'കൂട്ടുകാരുടെ കാര്യങ്ങളും സിനിമാ വിശേഷങ്ങളും അവനോട് പറയും, അവൻ പ്രതികരിക്കും'; നടൻ രാജേഷ് കേശവിൻ്റെ പുതിയ വിവരങ്ങൾ

കൊച്ചി: (KVARTHA) ഹൃദയാഘാതത്തെ തുടർന്ന് ഒരു വർഷമായി ചികിത്സയിൽ കഴിയുന്ന നടനും അവതാരകനുമായ രാജേഷ് കേശവിൻ്റെ ആരോഗ്യപുരോഗതി വെളിപ്പെടുത്തി സുഹൃത്ത് പ്രതാപ് ജയലക്ഷ്മ‌ി. രാജേഷ് വീട്ടിൽ കിടപ്പിലാണെന്നും തെറാപ്പികൾ ഉൾപ്പെടെ തുടരുകയാണെന്നും പ്രതാപ് തൻ്റെ ഫേസ്ബുക്ക് പോസ്റ്റിൽ കുറിച്ചു. കഴിഞ്ഞ വർഷം ഓണദിവസം വെൻ്റിലേറ്ററിൽ ആയിരുന്ന രാജേഷ് ഇത്തവണ വീട്ടിലെങ്കിലുമുണ്ടല്ലോ എന്നൊരു സമാധാനം മാത്രമാണ് സുഹൃത്തുക്കൾക്കുള്ളതെന്നും അദ്ദേഹം കൂട്ടിച്ചേർത്തു.

പ്രതാപ് ജയലക്ഷ്മിയുടെ വാക്കുകൾ

'രാജേഷ് കിടപ്പിലായിട്ട് ഒരു വർഷമായി അല്ലേ എന്ന് ചോദിച്ചത് വേഫയർ ഫിലിംസിലെ സംഗീത് ആണ്. 'ലോക' സിനിമയുടെ റിലീസിന് അനുബന്ധിച്ചുള്ള പരിപാടിക്കിടയിലാണല്ലോ രാജേഷ് വീണുപോയത്. കഴിഞ്ഞ വർഷം 2025 ആഗസ്റ്റ് 24 രാത്രി, അത് ഞങ്ങൾ എങ്ങനെ മറക്കാനാണ്. രാജേഷ് ഇപ്പോഴും കിടപ്പിലാണ്. പക്ഷേ അവൻ എല്ലാം അറിയുന്നുണ്ട്. ആ മുഖത്ത് അത് വായിച്ചെടുക്കാൻ ഞങ്ങൾക്കും കഴിയുന്നുണ്ട്.

അതുകൊണ്ട് തന്നെ മറുപടി പറഞ്ഞില്ലെങ്കിലും ഞങ്ങൾ എല്ലാ വിശേഷങ്ങളും അവനോട് പറയും. കൂട്ടുകാരുടെ കാര്യങ്ങൾ, സിനിമാ വിശേഷങ്ങൾ, അവൻ്റെ കാര്യങ്ങൾ തിരക്കി വിളിക്കുന്നവരുടെ പേരുകൾ, മെസേജുകൾ എല്ലാം. ചിലപ്പോൾ അവൻ കണ്ണ് തുറന്നുപിടിച്ച് ശ്രദ്ധയോടെ കേൾക്കും. ചിലപ്പോൾ പാതിമിഴിയിൽ എല്ലാം അവസാനിപ്പിക്കും. നല്ല മൂഡാണെങ്കിൽ കൈ പിടിക്കുമ്പോൾ നമ്മുടെ കൈ അവൻ മുറുകെ പിടിക്കും. ചെറുതായി ചിരിക്കാനും ചുണ്ടനക്കാനും ശ്രമിക്കും'.

വെൻ്റിലേറ്ററിൽ നിന്ന് വീട്ടിലേക്ക്

'ഇപ്പോഴും തെറാപ്പികൾ എല്ലാം മുടങ്ങാതെ നടക്കുന്നുണ്ട്. കഴിഞ്ഞ വർഷം ഓണത്തിന് ലേക്ഷോർ ഹോസ്‌പിറ്റലിൽ രാജേഷിനു കൂട്ടായി ഇരിക്കുകയായിരുന്നു ഞങ്ങൾ പലരും. ഇത്തവണ, തിരുവോണ ദിവസം സിന്ധു ഒരു നീളൻ കുപ്പായം തുന്നി രാജേഷിനെ അണിയിച്ചു. നഴ്‌സിൻ്റെ സഹായത്തോടെ അവനെ വീൽ ചെയറിൽ ഇരുത്തി. രൂപേഷ് അല്പം പായസം രാജേഷിൻ്റെ ചുണ്ടിൽ ചെറുതായി നനച്ചു കൊടുത്തു. 

കഴിഞ്ഞ വർഷം ഇതേ ദിവസം വെൻ്റിലേറ്ററിൽ ആയിരുന്നവൻ ഇത്തവണ വീട്ടിലെങ്കിലും ഉണ്ടല്ലോ എന്നൊരു സമാധാനം മാത്രം ബാക്കി. രാജേഷിന് വേണ്ടിയുള്ള പ്രാർഥനകൾക്കും സ്നേഹത്തിനും പൂർണ ഫലമുണ്ടാകുന്ന ആ നല്ല ദിവസത്തിനായുള്ള കാത്തിരിപ്പിലാണ് എല്ലാവരും. അന്നാണ് ഞങ്ങളുടെ യഥാർഥ ഓണം' - പ്രതാപ് ഫേസ്ബുക്ക് പോസ്റ്റിൽ വ്യക്തമാക്കി.

