബയുടെ നിലപാടാണ് ശരിയെന്നും അവളെ ചേർത്തുപിടിച്ച് ഒപ്പം നിന്നുവെന്നും ഉഷ ഹസീന വ്യക്തമാക്കി. വർഗീയ വിഷം തുപ്പുന്നവരെ അമ്മയ്ക്കും ആവശ്യമില്ലെന്നത് ജനറൽ ബോഡിയിലെ ഭൂരിപക്ഷം അംഗങ്ങളുടെയും അഭിപ്രായമായിരുന്നു.

ജിഹാദി വിളിയും കടുത്ത മറുപടിയും

ഇൻ്റർവ്യൂകളിൽ തന്നെ ജനിപ്പിച്ച മാതാപിതാക്കളെയും ജനിച്ച മതത്തെയും ഖുർആനെയും തള്ളിപ്പറഞ്ഞ ലക്ഷ്മി പ്രിയയുടെ നിലപാടുകൾ ശരിയല്ലെന്ന് താൻ മുൻപ് പറഞ്ഞിരുന്നു. ഇതിൻ്റെ പേരിൽ, ഒരു പ്രോഗ്രാമിലേക്ക് തന്നെ വിളിക്കാൻ സഹപ്രവർത്തക നിർദേശിച്ചപ്പോൾ മറ്റ് താരങ്ങളുടെ മുൻപിൽ വെച്ച് തന്നെ ജിഹാദിയെന്ന് വിളിച്ച് അധിക്ഷേപിച്ച വ്യക്തിയാണ് ലക്ഷ്മി പ്രിയ. അതിനാൽ വർഗീയത വിളമ്പുന്ന ആളുടെ ശവം കാണാൻ തനിക്ക് താല്പര്യമില്ലെന്ന് ഉഷ ഹസീന ആഞ്ഞടിച്ചു.

തൻ്റെ രാജി മുതിർന്ന അംഗങ്ങളായ കാലടി ഓമന, പൊന്നമ്മ ബാബു, ഉഷ ആലപ്പുഴ എന്നിവർക്ക് സമർപ്പിക്കുന്നുവെന്നാണ് ലക്ഷ്മി പ്രിയ രാജിക്കത്തിൽ പറഞ്ഞിരുന്നത്. ഇവർ ജീവിച്ചിരിക്കുമ്പോഴാണ് താൻ മരിക്കുന്നതെങ്കിൽ തൻ്റെ ശവം കാണാൻ പോലും ആരും വരരുതെന്നും കത്തിൽ പറഞ്ഞിരുന്നു. 60 വയസ്സ് വരെ ജീവിച്ചിരുന്നാൽ തനിക്ക് ലഭിച്ചേക്കാവുന്ന പെൻഷനോ ഇൻഷുറൻസോ മരണശേഷം റീത്തോ അനുശോചനമോ വേണ്ടെന്നും തന്നെ സ്നേഹിക്കുന്ന ചുരുക്കം ചിലർ ഒഴികെ ബാക്കിയുള്ളവർ തൻ്റെ പടി കടന്നുവരരുതെന്നും ലക്ഷ്മി പ്രിയ ഫേസ്ബുക്കിൽ കുറിച്ചിരുന്നു. 

ഇതിനിടെ അമ്മ സംഘടനയിലെ പ്രതിസന്ധികൾ തുടരുകയാണ്. പുതിയതായി രൂപീകരിച്ച അഡ്‌ഹോക് കമ്മിറ്റിയിൽ നിന്ന് നടി ആശ അരവിന്ദ് രാജിവെച്ചു. ഇതിന് പിന്നാലെ മുതിർന്ന നടി മല്ലിക സുകുമാരനും രാജി പ്രഖ്യാപിച്ചിട്ടുണ്ട്.

