കൊച്ചി: (KVARTHA) സംസ്ഥാനത്ത് സ്വർണവില വീണ്ടും കുതിച്ചുയർന്നു. കഴിഞ്ഞ ദിവസങ്ങളിൽ വിലയിൽ കാര്യമായ കുറവ് രേഖപ്പെടുത്തിയതിന് ശേഷമാണ് ഇപ്പോൾ ഈ വർധനവ് ഉണ്ടായിരിക്കുന്നത്. ബുധനാഴ്ച 22 കാരറ്റ് സ്വർണത്തിന്റെ വില ഗ്രാമിന് 65 രൂപയും പവന് 520 രൂപയുമാണ് വർധിച്ചത്. ഈ വില വർധനവോടെ 22 കാരറ്റ് സ്വർണത്തിന്റെ ഒരു ഗ്രാം വില 8290 രൂപയായി ഉയർന്നു. ഇതോടെ ഒരു പവൻ സ്വർണത്തിന്റെ വില 66320 രൂപയിലെത്തി. 

സംസ്ഥാനത്തെ സ്വർണവ്യാപാരി സംഘടനകൾക്കിടയിൽ ഭിന്നതകൾ നിലനിൽക്കുന്നുണ്ടെങ്കിലും, 22 കാരറ്റ് സ്വർണത്തിന്റെ വിലയുടെ കാര്യത്തിൽ ഏകീകൃത നിലപാടാണ് സ്വീകരിക്കുന്നത്. എന്നാൽ, 18 കാരറ്റ് സ്വർണത്തിന് വ്യത്യസ്ത വിലയാണ് നിശ്ചയിച്ചിട്ടുള്ളത്.

കെ സുരേന്ദ്രൻ പ്രസിഡന്റും അഡ്വ. എസ് അബ്ദുൾ നാസർ സെക്രട്ടറിയുമായി പ്രവർത്തിക്കുന്ന ഓൾ കേരള ഗോൾഡ് ആൻഡ് സിൽവർ മെർച്ചന്റ്‌സ് അസോസിയേഷൻ (AKGSMA) 18 കാരറ്റ് സ്വർണത്തിന് ഗ്രാമിന് 50 രൂപയാണ് വർദ്ധിപ്പിച്ചത്. ഈ വർധനവോടെ ഒരു ഗ്രാം 18 കാരറ്റ് സ്വർണത്തിന്റെ വില 6795 രൂപയായി. പവന് 400 രൂപ വർധിച്ചതോടെ വില 54360 രൂപയിലെത്തി.

അതേസമയം, ഡോ. ബി ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായുള്ള ഓൾ കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷൻ (AKGSMA) 18 കാരറ്റ് സ്വർണത്തിന് ഗ്രാമിന് 55 രൂപയാണ് വർദ്ധിപ്പിച്ചത്. ഈ സംഘടനയുടെ കണക്കനുസരിച്ച് ഒരു ഗ്രാം 18 കാരറ്റ് സ്വർണത്തിന്റെ വില 6835 രൂപയാണ്. പവന് 440 രൂപ വർധിച്ചതോടെ വില 54680 രൂപയിലെത്തി

വെള്ളിയുടെ വിലയിൽ മാറ്റമൊന്നുമില്ല. സാധാരണ വെള്ളിയുടെ വില ഗ്രാമിന് 102 രൂപയായി തന്നെ തുടരുന്നു. കേരളത്തിൽ വിഷു, ഈസ്റ്റർ, അക്ഷയതൃതീയ തുടങ്ങിയ ആഘോഷങ്ങളും വിവാഹ സീസണും അടുത്ത് വരുന്ന ഈ സമയത്താണ് സ്വർണവിലയിൽ ഈ ചാഞ്ചാട്ടം ഉണ്ടാകുന്നത്.

ഈ വാർത്ത പങ്കുവെക്കുക. നിങ്ങളുടെ അഭിപ്രായങ്ങളും താഴെ കമന്റ് ബോക്സിൽ രേഖപ്പെടുത്തുക.

Gold prices in Kerala have surged again after a recent dip. The price of 22-carat gold increased by ₹65 per gram and ₹520 per sovereign, reaching ₹8290 per gram and ₹66320 per sovereign. There are differing prices for 18-carat gold set by two different gold merchant associations. Silver prices remain unchanged. This fluctuation comes ahead of the wedding season and festivals like Vishu and Easter.

#GoldPrice #Kerala #PriceHike #WeddingSeason #GoldMarket #News