Fees Hike | കര്‍ണാടകയില്‍ സ്വകാര്യ എന്‍ജിനിയറിങ്, ആര്‍കിടെക്ചര്‍ കോഴ്സുകള്‍ക്ക് ഫീസ് വര്‍ധിപ്പിക്കും
ADVERTISEMENT
ബിജെപി സര്‍കാര്‍ 2023-24 വര്‍ഷം 10 ശതമാനം ഫീസ് വര്‍ധിപ്പിക്കാന്‍ അനുമതി നല്‍കിയിരുന്നുവെങ്കിലും കോണ്‍ഗ്രസ് സര്‍കാര്‍ അധികാരത്തില്‍ വന്നപ്പോള്‍ ഏഴുശതമാനമായി കുറച്ചു
ഇത് സാമ്പത്തികനഷ്ടം ഉണ്ടാക്കുന്നുവെന്ന് കാട്ടി സ്വകാര്യ കോളജുകള്‍ സര്‍കാരിനെ സമീപിച്ചിരുന്നു
ബംഗ്ലൂരു: (KVARTHA) കര്‍ണാടകയില്‍ സ്വകാര്യ കോളജുകളിലെ എന്‍ജിനിയറിങ്, ആര്‍കിടെക്ചര്‍ കോഴ്സുകള്‍ക്ക് 2024-25 അധ്യയനവര്‍ഷം 10 ശതമാനം ഫീസ് വര്‍ധിപ്പിക്കാന്‍ അനുമതി നല്‍കി സര്‍കാര്‍. ഉന്നതവിദ്യാഭ്യാസമന്ത്രി എംസി സുധാകര്‍, മെഡികല്‍ വിദ്യാഭ്യാസമന്ത്രി ശരണ്‍ പ്രകാശ് പാട്ടീല്‍ എന്നിവരുടെ നേതൃത്വത്തില്‍ നടന്ന യോഗത്തിലാണ് ഇതുസംബന്ധിച്ച തീരുമാനം കൈകൊണ്ടത്.
കഴിഞ്ഞ ബിജെപി സര്‍കാര്‍ 2023-24 വര്‍ഷം 10 ശതമാനം ഫീസ് വര്‍ധിപ്പിക്കാന്‍ അനുമതി നല്‍കിയിരുന്നുവെങ്കിലും 2023-ല്‍ കോണ്‍ഗ്രസ് സര്‍കാര്‍ അധികാരത്തില്‍ വന്നപ്പോള്‍ ഇത് ഏഴുശതമാനമായി കുറച്ചു. ഇത് സാമ്പത്തികനഷ്ടം ഉണ്ടാക്കുന്നുവെന്ന് കാട്ടി സ്വകാര്യ കോളജുകള്‍ സര്‍കാരിനെ സമീപിച്ചിരുന്നു. ഇതേതുടര്‍ന്നാണ് തീരുമാനം.
