Swiggy Instamart | സ്വിഗ്ഗി ഇന്‍സ്റ്റ മാര്‍ട് വഴി ഗര്‍ഭനിരോധന ഉറകള്‍ ഓര്‍ഡര്‍ ചെയ്യുന്ന രാജ്യത്തെ ഏറ്റവും മികച്ച മെട്രോയായി മഹാനഗരം
Sep 1, 2022, 21:41 IST
ന്യൂഡെല്‍ഹി: (www.kvartha.com) ഫുഡ് ഡെലിവറി പ്ലാറ്റ്ഫോം പ്രകാരം സ്വിഗ്ഗി ഇന്‍സ്റ്റാമാര്‍ട് വഴി ഓണ്‍ലൈനായി ഗര്‍ഭനിരോധന ഉറകള്‍ (Condoms)ഓര്‍ഡര്‍ ചെയ്യുന്ന മെട്രോ നഗരങ്ങളുടെ പട്ടികയില്‍ മുംബൈ ഒന്നാമത്. സ്വിഗ്ഗി പറയുന്നതനുസരിച്ച്, മുംബൈ ഉപഭോക്താക്കള്‍ കഴിഞ്ഞ 12 മാസത്തിനുള്ളില്‍ സ്വിഗ്ഗി ഇന്‍സ്റ്റാമാര്‍ട് വഴി ഗര്‍ഭനിരോധന ഉറകള്‍ മുന്‍ വര്‍ഷത്തേക്കാള്‍ 570 മടങ്ങ് കൂടുതലായാണ് ഓര്‍ഡര്‍ ചെയ്തത്.
കഴിഞ്ഞ രണ്ട് വര്‍ഷത്തിനുള്ളില്‍ ഡിമാന്‍ഡ് വര്‍ധിച്ച മറ്റൊരു ഉല്‍പന്നം 50 ദശലക്ഷം ഓര്‍ഡറുകളുള്ള മുട്ടയാണ്. ബെംഗ്ലൂറു, ന്യൂഡെല്‍ഹി, മുംബൈ എന്നിവിടങ്ങളില്‍ കഴിഞ്ഞ വര്‍ഷം ശരാശരി ആറു ദശലക്ഷം മുട്ട ഓര്‍ഡറുകള്‍ നല്‍കിയതായി വാര്‍ത്താ ഏജന്‍സി ഐഎഎന്‍എസ് റിപോര്‍ട് ചെയ്തു.
പ്രഭാതഭക്ഷണ സമയത്ത്, ബെംഗ്ലൂറു, ഹൈദരാബാദ് ഉപഭോക്താക്കള്‍ പരമാവധി മുട്ടകള്‍ ഓര്‍ഡര്‍ ചെയ്തു. മറ്റൊരു പ്രഭാതഭക്ഷണത്തിന് പാല്‍, ആപിള്‍ എന്നിവയ്ക്ക് 30 ദശലക്ഷം ഓര്‍ഡറുകള്‍ ലഭിച്ചു, ബാംഗ്ലൂരും മുംബൈയും പ്രഭാത ഓര്‍ഡറുകളില്‍ മുന്നിലാണ്.
സോയ, ഓട്സ്, മില്‍ക് തുടങ്ങിയ ഏറ്റവും കൂടുതല്‍ ഡയറി ബദലുകളും ബെംഗ്ലൂറു ഓര്‍ഡര്‍ ചെയ്തു. രസകരമെന്നു പറയട്ടെ, ഇന്‍ഡ്യന്‍ ബ്രേക് ഫാസ്റ്റ് ക്ലാസികായ പോഹയുടെയും ഉപ്മയുടെയും റെഡി-ടു-ഈറ്റ് പതിപ്പുകള്‍ ബെംഗ്ലൂറു, മുംബൈ, ഡെല്‍ഹി എന്നിവിടങ്ങളില്‍ അത്താഴ വേളയില്‍ പ്രചാരത്തിലുണ്ടായിരുന്നു.
സ്വിഗ്ഗി ഇന്‍സ്റ്റ മാര്‍ടില്‍ ജനപ്രിയമായ ഉല്‍പന്നങ്ങള്‍ ഇവ:
കോണ്ടം
മുട്ടകള്‍
സാനിറ്ററി നാപ്കിനുകള്‍
ടാംപോണുകള്‍
ബാത്റൂം ക്ലീനര്‍, സ്‌ക്രബ് പാഡുകള്‍, ഡ്രെയിന്‍ ക്ലീനര്‍ എന്നിവയ്ക്കായി രണ്ടു ലക്ഷത്തിലധികം ഓര്‍ഡറുകള്‍ കഴിഞ്ഞ വര്‍ഷം നല്‍കിയതായി സ്വിഗ്ഗി പറഞ്ഞു.
ക്വിക്-കൊമേഴ്സ് സേവനമായ ഇന്‍സ്റ്റാ മാര്‍ട് കഴിഞ്ഞ വര്‍ഷം 16 മടങ്ങ് വളര്‍ന്നു. മുട്ട, ഗര്‍ഭനിരോധന ഉറകള്‍, സാനിറ്ററി നാപ്കിനുകള്‍, ടാംപണ്‍ എന്നിവയ്ക്ക് ഇപ്പോള്‍ പരമാവധി ഓര്‍ഡറുകള്‍ ലഭിക്കുന്നു. ബെംഗ്ലൂറു, മുംബൈ, ഹൈദരാബാദ്, ഡെല്‍ഹി, ചെന്നൈ എന്നിവിടങ്ങളിലെ ഉപഭോക്താക്കളാണ് ആപിന്റെ ഏറ്റവും വലിയ ഉപയോക്താക്കള്‍.
Keywords: This City Becomes Country’s Top Metro To Order Condoms Via Swiggy Instamart, New Delhi, News, Business, Application, Food, National.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