ഉഷ ഹസീനയുടെ ഫേസ്ബുക് പോസ്റ്റിന്റെ പൂര്‍ണ്ണരൂപം

ശ്രീമതി ലക്ഷ്മി പ്രിയ ഇന്നലെ രാത്രി എനിക്കും പൊന്നമ്മ ചേച്ചിക്കും ഒരു msg അയച്ചിട്ടുണ്ട്. അതിലെ മാറ്റർ തന്നെ fb യിലും അവർ പോസ്റ്റ്‌ ചെയ്തിട്ടുണ്ട്. ശ്രീമതി ലക്ഷ്മി പ്രിയ ഒരു കാര്യം മനസ്സിലാക്കണം ചാനലായ ചാനലുതോറും കയറി ഇരുന്ന് വായിൽ വരുന്നത് കോതക്ക് പാട്ട് എന്നതുപോലെ വർഗീയ വിഷം തുപ്പുമ്പോൾ ആലോചിക്കണമായിരുന്നു, ഇത്തരക്കാരെ പ്രോത്സാഹിപ്പിക്കാനോ അംഗീകരിച്ചക്കാനോ ഞങ്ങൾക്ക് മനസ്സില്ല. അമ്മ സംഘടനയിൽ വർഗീയത കൊണ്ടുവരാമെന്നുള്ള വലിയ മോഹംഞങ്ങൾ പൊളിച്ചടുക്കിയതിന്റെ ആ മോഹം പൊലിഞ്ഞുപോയതിന്റെ രോദനമായിട്ടേ ഞങ്ങൾ ഇതിനെ കണക്കാക്കുന്നുള്ളു.അൻസിബ കഴിഞ്ഞ പത്ത് മാസം അനുഭവിച്ച വിഷമങ്ങൾ, അവഗണനകൾ, അപമാനങ്ങൾ....അതിനൊക്കെ ഇന്നലെ ഞങ്ങൾ മറുപടി നൽകി.അൻസിബയുടെ നിലപാട് അതാണ്‌ ശെരി ഞങ്ങൾ അവളെ ചേർത്തുപിടിച്ചു... ഒപ്പം നിന്നു. നിങ്ങളെ പോലെ വർഗീയ വിഷം തുപ്പുന്നവരെ അമ്മയ്ക്കും വേണ്ട.ജനറൽബോഡി യിലെ ഭൂരിപക്ഷം അംഗങ്ങളുടെയും അഭിപ്രായവും അത് തന്നെ ആയിരുന്നു.ഇന്റർവ്യൂ കളിൽ ജനിപ്പിച്ച മാതാപിതാക്കളെയും ജനിച്ച മതത്തെയും  ഖുറാനെയും തള്ളിപ്പറഞ നിങ്ങളുടെ അത്തരം സ്റ്റേറ്റ്മെന്റ് ശരിയായില്ല എന്ന് പറഞ്ഞതിന് എന്നെ ഒരു പ്രോഗ്രാമിന് വിളിക്കാൻ എന്റെ സഹപ്രവർത്തക പറഞ്ഞപ്പോൾ മറ്റ് സഹപ്രവർത്തകരുടെ മുൻപിൽ പബ്ലിക് ആയിട്ട് നിങ്ങൾ എന്നെയും ജിഹാദി യാണ് അവരെ വിളിക്കണ്ട എന്ന് പറഞ്ഞില്ലേ?വായ തുറന്നാൽ വർഗീയത വിളമ്പുന്ന നിങ്ങളുടെ ശവം കാണണമെന്ന് എനിക്ക് ഒരു താല്പവും ഇല്ല. 

സിനിമാ മേഖലയിലെ ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: Actress Usha Haseena strongly criticized Lakshmi Priya's resignation and comments, accusing her of spreading communal venom and stating she has no interest in seeing her corpse, while the AMMA association faces further crisis with the resignations of Asha Aravind and Mallika Sukumaran.

#AMMAAssociation #UshaHaseena #LakshmiPriya #MalayalamCinemaNews #AshaAravind #MallikaSukumaran #AmmuNews