ഒട്ടാവ: (KVARTHA) അന്തർദേശീയ വിദ്യാർത്ഥികൾക്കുള്ള പെർമിറ്റുകൾ കുറയ്ക്കുന്നതിനുള്ള സുപ്രധാന പ്രഖ്യാപനം നടത്തി. കാനഡ സർക്കാർ. അടുത്ത വർഷം മുതൽ അന്തർദേശീയ വിദ്യാർത്ഥികൾക്ക് നൽകുന്ന പെർമിറ്റുകളുടെ എണ്ണം ഇനിയും കുറയ്ക്കുമെന്ന് കനേഡിയൻ പ്രധാനമന്ത്രി ജസ്റ്റിൻ ട്രൂഡോ എക്‌സിൽ അറിയിച്ചു. ഈ വർഷം മുതൽ 35 ശതമാനം കുറച്ച പെർമിറ്റുകളുടെ എണ്ണം അടുത്ത വർഷം 10 ശതമാനം കൂടി കുറയ്ക്കുമെന്നാണ് അദ്ദേഹം വ്യക്തമാക്കിയത്.

We’re granting 35% fewer international student permits this year. And next year, that number’s going down by another 10%.

Immigration is an advantage for our economy — but when bad actors abuse the system and take advantage of students, we crack down.

— Justin Trudeau (@JustinTrudeau) September 18, 2024

കുടിയേറ്റം സമ്പദ്‌വ്യവസ്ഥയ്ക്ക് ഗുണം ചെയ്യുമെന്ന വാദത്തെ ന്യായീകരിക്കുന്നതിനൊപ്പം ചിലർ ഈ സംവിധാനം ദുരുപയോഗം ചെയ്യുന്നതിനെതിരെയുള്ള നടപടിയെന്ന നിലയിലാണ് ഈ തീരുമാനത്തെ ജസ്റ്റിൻ ട്രൂഡോ അവതരിപ്പിച്ചിരിക്കുന്നത്. എന്നാൽ, ഓരോ വർഷവും ലക്ഷക്കണക്കിന് ഇന്ത്യൻ വിദ്യാർത്ഥികൾ കാനഡയിലേക്ക് പഠിക്കാൻ എത്തുന്ന സാഹചര്യത്തിൽ ഈ തീരുമാനം കാനഡയിൽ പഠനം ആഗ്രഹിക്കുന്ന ഇന്ത്യൻ വിദ്യാർഥികൾക്ക് വലിയ തിരിച്ചടിയാകും.

2023-ൽ വിദ്യാർത്ഥി വിസകളുടെ എണ്ണം 2022-നെ അപേക്ഷിച്ച് 29 ശതമാനം വർദ്ധിച്ച് 10.40 ലക്ഷമായി  ഉയർന്നിരുന്ന. ഇതിൽ 4.87 ലക്ഷവും ഇന്ത്യൻ വിദ്യാർത്ഥികളാണ്. അന്താരാഷ്ട്ര വിദ്യാർത്ഥികൾ കനേഡിയൻ വിദ്യാർത്ഥികളേക്കാൾ മൂന്നിരട്ടി ഫീസ് നൽകുന്നുണ്ടെന്നും കാനഡയുടെ സമ്പദ്‌വ്യവസ്ഥയിൽ 22 ബില്യൺ കനേഡിയൻ ഡോളർ സംഭാവന ചെയ്തെന്നും കണക്കുകൾ സൂചിപ്പിക്കുന്നു.

കാനഡ സർക്കാർ ഈ നയം ന്യായീകരിക്കുന്നത്, ചില മോശം ആളുകൾ ഈ സംവിധാനം ദുരുപയോഗം ചെയ്യുകയും വിദ്യാർത്ഥികളെ മുതലെടുക്കുകയും ചെയ്യുന്നതിനാൽ അവർക്കെതിരെ നടപടിയെടുക്കേണ്ടത് അനിവാര്യമാണെന്നാണ്. എന്നാൽ വിദ്യാഭ്യാസ മേഖലയിലെ വിദഗ്ധർ പറയുന്നത്, ഈ പ്രശ്നം പരിഹരിക്കാൻ മറ്റ് മാർഗങ്ങളുണ്ടെന്നും ഈ നയം അതിന് ഒരു പരിഹാരമല്ലെന്നുമാണ്. കാനഡയിലെ പഠനം ഇനി അത്ര എളുപ്പമല്ലെന്നും ഇന്ത്യൻ വിദ്യാർത്ഥികൾക്ക് വലിയ തിരിച്ചടിയാണിതെന്നും വിദ്യാർത്ഥി സമൂഹം ആശങ്ക പ്രകടിപ്പിക്കുന്നു.

#CanadaStudentVisa #IndianStudents #StudyInCanada #Immigration #HigherEducation #JustinTrudeau