നീറ്റ് പരീക്ഷാഫലം പ്രസിദ്ധീകരിച്ചു; മലയാളി വിദ്യാര്‍ഥി ഉള്‍പെടെ 3 പേര്‍ക്ക് ഒന്നാം റാങ്ക്
Nov 2, 2021, 08:58 IST
ADVERTISEMENT
ന്യൂഡെല്‍ഹി: (www.kvartha.com 02.11.2021) നീറ്റ് പരീക്ഷാഫലം പുറത്തുവന്നു. ഒന്നാം റാങ്ക് മൂന്നുപേര്‍ പങ്കിട്ടു. മൃണാള്‍ കുടേരി (തെലങ്കാന), തന്‍മയ് ഗുപ്ത (ഡെല്‍ഹി), കാര്‍ത്തിക ജി നായര്‍ (മഹാരാഷ്ട്ര) എന്നിവരാണ് ഒന്നാം റാങ്ക് നേടിയത്. മുംബൈ മലയാളിയാണ് കാര്‍ത്തിക ജി നായര്‍.
കേരളത്തില്‍ നിന്നുള്ള ഗൗരിശങ്കര്‍ എസ് പതിനേഴാം റാങ്കും വൈഷണ ജയവര്‍ധനന്‍ 23-ാം റാങ്കും നിരുപമ പി 60-ാം റാങ്കും നേടി. neet(dot)nta(dot)nic(dot)in, ntaresults(dot)ac(dot)in എന്നീ സൈറ്റുകളില്‍ ഫലം ലഭിക്കും.
ദേശീയ തലത്തിലെ ഉയര്‍ന്ന റാങ്കുകാരുടെ വിവരങ്ങള്‍ നാഷനല്‍ ടെസ്റ്റിങ് ഏജെന്‍സി പുറത്തുവിടും. കഴിഞ്ഞ സെപ്റ്റംബര്‍ 12നാണ് രാജ്യത്തിന് അകത്തും പുറത്തുമായി വിവിധ കേന്ദ്രങ്ങളില്‍ നീറ്റ് പരീക്ഷ നടന്നത്. ഈ വര്‍ഷം 16 ലക്ഷത്തിലേറെ പേര്‍ പരീക്ഷയെഴുതി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
