'ജയിച്ചവർ തോറ്റവരെ കളിയാക്കരുത്': അഹാൻ അനൂപിന് സ്പീക്കറുടെ അതിഥി ക്ഷണം

കണ്ണൂർ: (KVARTHA) മൂന്നാം ക്ലാസിലെ മലയാളം ഉത്തരക്കടലാസിൽ, ഒരു കളിയുടെ നിയമാവലിയായി ‘ജയിച്ചവർ തോറ്റവരെ കളിയാക്കരുത്’ എന്ന് എഴുതി പൊതുവിദ്യാഭ്യാസ മന്ത്രിയുടെ അഭിനന്ദനത്തിന് അർഹനായ അഹാൻ അനൂപിനും കുടുംബത്തിനും സ്പീക്കറുടെ അതിഥിയായി നിയമസഭയിലേക്ക് ക്ഷണം.

കഴിഞ്ഞ ദിവസമാണ് ക്ഷണം അറിയിച്ചുകൊണ്ടുള്ള ഇ-മെയിൽ സന്ദേശം അഹാൻ പഠിക്കുന്ന ഒ ചന്തുമേനോൻ സ്മാരക വലിയ മാടാവിൽ ഗവ. യു.പി. സ്കൂളിൽ ലഭിച്ചത്. സെപ്റ്റംബർ 17-ന് വൈകീട്ട് കണ്ണൂരിൽനിന്ന് വിമാനമാർഗം തിരുവനന്തപുരത്തേക്ക് പോകും. 

സ്പീക്കറോടൊപ്പം പ്രഭാതഭക്ഷണം, നിയമസഭ, നിയമസഭാ മ്യൂസിയം സന്ദർശനം, സ്പീക്കറുമായി കൂടിക്കാഴ്ച, സഭാ ടി.വി. അഭിമുഖം എന്നിങ്ങനെയാണ് അഹാൻ്റെ യാത്രാവിവരങ്ങൾ. 18-ന് വൈകീട്ട് ട്രെയിൻമാർഗം തിരിച്ച് തലശ്ശേരിയിലേക്ക് മടങ്ങും.

ഈ കൊച്ചുമിടുക്കൻ്റെ പ്രവൃത്തി നിങ്ങൾക്ക് ഇഷ്ടപ്പെട്ടോ? നിങ്ങളുടെ അഭിപ്രായങ്ങൾ കമന്റ് ചെയ്യൂ, ഈ വാർത്ത മറ്റുള്ളവർക്കും ഷെയർ ചെയ്യൂ.

Article Summary: Ahan Anoop, a third-grader, receives an invitation from the Speaker.

#KeralaNews #AhanAnoop #KeralaLegislativeAssembly #Speaker #StudentNews #Education