സ്വാശ്രയ കോളേജുകളെ അഡ്മിഷൻ പോർട്ടലിൽ നിന്ന് ഒഴിവാക്കി; കണ്ണൂർ സർവകലാശാലയിലേക്ക് സംയുക്ത സമരസമിതിയുടെ പ്രതിഷേധ മാർച്ച്

കണ്ണൂർ: (KVARTHA) 2026-27 അധ്യയന വർഷത്തെ അഡ്മിഷൻ പോർട്ടലിൽ നിന്ന് സ്വാശ്രയ ആർട്സ് ആൻഡ് സയൻസ് കോളേജുകളെ ഒഴിവാക്കിയ നടപടിക്കെതിരെ കണ്ണൂർ സർവകലാശാലയിലേക്ക് സംയുക്ത സമരസമിതിയുടെ പ്രതിഷേധ മാർച്ച്. മാനേജ്മെന്റുകൾക്ക് പുതിയ കോഴ്സുകൾ അനുവദിക്കാത്തതിലും ഇവർ പ്രതിഷേധം രേഖപ്പെടുത്തി. കേരള സ്റ്റേറ്റ് സെൽഫ് ഫിനാൻസിങ് ആർട്സ് ആൻഡ് സയൻസ് കോളേജ് മാനേജ്മെന്റ്സ് അസോസിയേഷൻ കണ്ണൂർ സർവകലാശാല കമ്മിറ്റിയുടെ നേതൃത്വത്തിൽ താവക്കരയിലെ സർവകലാശാല ആസ്ഥാനത്തേക്കാണ് പ്രതിഷേധ പ്രകടനം നടത്തിയത്.

നടപടി തിരുത്തണമെന്ന് ആവശ്യം

സർവകലാശാലയ്ക്കു മുന്നിൽ സംഘടിപ്പിച്ച ധർണ വി കെ സനോജ് എംഎൽഎ ഉദ്ഘാടനം ചെയ്തു. സർവകലാശാല വൈസ് ചാൻസിലർ ചില ദുർവാശികളുടെ അടിസ്ഥാനത്തിലാണ് ഉത്തരവുകൾ പുറപ്പെടുവിക്കുന്നതെന്നും ഈ തെറ്റായ നയം തിരുത്താൻ അദ്ദേഹം തയാറാവണമെന്നും അദ്ദേഹം ആവശ്യപ്പെട്ടു. 

നേതൃത്വം നൽകിയവർ

സംയുക്ത സമരസമിതി ജനറൽ കൺവീനർ എം പി എ റഹീം അധ്യക്ഷനായി. ഇ പി കൃഷ്ണകുമാർ സ്വാഗതം പറഞ്ഞു. വിവിധ സംഘടനകളെ പ്രതിനിധീകരിച്ച് ഐ വി ശിവരാമൻ, നിഷാന്ത്, ഷിനു പി തോമസ്, ടി പി അഖില, എം സി അതുൽ, അഡ്വ. യൂനുസ്, ഫാ. ജോയ്, കെ അനിൽകുമാർ, പ്രിയദർശൻ, ജയൻ എന്നിവർ സംസാരിച്ചു.

ഈ വാർത്തകൾ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പ്രാദേശിക വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: The Joint Action Committee, led by the Self-Financing Arts and Science College Managements Association, marched to Kannur University headquarters to protest against the exclusion of self-financing colleges from the 2026-27 admission portal and the denial of new courses.

#KannurUniversity #SelfFinancingColleges #Protest #HigherEducation #KeralaNews #MalayalamNews #Kannur