Lays Off Employees | 'മീഷോ ഇൻഡ്യയിലെ പലചരക്ക് വ്യാപാരം അടച്ചുപൂട്ടി; 300 ജീവനക്കാരെ പിരിച്ചുവിട്ടു'

  
സിറ്റി ലോഞ്ച് മാനജർമാർ, പ്രൈസിംഗ് ടീം, വെയർഹൗസ് മാനജർമാർ, സെയിൽസ് എക്‌സിക്യൂടീവുകൾ, സോഴ്‌സിംഗ് എക്‌സിക്യൂടീവുകൾ, മാർകറ്റ് ഇന്റലിജൻസ് എക്‌സിക്യൂടീവുകൾ എന്നിവരുൾപെടെയുള്ള 300 ജീവനക്കാരെയാണ് പിരിച്ചുവിട്ടത്. എന്നാൽ വിഷയത്തിൽ കമ്പനി ഒരു പ്രസ്താവനയും പുറപ്പെടുവിച്ചിട്ടില്ല.

കർണാടക, തെലങ്കാന, ആന്ധ്രാപ്രദേശ്, ഗുജറാത്, മധ്യപ്രദേശ്, മഹാരാഷ്ട്ര എന്നിവയുൾപെടെ ആറ് സംസ്ഥാനങ്ങളിലെ നഗരങ്ങളിൽ മീഷോ സൂപർസ്റ്റോർ പ്രവർത്തനക്ഷമമായിരുന്നു. കഴിഞ്ഞ വർഷം 570 മില്യൺ ഡോളർ സമാഹരിക്കുകയും 200 നഗരങ്ങളിലേക്ക് സംരംഭം വികസിപ്പിക്കുമെന്ന് വാഗ്ദാനം ചെയ്യുകയും ചെയ്തതിന് ശേഷം ഏപ്രിലിൽ, ഫാർമിസോയെ സൂപർസ്റ്റോറിലേക്ക് റീബ്രാൻഡ് ചെയ്തിരുന്നു. അതിനിടെയാണ് പുതിയ സംഭവ വികാസം.

കുറഞ്ഞ വരുമാനമാണ് മിക്ക നഗരങ്ങളിലും പ്രവർത്തനം നിർത്താനുള്ള തീരുമാനത്തിന് പിന്നിലെന്നാണ് വിവരം. പിരിച്ചുവിടൽ പാകേജായി ജീവനക്കാർക്ക് മീഷോ രണ്ട് മാസത്തെ ശമ്പളം വാഗ്ദാനം ചെയ്തതായി റിപോർടിൽ പറയുന്നു.