പ്രതാപ് ജയലക്ഷ്മിയുടെ ഫേസ്ബുക് പോസ്റ്റിന്റെ പൂർണരൂപം

രാജേഷിന്റെ ഓണം

'രാജേഷ് കിടപ്പിലായിട്ടു ഒരു വർഷമായി അല്ലേ' എന്ന് ചോദിച്ചത് വേഫയർ ഫിലിംസിലെ സംഗീത് Sangeeth Jain ആണ്. 'ലോക' സിനിമയുടെ റിലീസിനു അനുബന്ധിച്ചുള്ള പരിപാടിക്കിടയിലാണല്ലോ രാജേഷ് വീണു പോയത്. കഴിഞ്ഞ വർഷം ആഗസ്റ്റ് 24 രാത്രി, അത് ഞങ്ങൾ എങ്ങിനെ മറക്കാനാണ്...

 രാജേഷ് ഇപ്പോഴും കിടപ്പിലാണ്   പക്ഷേ അവൻ എല്ലാം അറിയുന്നുണ്ട്.. ആ മുഖത്ത് അത് വായിച്ചെടുക്കാൻ ഞങ്ങൾക്കും കഴിയുന്നുണ്ട്. അത് കൊണ്ട് തന്നെ മറുപടി പറഞ്ഞില്ലെങ്കിലും ഞങ്ങൾ എല്ലാ വിശേഷങ്ങളും അവനോടു പറയും.. കൂട്ടുകാരുടെ കാര്യങ്ങൾ, സിനിമാ വിശേഷങ്ങൾ, അവന്റെ കാര്യങ്ങൾ തിരക്കി വിളിക്കുന്നവരുടെ പേരുകൾ, മെസ്സേജുകൾ എല്ലാം.. എല്ലാം.. ചിലപ്പോൾ കണ്ണ് തുറന്നു പിടിച്ചു ശ്രദ്ധയോടെ കേൾക്കും, ചിലപ്പോൾ പാതി മിഴിയിൽ എല്ലാം അവസാനിപ്പിക്കും   നല്ല മൂഡാണെങ്കിൽ കൈ പിടിക്കുമ്പോൾ നമ്മുടെ കൈ അവൻ മുറുകെ പിടിക്കും, ചെറുതായി ചിരിക്കാനും, ചുണ്ടനക്കാനും ശ്രമിക്കും.

ഇപ്പോഴും തെറാപ്പികൾ എല്ലാം മുടങ്ങാതെ നടക്കുന്നുണ്ട്. കഴിഞ്ഞ വർഷം ഓണത്തിന്  ലേക് ഷോർ ഹോസ്പിറ്റലിൽ രാജേഷിനു കൂട്ടായി ഇരിക്കുക ആയിരുന്നു ഞങ്ങൾ പലരും, ഇത്തവണയും ഓണത്തിന് അവന്റെ കൂടെ കുറച്ചു സമയം ഇരിക്കാൻ ഹരിച്ചേട്ടൻ Harikrishnan R Pillai  കുടുംബത്തോടോപ്പം വന്നിരുന്നു. കോളേജിൽ ഞങ്ങളുടെ ജൂനിയറായിരുന്ന ഡോ :ഷീനയും Sheena Devasia  ഉണ്ടായിരുന്നു. സൗദിയിൽ നിന്നും നിഹാദും Nihad Rahman  ആലപ്പുഴയിൽ നിന്നും  രാജീവേട്ടനും Rajeev Bhaskara Warrier , കാനഡയിൽ നിന്നും ബിജുവും Biju Katt വിളിച്ചു. തിരുവോണ ദിവസം സിന്ധു ഒരു നീളൻ കുപ്പായം തയ്‌പ്പിച്ചു രാജേഷിനെ അണിയിച്ചു. നഴ്സിന്റെ സഹായത്തോടെ വീൽ ചെയറിൽ ഇരുത്തി , രൂപേഷ് ഇച്ചിരി പായസം രാജേഷിന്റെ ചുണ്ടിൽ ചെറുതായി നനച്ചു കൊടുത്തു.. കഴിഞ്ഞു വർഷം ഇതേ ദിവസം വെന്റിലേറ്ററിൽ ആയിരുന്നവൻ ഇത്തവണ വീട്ടിലെങ്കിലും ഉണ്ടല്ലോ എന്നൊരു സമാധാനം മാത്രം ബാക്കി .

രാജേഷിന്  വേണ്ടിയുള്ള പ്രാർത്ഥനകൾക്കും സ്നേഹത്തിനും പൂർണ്ണ ഫലമുണ്ടാകുന്ന ആ നല്ല ദിവസത്തിനായുള്ള കാത്തിരിപ്പിലാണ് എല്ലാവരും..അന്നാണ് ഞങ്ങളുടെ യഥാർത്ഥ ഓണം 

പ്രതാപ് ജയലക്ഷ്മി 

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Actor Rajesh Keshav, who has been bedridden for a year following a heart attack, is continuing his therapies at home, according to an emotional Facebook update shared by his friend Pratap Jayalakshmi detailing his slow but hopeful progress.

#Kvartha #RajeshKeshav #MalayalamActor #HealthUpdate #KeralaNews #MalayalamCinema #MollywoodUpdates #Friendship #AmmuNews