മികച്ച പ്രതികരണവുമായി ഷിൻ ടോം ചാക്കോയുടെ പുതിയ കോമഡി ത്രില്ലർ അടിനാശം വെള്ളപ്പൊക്കം കുടുംബ പ്രേക്ഷകരെ ആകർഷിക്കുന്നു

(KVARTHA) തിയേറ്ററുകളിൽ ചിരിയുടെ ഭൂകമ്പം തീർത്ത് എ ജെ വർഗീസ് ഒരുക്കിയ പുതിയ ചിത്രം 'അടിനാശം വെള്ളപ്പൊക്കം' മികച്ച പ്രതികരണങ്ങളുമായി പ്രദർശനം തുടരുന്നു. 'അടി കപ്യാരേ കൂട്ടമണി', 'ഉറിയടി' എന്നീ ശ്രദ്ധേയ ചിത്രങ്ങൾ സംവിധാനം ചെയ്ത എ ജെ വർഗീസ് തന്നെയാണ് 'അടിനാശം വെള്ളപ്പൊക്ക'ത്തിൻ്റെയും സംവിധായകൻ. ഹൈറേഞ്ചിൽ സ്ഥിതി ചെയ്യുന്ന ഒരു ഇൻ്റർനാഷണൽ സ്കൂളിൻ്റെ പശ്ചാത്തലത്തിലാണ് ഈ കോമഡി ആക്ഷൻ ത്രില്ലർ കഥ പറയുന്നത്. വെള്ളിയാഴ്ച, ഡിസംബർ 12-നാണ് ചിത്രം തിയേറ്ററുകളിലെത്തിയത്.

ചിരിയും ആക്ഷനുമായി ലഹരി മാഫിയ പോരാട്ടം

കോടികൾ വിലമതിക്കുന്ന 'ബ്ലാക് അഫ്ഗാനി' എന്നറിയപ്പെടുന്ന ഹാഷിഷ് ഓയിലിനായി രണ്ട് ലഹരി മാഫിയ സംഘങ്ങൾ നടത്തുന്ന പോരാട്ടമാണ് ചിത്രത്തിൻ്റെ പ്രധാന പ്രമേയം. ചിരിയുടെ മാലപ്പടക്കം തന്നെ കൊളുത്തി വിടുന്ന സിനിമ, സമൂഹത്തിൽ നടക്കുന്ന ലഹരി മാഫിയക്ക് എതിരെയുള്ള ഒരു ശക്തമായ പോരാട്ടം കൂടി പറയുന്നുണ്ട്. കോടികൾ വിലയുള്ള ഹാഷിഷ് ഓയിലിന് വേണ്ടി പോരാടുന്ന ഗഞ്ചാ കറുപ്പ് ഗ്യാങ്ങും കൊളമ്പസ് ഗ്യാങ്ങും ഇവരെ പിടികൂടാനായി നടക്കുന്ന പോലീസ് സംഘവും ചേർന്ന കഥ ഒരു കോളേജ് ക്യാമ്പസിലേക്കാണ് എത്തുന്നത്. പിന്നീട് നടക്കുന്ന സംഭവ വികാസങ്ങളാണ് ചിത്രത്തിൻ്റെ പ്രമേയം.

പ്രധാന കഥാപാത്രങ്ങൾ

കൊളമ്പനാട്ടുകര സണ്ണി എന്ന 'കൊളമ്പസ്' എന്ന കഥാപാത്രമായി ഷൈൻ ടോം ചാക്കോ മികച്ച പ്രകടനം കാഴ്ചവെക്കുമ്പോൾ എസ് പി ആയി പ്രേം കുമാറും, ഗഞ്ചാ കറുപ്പായി ജോൺ വിജയും, സെബാസ്റ്റ്യൻ സേവ്യറായി അശോകനും, ചേതൻ കുമാറായി ശ്രീകാന്ത് വെട്ടിയാറും, ഷീല സ്കറിയായി മഞ്ജു പിള്ളയും, ബെന്നി, വരുൺ, ഉലഹന്നാൻ എന്നീ കഥാപാത്രങ്ങളെ ബൈജുവും കൈകാര്യം ചെയ്യുന്നു. സിനിമയിലുടനീളം ചെറിയ ചെറിയ കോമഡി മോമൻ്റുകളിലൂടെ  പ്രേക്ഷകർക്ക് ഊഷ്മളമായ അനുഭവം നൽകുന്ന ചിത്രം, ക്ലൈമാക്സിൽ ചിരിയുടെ പീക്കിലെത്തിക്കുന്നു. അവസാനത്തെ സീക്വൻസുകൾക്ക് എല്ലാ പ്രേക്ഷകരെയും തിയറ്ററുകളിൽ ഒരുപോലെ പൊട്ടിച്ചിരിപ്പിക്കാൻ സാധിക്കുമെന്നത് നൂറ് ശതമാനം ഉറപ്പാണ്.

