റെക്കോഡ് വിലയിൽനിന്ന് നിലംപതിച്ച് സ്വർണം; പവന് 440 രൂപ കുറഞ്ഞു!

കൊച്ചി: (KVARTHA) സംസ്ഥാനത്ത് സ്വർണവിലയിൽ ആശ്വാസം രേഖപ്പെടുത്തി. ഒരാഴ്ചയ്ക്കിടെ പവന് 2440 രൂപയുടെ വലിയ ഇടിവാണ് രേഖപ്പെടുത്തിയത്. ഇന്ന്, ജൂൺ 28 ശനിയാഴ്ച, 22 കാരറ്റ് സ്വർണത്തിന് ഗ്രാമിന് 55 രൂപ കുറഞ്ഞ് 8930 രൂപയിലും പവന് 440 രൂപ കുറഞ്ഞ് 71440 രൂപയിലുമാണ് വ്യാപാരം നടക്കുന്നത്.

കഴിഞ്ഞ ദിവസങ്ങളിലും സ്വർണത്തിന് വില കുറഞ്ഞിരുന്നു. വെള്ളിയാഴ്ച ഗ്രാമിന് 85 രൂപ കുറഞ്ഞ് 8985 രൂപയിലും പവന് 680 രൂപ കുറഞ്ഞ് 71880 രൂപയിലുമായിരുന്നു വ്യാപാരം. വ്യാഴാഴ്ച 22 കാരറ്റ് സ്വർണത്തിന് ഗ്രാമിന് 9070 രൂപയും പവന് 72560 രൂപയുമായിരുന്നു. 
 

ബുധനാഴ്ച 22 കാരറ്റ് സ്വർണത്തിന് ഗ്രാമിന് 25 രൂപ കുറഞ്ഞ് 9070 രൂപയും പവന് 200 രൂപ കുറഞ്ഞ് 72560 രൂപയുമെത്തി. ചൊവ്വാഴ്ച രണ്ട് തവണയായി പവന് 1080 രൂപയാണ് കുറഞ്ഞത്. രാവിലെ 22 കാരറ്റ് സ്വർണത്തിന് ഗ്രാമിന് 75 രൂപ കുറഞ്ഞ് 9155 രൂപയിലും പവന് 600 രൂപ കുറഞ്ഞ് 73240 രൂപയിലും, ഉച്ചയ്ക്ക് ശേഷം ഗ്രാമിന് 60 രൂപ കുറഞ്ഞ് 9095 രൂപയിലും പവന് 480 രൂപ കുറഞ്ഞ് 72760 രൂപയിലുമാണ് വ്യാപാരം നടന്നത്.
 

18 കാരറ്റിനും കുറഞ്ഞു

ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷനിലെ (AKGSMA) കെ. സുരേന്ദ്രൻ പ്രസിഡന്റും അഡ്വ. എസ്. അബ്ദുൾ നാസർ സെക്രട്ടറിയുമായുള്ള വിഭാഗത്തിന് ജൂൺ 28-ന് 18 കാരറ്റ് സ്വർണത്തിന് ഗ്രാമിന് 35 രൂപ കുറഞ്ഞ് 7325 രൂപയിലും പവന് 280 രൂപ കുറഞ്ഞ് 58600 രൂപയിലുമാണ് കച്ചവടം നടക്കുന്നത്.

ഡോ. ബി. ഗോവിന്ദൻ ചെയർമാനും ജസ്റ്റിൻ പാലത്ര പ്രസിഡന്റുമായുള്ള (AKGSMA) വിഭാഗത്തിനും ശനിയാഴ്ച 18 കാരറ്റ് സ്വർണത്തിന് വില കുറഞ്ഞു. ഗ്രാമിന് 45 രൂപ കുറഞ്ഞ് 7360 രൂപയും പവന് 360 രൂപ കുറഞ്ഞ് 58880 രൂപയുമാണ്.
 

വെള്ളിക്ക് വ്യത്യസ്ത നിരക്കുകൾ

ശനിയാഴ്ച ഇരു വിഭാഗത്തിനും ഒരു ഗ്രാം സാധാരണ വെള്ളിക്ക് വ്യത്യസ്ത നിരക്കുകളാണ്. കെ. സുരേന്ദ്രൻ വിഭാഗത്തിന് ഒരു ഗ്രാം സാധാരണ വെള്ളിക്ക് 115 രൂപയിലും, മറു വിഭാഗത്തിന് 118 രൂപയിലുമാണ് വ്യാപാരം നടക്കുന്നത്.

സ്വർണവില കുറഞ്ഞതിനെക്കുറിച്ച് നിങ്ങളുടെ അഭിപ്രായം പങ്കുവെക്കുക. 

Article Summary: Gold prices drop significantly in Kerala; sovereign down by ₹440.
 

#GoldPrice #Kerala #GoldRate #MarketDown #Jewellery #Investment