രാജ്യത്ത് ഇന്ധന വില കുറയാൻ സാധ്യത; എണ്ണക്കമ്പനികൾ അന്തിമ തീരുമാനത്തിലേക്ക്

ന്യൂഡൽഹി: (KVARTHA) രാജ്യത്ത് ഇന്ധന വില കുറയാൻ സാധ്യതയുള്ളതായി റിപ്പോർട്ട്. പാർലമെൻ്റ് വർഷകാല സമ്മേളനത്തിന് മുൻപ് ഇന്ധന വില കുറയ്ക്കുന്ന കാര്യത്തിൽ എണ്ണക്കമ്പനികൾ അന്തിമ തീരുമാനമെടുത്തേക്കും. പശ്ചിമേഷ്യയിലെ സംഘർഷങ്ങൾ ശമിച്ചതോടെ ഇന്ധന മേഖലയിലുണ്ടായ ആഗോള പ്രതിസന്ധികൾക്ക് അയവ് വന്നിട്ടുണ്ട്. ക്രൂഡ് ഓയിൽ വിലയിലുണ്ടായ ആഗോള ഇടിവ് കണക്കിലെടുത്ത് അടുത്ത ഏഴ് മുതൽ പത്ത് ദിവസത്തിനുള്ളിൽ ഇന്ധന വില കുറയ്ക്കാൻ സാധ്യതയുണ്ടെന്നാണ് പുറത്തുവരുന്ന വിവരം.

E25 പെട്രോൾ; മന്ത്രിയുടെ മറുപടി

അതേസമയം, രാജ്യത്ത് ഇ-25 പെട്രോൾ നടപ്പാക്കുന്നത് സംബന്ധിച്ച ആശങ്കകൾ കേന്ദ്ര പെട്രോളിയം മന്ത്രി ഹർദീപ് സിങ് പുരി തള്ളി. E20 പെട്രോളുമായി ബന്ധപ്പെട്ട പരാതികൾ തെറ്റിദ്ധാരണാജനകമാണെന്ന് അദ്ദേഹം പറഞ്ഞു. 

കൂടുതൽ എഥനോൾ ചേർത്ത ഇ-25 പെട്രോൾ നടപ്പാക്കുന്നത് സംബന്ധിച്ച തീരുമാനങ്ങൾ വേഗത്തിലാവില്ലെന്നും മന്ത്രി വ്യക്തമാക്കി. ഈ പെട്രോൾ നടപ്പിലാക്കുന്നതിന് മുൻപ് സാങ്കേതിക പരിശോധനകളും വാഹന നിർമാതാക്കളുമായുള്ള ചർച്ചകളും അനിവാര്യമാണ്. റിപ്പോർട്ടുകൾ ലഭിച്ച ശേഷം മാത്രമായിരിക്കും തുടർനടപടികൾ സ്വീകരിക്കുക. നിലവിൽ വാഹന നിർമാതാക്കളും ഉപഭോക്താക്കളും ഇന്ധനം അംഗീകരിച്ചിട്ടുണ്ടെന്നും മന്ത്രി കൂട്ടിച്ചേർത്തു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന്  താഴെ കമൻ്റായി രേഖപ്പെടുത്താം.

Article Summary: There is a possibility of a reduction in fuel prices in India ahead of the upcoming parliamentary session, as global crude oil prices stabilize. 

#FuelPriceReduction #HardeepSinghPuri #E25Petrol #EnergyNews #IndiaEconomy #KeralaNews #FuelPrices #AmmuNews