തിരുവനന്തപുരം: (KVARTHA) 63-ാമത് സംസ്ഥാന സ്കൂൾ കലോത്സവം വർണാഭമായ പരിപാടികളോടെ സമാപനത്തിലേക്ക് അടുക്കുന്നു. കലോത്സവത്തിന്റെ സമാപനത്തോടനുബന്ധിച്ച് ജനുവരി എട്ട് ബുധനാഴ്ച ജില്ലയിലെ എല്ലാ സ്കൂളുകൾക്കും അവധിയായിരിക്കുമെന്ന് ഡിഡിഇ അറിയിച്ചു. ബുധനാഴ്ച വൈകുന്നേരം അഞ്ച് മണിക്ക് നടക്കുന്ന സമാപന സമ്മേളനത്തിൽ ജില്ലയിലെ മുഴുവൻ പ്രഥമാധ്യാപകരും വിവിധ സബ് കമ്മിറ്റികളിൽ സേവനം ചെയ്ത അധ്യാപകരും നിർബന്ധമായും പങ്കെടുക്കണമെന്ന് അധികൃതർ പറഞ്ഞു. 

കലോത്സവത്തിന്റെ നാലാം ദിനമായ ചൊവ്വാഴ്ച പോയിന്റ് പട്ടികയിൽ കണ്ണൂരും തൃശൂരും ഒപ്പത്തിനൊപ്പമാണ് മുന്നേറുന്നത്. ഇരു ജില്ലകളും 776 പോയിന്റുകൾ വീതം നേടി ഒന്നാം സ്ഥാനത്ത് തുടരുമ്പോൾ, 774 പോയിന്റുമായി കോഴിക്കോട് തൊട്ടുപിന്നാലെയുണ്ട്. ആകെയുള്ള 249 മത്സരയിനങ്ങളിൽ 198 എണ്ണം ഇതിനോടകം പൂർത്തിയായി. ചൊവ്വാഴ്ച 60 ഇനങ്ങളിലാണ് മത്സരം നടന്നുകൊണ്ടിരിക്കുന്നത്. 

തിരുവനന്തപുരം നഗരത്തിലെ 25 വേദികളിലായാണ് സംസ്ഥാന സ്കൂൾ കലോത്സവം പുരോഗമിക്കുന്നത്. ഏകദേശം 15,000ത്തോളം വിദ്യാർഥികളാണ് കലാമത്സരങ്ങളിൽ പങ്കെടുക്കുന്നത്.

 #StateSchoolArtsFestival #ThiruvananthapuramNews #KeralaSchools #ArtsFestivalHoliday #TeacherParticipation #SchoolEvents