Booked | 'സിനിമയില്‍ അവസരം വാഗ്ദാനം ചെയ്ത് ദുബൈയില്‍ വച്ച് പീഡിപ്പിച്ചു'; നടന്‍ നിവിന്‍ പോളിക്ക് എതിരെ പീഡന കേസ് രജിസ്റ്റര്‍ ചെയ്തു
ADVERTISEMENT
കൊച്ചി: (KVARTHA) സിനിമയില്‍ അവസരം വാഗ്ദാനം ചെയ്ത് ദുബൈയില്‍ വച്ച് പീഡിപ്പിച്ചെന്ന യുവതിയുടെ പരാതിയില്‍ നടന്‍ നിവിന്‍ പോളിക്ക് എതിരെ പീഡന കേസ് രജിസ്റ്റര്‍ ചെയ്തു. എറണാകുളം ഊന്നുകല്‍ പൊലീസാണ് കേസെടുത്തത്. കേസില്‍ ആറാം പ്രതിയാണ് നിവിന്‍ പോളി. നിവിന്‍ പോളിക്കെതിരായ അന്വേഷണം എസ് ഐ ടി സംഘം ഏറ്റെടുക്കും.
നിര്‍മാതാവ് എ.കെ. സുനിലാണ് രണ്ടാം പ്രതി. കഴിഞ്ഞ നവംബറില്‍ ദുബൈയിലെ ഹോട്ടലില്‍ വച്ചാണു പീഡനം നടന്നതെന്നാണ് യുവതിയുടെ ആരോപണം. വിദേശത്ത് മറ്റൊരു ജോലി തേടിയാണ് പോയതെന്നും അതിനിടെയിലാണ് പീഡനം നടന്നതെന്നും യുവതിയുടെ പരാതിയില്‍ പറയുന്നു.
ഇതോടെ ഹേമ കമ്മിറ്റി റിപ്പോര്‍ട്ട് പുറത്തുവന്ന ശേഷമുള്ള വെളിപ്പെടുത്തലുകളില്‍ എറണാകുളത്ത് രജിസ്റ്റര്‍ ചെയ്ത കേസുകളുടെ എണ്ണം 11 ആയി. ശ്രേയ എന്ന സ്ത്രീയാണ് അവസരം വാഗ്ദാനം ചെയ്ത് യുവതിയെ വിദേശത്തേക്ക് കൊണ്ടുപോയത്. ശ്രേയയാണ് ഒന്നാം പ്രതി.
#NivinPauly, #ImmorlAssaultCase, #DubaiIncident, #MalayalamFilmIndustry, #KeralaCrimeNews, #SITInvestigation