അണിയറ പ്രവർത്തകർ

'അടി കപ്യാരേ കൂട്ടമണി' പോലെ പ്രേക്ഷകരെ ചിരിപ്പിക്കുമെന്ന പ്രതീക്ഷയിൽ തീയേറ്ററുകളിൽ എത്തുന്ന ആരെയും ഈ സിനിമ നിരാശപ്പെടുത്തകയില്ല. സൂര്യഭാരതി ക്രിയേഷൻസിൻ്റെ ബാനറിൽ മനോജ് കുമാർ കെ പിയാണ് 'അടിനാശം വെള്ളപ്പൊക്കം' സിനിമയുടെ നിർമ്മാണം നിർവഹിച്ചിരിക്കുന്നത്. പ്രൊജക്റ്റ് ഡിസൈനർ - ആർ ജയചന്ദ്രൻ, എക്സിക്യൂട്ടീവ് പ്രൊഡ്യൂസഴ്സ്- എസ് ബി മധു, താര അതിയാടത്ത്, ഛായാഗ്രഹണം- സൂരജ് എസ് ആനന്ദ്, എഡിറ്റർ- കാ.കാ, കലാസംവിധാനം- ശ്യാം, വസ്ത്രലങ്കാരം- സൂര്യ ശേഖർ, ഗസ്റ്റ് മ്യൂസിക് ഡയറക്ടർ- സുരേഷ് പീറ്റേഴ്‌സ്, സംഗീത സംവിധാനം- ഇലക്ട്രോണിക് കിളി, രാമ കൃഷ്ണൻ ഹരീഷ്, സൗണ്ട് മിക്സിങ്- ജിജുമോൻ ടി ബ്രൂസ്, കളറിസ്റ്റ്- ലിജു പ്രഭാകർ, ബി ജി എം- ശ്രീരാഗ് സുരേഷ്, ഗാനരചന- ടിറ്റോ പി തങ്കച്ചൻ, മുത്തു, ഇലക്ട്രോണിക് കിളി, സുരേഷ് പീറ്റേഴ്സ്, വിജയാനന്ദ്, ആരോമൽ ആർ വി, മേക്കപ്പ്- അമൽ കുമാർ കെ സി, പ്രൊഡക്ഷൻ കൺട്രോളർ- സേതു അടൂർ, ക്രീയേറ്റീവ് പ്രൊഡ്യൂസർ- ജെമിൻ ജോം അയ്യനേത്, ആക്ഷൻ- തവാസി രാജ് മാസ്റ്റർ, ചീഫ് അസ്സോസിയേറ്റ് ഡയറക്ടർ- ഷഹദ് സി, വി എഫ് എക്സ്- പിക്ടോറിയൽ എഫ് എക്സ്, സ്റ്റീൽസ്- റിഷാജ് മുഹമ്മദ്, ബോയാക് അജിത് കുമാർ, ജിത്തു ഫ്രാൻസിസ്, പബ്ലിസിറ്റി ഡിസൈൻസ്- യെല്ലോടൂത്ത്‌സ്, വിതരണം- ശ്രീപ്രിയ കോംബിൻസ് എന്നിവരാണ് ചിത്രത്തിൻ്റെ മറ്റ് അണിയറപ്രവർത്തകർ.

'അടിനാശം വെള്ളപ്പൊക്കം' സിനിമയുടെ കൂടുതൽ വിശേഷങ്ങൾ അറിയാനും അഭിപ്രായങ്ങൾ പങ്കുവെക്കാനും താഴെ കമൻ്റ് ചെയ്യുക.

Article Summary: AJ Varghese's comedy thriller 'Adinasham Vellapokkam' receives great theatrical response.

 #AdinashamVellapokkam #MalayalamMovie #ShineTomChacko #ComedyThriller #AJVarghese #NewRelease