'ഞങ്ങൾ അനുഗ്രഹീതരായിരിക്കുന്നു'; പാർവതി നമ്പ്യാർ സന്തോഷവാർത്ത ആരാധകരെ അറിയിച്ചു

കൊച്ചി: (KVARTHA) മലയാള സിനിമയിലെ ശ്രദ്ധേയയായ നടി പാർവതി നമ്പ്യാർ മാതൃത്വത്തിന്റെ പുതിയ സന്തോഷത്തിലേക്ക് കടക്കുന്ന വിവരം ആരാധകരുമായി പങ്കുവെച്ചു. താൻ അമ്മയാകാൻ ഒരുങ്ങുന്നതിന്റെ സന്തോഷമാണ് സാമൂഹിക മാധ്യമങ്ങളിലൂടെ പാർവതി അറിയിച്ചത്. നിറവയറോടെയുള്ള മനോഹരമായ ഫോട്ടോഷൂട്ട് ചിത്രങ്ങളും വീഡിയോകളുമാണ് താരം ഇതിനായി തന്റെ ഇൻസ്റ്റഗ്രാം പേജിൽ പോസ്റ്റ് ചെയ്തത്. 

'ഒരു ആത്മാവ് ഞങ്ങളെ തിരെഞ്ഞെടുത്തിരിക്കുന്നു. ഞങ്ങള്‍ അനുഗ്രഹീതരായിരിക്കുന്നു' എന്ന് ഹൃദയസ്പർശിയായ കുറിപ്പോടെയാണ് നിറവയറോടെ സാരിയണിഞ്ഞു നിൽക്കുന്ന മനോഹര ചിത്രങ്ങൾ പാർവതി നമ്പ്യാർ പങ്കുവെച്ചത്. ചിത്രങ്ങൾ പങ്കുവെച്ചതിന് പിന്നാലെ തന്നെ സിനിമാ ലോകത്തുനിന്നും ആരാധകരിൽ നിന്നും ആശംസകളുടെ പ്രവാഹമാണ് താരത്തിന് ലഭിക്കുന്നത്.

View this post on Instagram

A post shared by Parvathi Nambiar (@the__parvathinambiar)

പാർവതിയുടെ ഭർത്താവ് വിനീത് മേനോനാണ്. 2020-ലാണ് ഇരുവരും വിവാഹിതരായത്. തൃശൂർ ഗുരുവായൂർ ക്ഷേത്രത്തിൽ വെച്ചായിരുന്നു ഇവരുടെ വിവാഹം. വിവാഹശേഷം അഭിനയരംഗത്ത് നിന്ന് വിട്ടുനിന്നിരുന്നെങ്കിലും, മലയാളികൾ ഇന്നും ഓർമ്മിക്കുന്ന നിരവധി കഥാപാത്രങ്ങളെ അവതരിപ്പിക്കാൻ ചുരുക്കം സിനിമകളിലൂടെ പാർവതിക്ക് സാധിച്ചിട്ടുണ്ട്.

പ്രശസ്ത സംവിധായകൻ ലാൽ ജോസിന്റെ സംവിധാനത്തിൽ 'ഏഴ് സുന്ദര രാത്രികളി'ലൂടെയാണ് പാർവതി നമ്പ്യാർ അഭിനയരംഗത്തേക്ക് കടന്നുവരുന്നത്. തുടർന്ന്, സംവിധായകൻ രഞ്ജിത്ത് അണിയിച്ചൊരുക്കിയ 'ലീല' എന്ന സിനിമയിൽ നായികാവേഷം കൈകാര്യം ചെയ്തത് ഏറെ ശ്രദ്ധ നേടിയിരുന്നു. ഇപ്പോൾ ജീവിതത്തിലെ ഏറ്റവും വലിയ സന്തോഷത്തിനായി കാത്തിരിക്കുകയാണ് പാർവതി നമ്പ്യാരും ഭർത്താവ് വിനീത് മേനോനും.

നടി പാർവതി നമ്പ്യാരുടെയും വിനീത് മേനോൻ്റെയും ഈ സന്തോഷവാർത്ത നിങ്ങൾക്കും പങ്കുവെക്കാം. കമൻ്റ് ചെയ്യുക. 

Article Summary: Malayalam actress Parvathy Nambiar is pregnant; shares beautiful maternity photoshoot photos.

#ParvathyNambiar #PregnancyAnnouncement #VineethMenon #MalayalamActress #MaternityShoot #CelebrityNews