പ്ലസ് വൺ ഒന്നാം അലോർട്മെന്റിൽ എ പ്ലസുകാർക്ക് പോലും ഇഷ്ട വിഷയവും സ്കൂളും ലഭിച്ചില്ല. കുട്ടികൾ പ്രതിസന്ധിയിൽ

 


തിരുവനന്തപുരം: (www.kvartha.com 24.09.2021) പ്ലസ് വൺ ആദ്യ അലോട്മെന്റിൽ മുഴുവൻ വിഷയങ്ങൾക്കും എ പ്ലസ് ലഭിച്ചവർക്കുപോലും ഇഷ്ടവിഷയവും സ്കൂളും ലഭിച്ചില്ല, പത്താംക്ലാസിൽ എ പ്ലസ് ലഭിച്ചവരുടെ എണ്ണം മുൻ വർഷങ്ങളെ അപേക്ഷിച്ച്‌ വളരെ കൂടുതലായതിനാൽ പലർക്കും സ്വന്തം സ്കൂളിൽപ്പോലും പ്രവേശനം ലഭിക്കുന്നില്ലെന്നതാണ് സ്ഥിതി.

   
പ്ലസ് വൺ ഒന്നാം അലോർട്മെന്റിൽ എ പ്ലസുകാർക്ക് പോലും ഇഷ്ട വിഷയവും സ്കൂളും ലഭിച്ചില്ല. കുട്ടികൾ പ്രതിസന്ധിയിൽ



സ്വന്തം സ്കൂൾ, സ്വന്തം തദ്ദേശസ്ഥാപനം തുടങ്ങിയ മാനദണ്ഡങ്ങളുടെകൂടി അടിസ്ഥാനത്തിൽ മുൻഗണന വന്നതോടെയാണ് അപേക്ഷകരിൽ പലർക്കും ഇഷ്ടസ്കൂൾ ലഭിക്കാതെ വന്നത്. അലോട്മെന്റ് പ്രസിദ്ധീകരിച്ച വെബ്‌സൈറ്റ് മന്ദഗതിയിൽ തുടരുന്നതുകാരണം പല സ്കൂളുകളിലും വ്യാഴാഴ്ച പ്രവേശന നടപടികൾ വൈകുകയും ചെയ്തു.

1,21,318 വിദ്യാർഥികൾക്കാണ് ഇക്കുറി പത്താം ക്ലാസിൽ മുഴുവൻ വിഷയങ്ങൾക്കും എ പ്ലസ് ലഭിച്ചത്. മുൻവർഷം ഇത് 41,906 ആയിരുന്നു. 79,412 കുട്ടികളുടെ വർധന മുഴുവൻ എ പ്ലസ് നേടിയവരിൽ മാത്രമുണ്ടായി. 4,19,651 വിദ്യാർഥികൾ ഇക്കുറി ഉപരിപഠനത്തിനു യോഗ്യത നേടി.

ഒരു കുട്ടിക്കുപോലും പഠനം നഷ്ടപ്പെടാത്തവിധം കൂടുതൽ സീറ്റുകൾ അനുവദിക്കുമെന്ന് സർകാർ നിലപാട് ആവർത്തിക്കുന്നുമുണ്ട്. അൺ എയ്ഡഡിൽ സീറ്റ് വർധിപ്പിക്കുമെന്ന് മന്ത്രി വി ശിവൻകുട്ടി പറഞ്ഞു. ഒഴിവുവരുന്ന സംവരണ സീറ്റുകൾ മെറിറ്റിലേക്കു മാറ്റും.

Keywords:  News, Kerala, SSLC, Plus Two student, School, Education, News, Even the A-plus students did not get their favorite subject and school in the Plus One first allotment.
< !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia